4
Սկիզբ / staff.am / Synopsys Armenia-ում կայացավ հետաքրքիր քննարկում-միջոցառում Empowering women, building career in tech թեմայի շուրջ

Synopsys Armenia-ում կայացավ հետաքրքիր քննարկում-միջոցառում Empowering women, building career in tech թեմայի շուրջ

Մարտի 7-ին կանանց միջազգային տոնին ընդառաջ Synopsys Armenia-ն կազմակերպել էր հետաքրքիր քննարկում-միջոցառում՝ “Empowering women, building career in tech” խորագրով, որին որպես խոսնակ հրավիրված էին tech ոլորտում հաջողակ կանայք՝ staff.am համահիմնադիր, տեխնիկական գիտությունների թեկնածու Լուիզա Ավետիսյանը, Synopsys Armenia Software ծրագրավորման ղեկավար Ժենյա Սարգսյանը, ով ավելի քան 10 տարվա փորձ ունի EDA (Electronic design automation) ոլորտում և Girls in Tech հայաստանյան ներկայացուցչության ղեկավար Սեդա Պապոյանը։ Քննարկումը վարում էր Synopsys Armenia ընկերության Մարդկային ռեսուրսների կառավարիչ Մարիա Պետրոսյանը։

staff.am-ում ողջունում ենք նման ուղղվածություն ունեցող միջոցառումների կազմակերպումը, իսկ մեր թիմի անդամները միշտ սիրով ընդունում են որպես խոսնակ հանդես գալու առաջարկները։ Հավելենք նաև, որ Սինոփսիս Արմենիա ընկերության հետ համագործակցում ենք արդեն 1.5 տարի, առիթ ենք ունեցել լուսաբանել ընկերության կորպորատիվ մշակույթն ու աշխատելաոճը, որին կարող եք ծանոթանալ այստեղ:

Միջոցառմանը ներկա էին 60-ից ավելի մասնակիցներ ինչպես Synopsys Armenia-ից, այնպես էլ Հայաստանում գործող այլ կազմակերպություններից։ Քննարկվեցին շատուշատ օգտակար թեմաներ tech ոլորտում կանանց ներգրավվածության, կարիերայի ճանապարհին հանդիպող մարտահրավերների ու առանձնահատկությունների վերաբերյալ։

Նշենք, որ Synopsys-ում անչափ կարևորում են բազմազանությունը և ներգրավվածությունն (Diversity and Inclusion) աշխատավայրում, և հատկանշական է, որ Սինոփսիս Արմենիայի աշխատակազմի 34% -ը կանայք են։

«Հայաստանում այսօր ունենք տեխնոլոգիական ոլորտի մասնագետների լուրջ պակաս մի կողմից, և թափուր աշխատատեղերի մեծ քանակ մյուս կողմից։ Սա նշանակում է, որ ոլորտն իսկապես դինամիկ զարգացում է ապրում, իսկ մոտավոր հաշվարկներով կա ավելի քան 2 000 ՏՏ մասնագետի պակաս։ Այս պակասը լրացնելու գործում իրենց մեծ դերն ունեն կանայք և աղջիկները, և միանշանակ, պետք է լինել ավելի ինքնավստահ և համարձակ տեխնոլոգիական ոլորտում կարիերա զարգացնելու համար։ Ինքս, ունենալով տեխնիկական կրթություն և աշխատելով տաբեր ոլորտներում, կարող եմ համոզմունքս հայտնել, որ այս ոլորտում մասնագետի սեռն առաջնային չէ, կարևոր են գիտելիքը, աշխատասիրությունը, նվիրվածությունն ու սովորելու կարողությունը»,- նշեց Լուիզա Ավետիսյանը։

Ավելի քան 2 ժամ տևած հանդիպումն ավարտվեց Սինոփսիս Արմենիայի կողմից կազմակերպված հյուրասիրությամբ։ Անչափ շնորհակալ ենք մեր գործընկեր կազմակերպությանը հրավերի և օգտակար ու հետաքրքիր քննարկումների հարթակ տրամադրելու համար։

 

 

Այցելեք staff.am այսօր և ստեղծեք Ձեր օնլայն CV-ին

Հեղինակը՝ StaffBlog

Դիտեք նաև

cover_final_staffblogauthor

Ինչպե՞ս բարձրացնել աշխատակիցների արդյունավետությունն ու ներգրավվածությունը

Ուրախ ենք Ձեզ ներկայացնել «Դարձի՛ր StaffBlog հեղինակ» մեր նախագծի հաջորդող թողարկումը: Նախագծի նպատակն է քննարկումներ ծավալել HR ոլորտում …

Leave a Reply

Your email address will not be published. Required fields are marked *