Krav Maga Armenia

Հայաստանի Կրավ Մագայի Ֆեդերացիան հիմնադրվել է 2013 թ․։ Ֆեդերացիայում անցկացվում են Կրավ Մագա ինքնապաշտպանության մարզումներ երեխաների (սկսած 4 տարեկանից), կանանց, տղամարդկանց և պրոֆեսիոնալ մարզիկների համար։ 

Մարզումները մոտեցված են իրական մարտական իրավիճակներին, իսկ մարզվելիս շեշտը դրվում է ագրեսիայի իրական սպառնալիքի պայմաններում սթրեսադիմացկունության, արագ կողմնորոշվելու և վտանգը վնասազերծելու վրա: Ֆեդերացիայում մարզիկները սովորում են ինքնապաշտպանություն հարձակումների և բռնվածքների ժամանակ, ինչպես պաշտպանվել դանակից, հրազենից և որպես զենք գործադրվող այլ առարկաներով հարձակման ժամանակ, ինչպես կիրառել զենքը (հրաձգություն) և անհատական պաշտպանության այլ միջոցները։

Ֆեդերացիում գործում է նաև KMA Fight Club հատուկ մարզադահլիճը, որտեղ անցկացվում են առանձին մարզումներ տարատեսակ սպորտաձևերից` MMA, Brazilian jiu jitsu, sambo, kickboxing, thai boxing, judo, KravFit, yoga և այլն:

Ֆեդերացիայի նախագահ և գլխավոր ինստրուկտոր՝ Սարգիս Բազինյան, աշխարհի և Եվրոպայի քիքբոքսինգի չեմպիոն, Կրավ Մագայի միջազգային էքսպերտ։