Հայաստանի Հանրապետության առաջատար բեռնափոխադրող §Սպայկա¦ ընկերության շարժակազմը համալրված է հանրահայտ VOLVO, IVECO մակնիշի ավելի քան 200 փոխադրամիջոցներով: §Սպայկա¦ ընկերությունը VOLVO, CARRIER TRANSICOLD, KRONE, SHMITZ CARGOBULL ընկերությունների պաշտոնական դիստրիբյուտորն է Հայաստանում, ինչպես նաև 2016 թվականին գործարկվեց շուրջօրյա VOLVO-RENAULT տեխսպասարկման կենտրոնը:
§Սպայկա¦ ընկերությունը թարմ մրգի և բանջարեղենի արտահանմամբ, վաճառքով սկսել է զբաղվել 2007 թվականից` արտահանումներ կատարելով դեպի Ռուսաստան, ԱՊՀ երկրներ և Եվրոպա: 2009 թվականին ստեղծվել է §Արարատֆրուտ¦ ապրանքանիշը, որը տարիների ընթացքում դարձավ հայկական անուշահամ մրգի և բանջարեղենի այցեքարտը: Այսօր §Սպայկա¦-ն հանդիսանում է Հայաստանի ագրարային տնտեսության ռազմավարական նշանակության խոշորագույն արտահանող ընկերությունը, գյուղատնտեսության ոլորտի լոկոմոտիվը:
§Սպայկա¦ ընկերության §Արարատֆուդ¦ ապրանքանիշը ստեղծվել է 2010 թվականին: Ավանդական բաղադրատոմսով պահածոյացված կոմպոտներն ու հյութերն իրենց համային բարձր հատկանիշների, որակի և մատչելիության համադրելիության շնորհիվ սպառողների կողմից մեծ պահանջարկ են վայելում:
§Արարատֆուդ¦ ապրանքանիշի կոմպոտի, հյութի արտադրությունն այսօր վերազինված է իտալական արդի ավտոմատացված հոսքագծով, որն ապահովում է արտադրանքի բարձր որակ: §Արարատֆուդ¦-ն այսօր գործում է որակի կառավարման ISO 9001:2005 և ISO 22000:2008 միջազգային չափանիշներին համապատասխան: Արտադրանքի մեջ չեն օգտագործվում արհեստական գունանյութեր և կոնսերվանտներ: Ներկայումս §Արարատֆուդ¦-ի տեսականին արտահանվում է Ռուսաստանի Դաշնություն և Եվրամիության երկրներ:
Էկոլոգիապես մաքուր եվրոպական փքվող պոլիստիրոլե հումքի և գերմանական հեղինակավոր KURTZ ընկերության տարատեսակ փաթեթավորման սարքավորումների շնորհիվ գործարկվեց իր տեսակով և որակով տարածաշրջանում միակը հանդիսացող պոլիսթիրոլե արկղերի, բեռնատակդիրների արտադրությունը: Մշակվեցին միրգ-բանջարեղենի կյանքի ցիկլը երկարացնող մեխանիզմներ: Կառուցվեց ջերմակարգավորող Ա դասի սառնարանային համակարգ` 12,000 տոննա տարողությամբ:
