«Թվային Հայաստան» հիմնադրամ
Հայաստանի Հանրապետությունում կառավարման արդյունավետության բարձրացման, թափանցիկության, բարենպաստ բիզնես-միջավայրի ապահովման և տեղեկատվական հասարակության գործունեությունը համակարգելու նպատակով, տեղեկատվական ժամանակակից տեխնոլոգիական հենքի վրա Հայաստանի Հանրապետության կառավարության կողմից ստեղծվել է հատուկ մարմին՝ «Թվային Հայաստան» հիմնադրամ (ԹՀՀ), որը կոչված է իրականացնելու և համակարգելու պետական մարմիններում թվային փոխակերպումը և էլեկտրոնային տեղեկատվական համակարգերի ներդրման հանրապետական մակարդակով իրականացվող գործընթացը: ԹՀՀ-ը համակարգում և ապահովում է ՀՀ թվային օրակարգի մշակման և իրականացման ողջ գործընթացը, պետական կառավարման և տեղական ինքնակառավարման ոլորտների էլեկտրոնային համակարգերի զարգացումը և պետական կառավարման մարմինների միջև փոխգործելիության (Interoperability) մակարդակի բարձրացումը:
