Optym-Armenia-cover

#WorkFromHome. Optym Armenia-ի լավագույն փորձը

Պատկերացրեք, որ դուք աշխատում եք տանից, հանկարծ ձեր դուռը թակում են ու առաքիչը փոխանցում է ձեր սիրած համային համադրությամբ ամենահամեղ պիցցան 🙂 Եկեք ևս մեկ իրավիճակ պատկերացնենք, որ ամբողջ օրն անդադար աշխատել եք ու մտովի պլան եք մշակում, որ վաղվանից անհապաղ պետք է workout-ը task-երի մեջ գրել, ու մեկ էլ հանկարծ հեռախոսի Slack channel-ի նոթիֆիքեյշնը սթափեցնում է ձեզ․ «Վաղն օպտիմյան թիմով ֆիտնեսի ժամ ունենք»․․․

Իսկ հիմա կարծում ենք պատկերացրեցիք, ինչ տպավորված ենք Օպտիմ Արմենիա մեր վիրտուալ այցից։ Արդեն երկու ամիս է ինչ հեռահար են աշխատում ու բոլոր հարցերին տվել են օպտիմիզացված և ավտոմատացված լուծումներ ճիշտ այնպես, ինչպես մատուցում են իրենց ծառայություններն ու պրոդուկտները աշխարհահռչակ հաճախորդներին։

Օպտիմ Արմենիա թիմ, հատուկ շնորհակալություն լավագույն փորձով կիսվելու համար 🙂

Optym1

Work From Home` Օպտիմ Արմենիայի արձագանքը Covid-19-ին

Օպտիմ Արմենիա-ն միշտ գործել է և շարունակում է գործել պրոակտիվ բոլոր հարցերում և COVID-19-ին մեր արձագանքը բացառություն չէ:

Քանի որ մեր աշխատակիցների առողջությունը և անվտանգությունն առաջնային տեղում են մեզ համար, մենք որոշեցինք անցնել հեռահար աշխատանքի նույնիսկ երբ վարակը դեռ տարածված չէր, և իրավիճակը թվում էր կառավարելի:

Դիտարկելով վարակի տարածման և դրա հետևանքների հնարավոր սցենարները՝ մենք շատ արագ կայացրեցինք այդ որոշումը և ընդամենը մեկ օրվա մեջ կարողացանք կազմակերպել հեռահար աշխատանքն ամբողջ անձնակազմի համար և ձեռնարկել բոլոր միջոցներն աշխատանքի արդյունավետ և անխափան ընթացքի համար: Աշխատակիցներին տրամադրվեցին անհրաժեշտ պարագաները (սարքավորում, գույք և այլն), որպեսզի աշխատանքը տան պայմաններում լինի նույնքան հարմարավետ, որքան գրասենյակում:

optym_png_icon

Որպես միջազգային և տարբեր երկրներում օֆիսներ ունեցող ընկերություն, վստահ ենք, որ հեռահար աշխատանքը նորույթ չէր ձեզ համար, սակայն հետաքրքիր է, արդյո՞ք աշխատակիցները կարող են օգտվել տանից աշխատելու հնարավորությունից՝ որպես բենեֆիթ։

Այո, հեռահար աշխատանքը,  իհարկե, նորույթ չէ մեր աշխատակիցների համար: Օպտիմը ունի գրասենյակներ աշխարհի տարբեր անկյուններում և դրանց հետ մեր ամենօրյա շփումն ու համագործակցությունը հնարավոր է միայն հեռահար տարբերակով:

Բացի այդ, մենք ունենք հատուկ մշակված Work from home քաղաքականություն՝ անհրաժեշտության դեպքում մեր աշխատակիցներին գրասենյակից դուրս աշխատելու հնարավորություն տալու համար:

Սակայն ամբողջ անձնակազմով հեռահար աշխատանքի անցնելը պահանջում էր խիստ կազմակերպվածություն և պատասխանատվության բարձր զգացում թե ընկերության ղեկավարության, թե աշխատակիցների կողմից, ինչն էլ ցուցաբերեցին մեր բոլոր աշխատակիցները հենց առաջին օրվանից: Հենց նման իրավիճակներում է, որ  աշխատողների նվիրվածությունը աշխատանքին և ընկերությանը դառնում է ավելի տեսանելի և էլ ավելի գնահատված:

optym_png_icon

Կնշե՞ք tech գործիքների այն թոփ եռյակը, որոնք այս երկու ամսվա ընթացքում թույլ տվեցին ձեզ ունենալ աշխատանքի ֆանտաստիկ կատարողականություն ու դե, իհարկե, գործնական լուրջ քննարկումներ 🙂 😎

Երբ խոսքը գնում է այն tech գործիքների մասին, որոնք օգտագործվում են մեր ընկերությունում աշխատանքի կատարողականությունն ապահովելու համար, այս ճգնաժամային օրերը քիչ են տարբերվում գրասենյակում անցկացվող բնականոն աշխատանքային օրերից, քանի որ մենք շարունակում ենք օգտագործել նույն գործիքները, մասնավորապես JIRA, Slack և Zoom:

Տարբերությունը միայն այն է, որ դրանց կարիքը ավելի շատ է այսօր, քանի որ այս գործիքները թիմային աշխատանքի միակ միջոցներն են տվյալ իրավիճակում: Օգտագործելով այս գործիքների հնարավորությունները՝ մենք ստեղծել ենք լրացուցիչ հարթակներ դրանց ներքո, օրինակ, “COVID-19 support” Slack channel հեռահար աշխատանքի ընթացքում առաջացած խնդիրների և հարցերի  քննարկման համար:

optym_png_icon

Իսկ եթե խոսենք թիմայինի ու կորպորատիվ մշակույթի մասին, մեր վիրտուալ այցի ընթացքում արդեն իսկ նկատում ենք թիմային հոգատարությունն ու միասնությունը։ Ի՞նչ քայլեր են ձեռնարկվել այս ուղղությամբ։

Մենք արդեն ունենք ձևավորված կորպորատիվ մշակույթ և այս իրավիճակում դրա պահպանումն առավել կարևոր է մեզ համար: Թիմային աշխատանքը և թիմային ոգին մեր ընկերության արժեքներից մեկն է, հետևաբար, մենք շարունակում ենք առցանց կազմակերպել տարբեր միջոցառումներ, որպեսզի պահպանենք թիմային ոգին և խրախուսենք թիմային հանդիպումները: Դրանցից են, օրինակ, մեր All Hands հանդիպումները, որին մասնակցում է ամբողջ անձնակազմը։

Սակայն մեզ համար նաև շատ կարևոր է ամեն աշխատակցի տրամադրությունը, այդ իսկ պատճառով մենք մշտապես կապի մեջ ենք մեր բոլոր աշխատակիցների հետ և շարունակում ենք մեր ավանդական դարձած միջոցառումները, բայց արդեն հեռահար տարբերակով: Օրինակ, նրանք, ովքեր այս ամիս տոնում են իրենց հերթական տարեդարձը Օպտիմի հետ, ստացան հաճելի անակնկալ գինու և շոկոլադի տեսքով, իսկ այս շաբաթ բոլորը կստանան մեկ այլ անակնկալ՝ տարբեր համերի և տեսակների պաղպաղակ:

Քանի որ մեր աշխատողների բարեկեցությունն ու առողջությունը շատ կարևոր է մեզ համար, գրասենյակում կազմակերպվող մերսման սեանսների փոխարեն այժմ մենք անցկացնում ենք առցանց ֆիտնեսի դասեր:

Մեր փորձը ցույց տվեց, որ նույնիսկ հեռահար աշխատելու պայմաններում կարելի է մնալ համախմբված և պահպանել թիմային ոգին՝ միաժամանակ գնահատելով ամեն աշխատակցի դերն ու կարևորությունը:

optym_png_icon

Covid-19-ը Ձեզ համար մարտահրավեր է, թե՞ նոր հնարավորությունների սկիզբ։

Եթե հարցը հնչեր երկու ամիս առաջ, միգուցե պատասխանեինք, որ այն մարտահրավեր է, որը պետք է հաղթանակել։ Սակայն արդեն մոտ երկու ամիս է, ինչ աշխատում ենք հեռահար ռեժիմով և վստահորեն կարող ենք ասել, որ այս ընթացքում ոչ մի լուրջ խնդրի առաջ չենք կանգնել և ոչ մի մարտահրավերի հետ չենք բախվել, որը չենք կարողացել հաղթահարել: Ի շնորհիվ մեր ամբողջ անձնակազմի նվիրվածությանն ու մեր՝ տեխնիկական և ցանցային սպասարկման թիմի  լուրջ մասնագիտական պատրաստվածությանը՝ մինչ այսօր էլ հեռահար աշխատանքն ընթանում է առանց որևէ լուրջ տեխնիկական խնդիրների:

Հետևել Օպտիմ Արմենիա-ին staff.am-ում

Թերևս, միակ մարտահրավեր կարելի է համարել թիմային միջոցառումների կազմակերպումը: Մենք սովորաբար շատ հաճախ ենք թիմային միջոցառումներ կազմակերպում գրասենյակում, օրինակ` թիմային խաղեր կամ Lunch and Learn, հետևաբար շատ կարևոր էր շարունակել նման միջոցառումների կազմակերպումը առցանց տարբերակով: Օրինակ, անցյալ ուրբաթ կազմակերպեցինք Friday Lunch, բայց այս անգամ պիցցան առաքվեց ոչ թե գրասենյակ, այլ ամեն աշխատակցի հասցեով: Այսինքն, կարող ենք ասել, որ այստեղ էլ մենք հաղթանակած դուրս եկանք։

optym_png_icon

Որո՞նք են այն ամենաֆան պահերը, որ ամենաշա՜տն եք կարոտել ու օֆիս վերդառնալուն պես դա կլինի ձեր առաջին քայլը 🙂

Չնայած, որ հեռահար աշխատանքն ընթանում է առանց որևէ խնդիրների, մենք բոլորս անհամբեր սպասում ենք, թե երբ ենք վերադառնալու գրասենյակ՝ միասին սուրճ խմելու մեր հարմարավետ և գեղեցիկ խոհանոցում, իսկ հետո սեղանի ֆուտբոլ կամ պինգ-պոնգ խաղալ թիմակիցների հետ մեր հանգստի սենյակում: Երկամսյա մեկուսացումից հետո մարդկային շփումը և թիմային միջոցառումներն էլ ավելի ակտուալ կդառնան: Արդեն սկսել ենք մշակել միջոցառումներ, որոնք կկազմակերպենք գրասենյակ վերադառնալուն պես,  բայց առաջին հերթին մեր հերթական Team Building-ը կանենք, այս անգամ ոչ առցանց, ինչը հուսադրում և ուրախացնում է:

#WorkFromHome VS #OfficeWork

Ճիշտ ժամանակն է վերադառնալ օֆիս, այլապես Օպտիմ Արմենիան նոր ավտոմատացված լուծումներ կմշակի, որոնք կգնահատեն թիմի ցանկությունները և իրական ժամանակում աշխատանքային օրը կդարձնեն տոն 🙂 Չէ՞ որ, նրանք ցանկացած իրավիճակից հաղթանակած են դուրս գալիս․ եկեք բոլորով մաղթենք այս պրոֆեսիոնալ թիմին նոր նվաճումներ ու թօօյն թիմբիլդինգներ։ 

 

Այցելեք staff.am այսօր և ստեղծեք Ձեր օնլայն CV-ին

Հեղինակը՝ StaffBlog

Դիտեք նաև

COVER2

Թիմակիցների մենտորինգ․ հաջողված մեթոդ աշխատավայրում

Ինչ է թիմակիցների մենտորինգը: Ի՞նչ առավելություններ այն կտա Ձեր ընկերությանը։ 5 հիմնական խորհուրդ «թիմակիցների մենտորինգ» …

Leave a Reply

Your email address will not be published. Required fields are marked *