Մենք նախագծում ենք ծառայություններ, որոնք լրացնում են համակարգային բացերը․ միացի՛ր մեզ հոգեկան առողջությունը միասին բարեփոխելու համար 
Կազմակերպությունն իր առանցքային նախագծերով անվճար ծառայություններ է տրամադրում խոցելի խմբերին, այդ թվում «Հոգեբանական աջակցություն հոգեկան առողջության խնդիր ունեցող անձանց խնամակալներին եւ ընտանիքի անդամներին» եւ «Հոգեբանական աջակցություն բռնի տեղահանված անձանց» ծրագրերի օգնությամբ։
2025 թ․-ի ապրիլ ամսից կազմակերպությունը մեկնարկել է «Հուզական աջակցության թեժ գիծ» ծառայությունը, այն իրականացվում է «Հոգեկան առողջության իրազեկման նախաձեռնություն» հասարակական կազմակերպության կողմից՝ Երևանի քաղաքապետարանի աջակցությամբ։
Ծառայությունը հասանելի է 0800 00 900 անվճար հեռախոսահամարով երկուշաբթիից ուրբաթ` ժամը 09:00-ից մինչեւ 18:00-ն։ Ծառայության նպատակն է հուզական աջակցության տրամադրմամբ նպաստել անհատների հոգեհուզական մարտահրավերների հաղթահարմանը։
Ծառայությունը հասանելի է Հայաստանի ողջ տարածքում, տրամադրվում է անվճար, գաղտնի, եւ իրականացվում է վերապատրաստված մասնագետների եւ կամավորների կողմից։ Դիմել կարող են բոլոր նրանք, ովքեր զգում են, որ անհրաժեշտ է որեւէ մեկի հետ խոսել։
