Yerevan

Ընկերության մասին

«Էյ Էմ Էլ Սոլուշնզ» ՍՊ ընկերությունը փողերի լվացման և ահաբեկչության ֆինանսավորման դեմ պայքարի միջազգային լավագույն փորձին և հայաստանյան օրենսդրության պահանջներին համապատասխանության ոլորտում խորհրդատվական ծառայություններ մատուցող ընկերություն է։ Ընկերության փորձառու աշխատակիցները ֆինանսական և ոչ ֆինանսական հաստատություններին ոչ միայն օգնում են իրենց գործունեությունը համապատասխանեցնել կիրառելի պահանջներին և նվազագույնի հասցնել դրանց խախտման ռիսկը, այլև անցկացնում են դասընթացներ՝ կիսվելով ոլորտային գիտելիքներով և բազմամյա փորձով։

Դասընթացի մասին

«Էյ Էմ Էլ Սոլուշնզ» ՍՊ ընկերությունը սույն թվականի մարտի 17-ից մեկնարկում է փողերի լվացման և ահաբեկչության ֆինանսավորման դեմ պայքարի ոլորտում վեց շաբաթ տևողությամբ, յուրաքանչյուր աշխատանքային օր (աշխատանքային ժամերից հետո) երկժամյա դասավանդմամբ դասընթաց այն անձանց համար, ովքեր ցանկանում են ձեռք բերել ոլորտային հիմնարար գիտելիքներ կամ ավելի խորացնել դրանք։ Դասընթացի ընթացքում նախատեսվում է քննարկել այնպիսի կարևոր և արդիական թեմաներ, ինչպիսիք են հաճախորդի պատշաճ ուսումնասիրության միջոցառումների ձեռնարկումը, այդ թվում՝ ռիսկի դասով պայմանավորված դրանց խորությունն ու ձեռնարկման հաճախականությունը, գործարքը կամ գործարար հարաբերությունը կասկածելի որակելու և դրա վերաբերյալ հաշվետվություն տրամադրելու գործընթացը, ռիսկերի ռազմավարական վերլուծության իրականացումը և այլն։

Դասընթացը կրելու է ինտերակտիվ բնույթ. նախատեսվում է ներկայացնել ինչպես յուրաքանչյուր թեմայի տեսական կողմը, այնպես էլ ապահովել մասնակիցների համակողմանի ներգրավվածությունը՝ գործնական աշխատանքների կատարմամբ, այլ առաջադրանքների տրմամբ և քննարկմամբ։

Դասընթացը նախատեսվում է իրականացնել առերես՝ հեռավար միանալու հնարավորությամբ։

Իրենց լավագույն կերպով դրսևորած մասնակիցները դասընթացի ավարտին կստանան մասնակցության հավաստագիր, հնարավորության դեպքում՝ նաև աշխատանքի առաջարկ (2024թ․ նոյեմբեր-դեկտեմբեր ամիսներին անցկացված դասընթացի տասը մասնակցից յոթին առաջարկվել է աշխատանք)։

Դասընթացի արժեքը մեկ անձի համար 150.000 (մեկ հարյուր հիսուն հազար) ՀՀ դրամ է, որն առանձին պայմանների բավարարելու (օրինակ՝ ուսանողի գերազանց առաջադիմություն) դեպքում կարող է նվազեցվել։