6 տարի միասին. staff.am HR գալա միջոցառման հյուրերը, մեր նոր նախագծերն ու նվաճումները և այլ անակնկալներ

1770

Երկու տարվա դադարից հետո staff.am-ը դեկտեմբերի 10-ին կրկին մեկ հարկի տակ հավաքեց սիրելի գործընկերներին՝ կազմակերպելով իր բնույթով եզակի մեծ HR գալա միջոցառում:

Սա, թերևս, այս ձևաչափով միակ միջոցառումն է Հայաստանում, որի թիրախը հենց HR մասնագետներն են և որը թույլ է տալիս նրանց հավաքվել, շփվել, նոր ծանոթություններ հաստատել, քննարկել տարվա նվաճումներն ու մարտահրավերները և պարզապես հաճելի ժամանակ անցկացնել՝ վայելելով staff.am-ի մշտապես տեղին ու մանրակրկիտ մտածված հագեցած ծրագիրը:

Նախորդ երկու տարվա ընթացքում staff.am-ը հարգելի պատճառներով չէր անցկացրել իր միջոցառումը, սակայն այս տարի այն անցկացվեց ավելի մեծ շուքով և շատ ավելի մասշտաբային: Միջոցառմանը ներկա էին 200-ից ավելի HR մասնագետներ ու հիմնադիր ղեկավարներ, ռազմավարական գործընկերներ և staff.am-ի կողմից մեկնարկած նոր նախագծի` Career Factory «4C» դասընթացի փորձագետներ:

Կարևորելով մշակութային ուղղվածությունը՝ staff.am-ն այս անգամ ևս անցկացրել էր միջոցառումը մշակութային կենտրոնում՝ «Առնո Բաբաջանյան» համերգասրահում: Իսկ ծրագիրն ամբողջությամբ համապատասխանում էր ընտրված վայրի տրամադրությանը. հյուրերի ընդունելությունը կազմակերպված էր դասական երաժշտության կենդանի կատարումների ուղեկցությամբ, գինու և խորտիկների հյուրասիրությունն էլ ավելի ջերմ էր դարձնում շփումն ու նեթվորքինգը, իսկ staff.am-ի թիմի անդամներն ինչպես միշտ շատ ուշադիր էին հյուրերի նկատմամբ՝ փորձելով հոգալ բոլորի կարիքները: Հաճելի անակնկալների շարքում էր նաև Գոռ Սուջյանի ելույթը, որից հյուրերի տրամադրությունն էլ ավելի բարձրացավ:

Միջոցառման առաջին մասում հյուրերին ողջունեց staff.am և Hirebee համահիմնադիր Վահե Ավետիսյանը:

Ամեն տարի (բացառությամբ վերջին երկու տարվա) հավաքվում և նշում ենք staff.am-ի ծնունդը և անում ենք դա ողջ թիմով: Իսկ մեր ողջ թիմի մեջ են մտնում նաև մեր բոլոր գործընկերները: Այս միջոցառումը նաև լավ հնարավորություն է HR համայնքի համար՝ ծանոթանալու իրենց աշխատանքը հեշտացնող նոր գործիքներին, ինչպես նաև շփվելու իրենց կոլեգաների հետ, կիսվելու իրենց փորձով, իմանալու դիմացինի փորձի մասին, կազմելու աշխատաշուկայում տիրող իրավիճակի ամբողջական պատկերը, – նշեց Վահե Ավետիսյանը:

Միջոցառման ընթացքում ներկայացվեցին նաև staff.am-ի գրանցած հաջողությունները՝ հայկական աշխատաշուկայի վերջին տարիների զարգացման համատեքստում: Այսպես, ըստ Վահե Ավետիսյանի՝ վերջին երկու տարում աշխատանքի հայտարարությունները քանակը մոտ երկու անգամ աճել է, շուկայում նոր ընկերություններ են ավելացել,  իսկ հայ տաղանդներն ավելի մրցունակ են դարձել միջազգային աշխատաշուկայում:

6 տարվա ընթացքում staff.am-ը տպավորիչ արդյունքներ է գրանցել. ավելի քան 4000 գործատու, ավելի քան 71,000 աշխատանքի հայտարարություն, 150,000-ից ավելի գրանցված օգտատեր, 2.5 մլն աշխատանքի դիմում, 26 մլն այցելություն:

Եվ սրանք սոսկ թվեր չեն, յուրաքանչյուր ցուցանիշի հետևում staff.am-ի թիմի անդամների քրտնաջան աշխատանքն է, որի արդյունքը երևում է ամեն օր՝ փոխելով նաև ՀՀ աշխատաշուկայում խաղի կանոնները:

staff.am 6 տարին ամփոփող տեսանյութ

staff.am և Hirebee համահիմնադիր Լուիզա Ավետիսյանը ևս ներկայացրեց անցնող տարվա նվաճումները, որոնց թվում են նոր նախագծերն ու նախաձեռնությունները, մասնակցությունը տեղական ու միջազգային խոշոր միջոցառումներին, պատմելով նաև գալիք տարվա նորությունների մասին: 

Այս տարվա միջոցառումն առանձնանում է նախորդներից իր մասշտաբով, մասնակիցների քանակով, օրակարգի հարստությամբ: Այն անցկացվում է «6 տարի միասին» խորագրով, և մենք փաստացի ամփոփում ենք մեր 6 տարվա գործունեության արդյունքները: Այս միջոցառումը լավ առիթ է հանդիպելու մեր այն գործընկերներին, որոնց հետ գուցե տարվա մեջ շատ չենք հասցրել շփվել, գինու շուրջ զրուցելու մեր նվաճումների և նոր պլանների մասին, տեղում պատասխանելու իրենց հարցերին: Իսկ մեր HR մասնագետներին այն տալիս է հնարավորություն, նախ և առաջ, լավ ժամանակ անցկացնելու, իրենց գնահատված զգալու, շփվելու, հետաքրքիր ժամանց ունենալու: Հայաստանում չկա այլ նմանատիպ միջոցառում, – նշեց Լուիզա Ավետիսյանը: 

Կիսվելով իր նորություններով՝ staff.am-ի թիմը ներկայացրեց նմանը չունեցող Career Factory կրթական նախագիծը, որը հնարավորություն է ընձեռում անհատներին բոլորովին անվճար զինվելու՝ աշխատաշուկա վստահ մուտք գործելու և գործատուներին ավելի պատրաստված ներկայանալու գիտելիքներով և հմտություններով: Նախագծի թողարկումը պլանավորված է 2023թ.-ի հունվարին: Այն ունի բոլոր նախադրյալները աշխատաշուկայում հեղաշրջում կատարելու համար։

staff.am-ի մյուս հետաքրքիր նորությունը Salary Radar նոր ծառայությունն է, որը ևս շուտով հասանելի կլինի ընկերության գործընկերներին: Այն հնարավորություն է տալիս թե՛ գործատուներին, թե՛ թեկնածուներին գաղտնի ռեժիմով նշել առաջարկվող ու ցանկալի աշխատավարձի չափը՝ թույլ տալով տեսնել դրանց համապատասխանությունը կամ անհամապատասխանությունը և խնայելով երկու կողմի ժամանակը: Գաղտնիությունն այստեղ բանալի բառ է, որը ևս մեկ անգամ ընդգծում է staff.am-ի հուսալիությունը: Salary Radar-ի երկրորդ կոմպոնենտը աշխատաշուկայում աշխատավարձի առաջարկի և պահանջարկի մասին իրական ժամանակում տեղեկատվություն տրամադրելն է, որն անչափ պահանջված է ինչպես գործատուների, այնպես էլ աշխատանք փնտրողների համար։


Մեզ հետ զրույցում միջոցառման մասին իրենց կարծիքով կիսվեցին նաև հյուրերը։

Ուզում եմ շնորհակալություն հայտնել staff.am-ին հրաշալի կազմակերպած միջոցառման համար, ամեն մանրուք հաշվի էր առնված: Կարևոր է, որ հնարավորություն ընձեռնվեց հանդիպելու համայնքի ներկայացուցիչների հետ, կիսվել տեսակետներով, իմանալ նորությունների մասին, – ասաց 2mindS ընկերության համահիմնադիր Գայանե Գրիգորյանը:

Սա շատ կարևոր միջոցառում է, այն հնարավորություն է տալիս HR մասնագետներին համախմբելմի տեղում և ներկայացնել թե՛ պրոդուկտը, թե՛ նորությունները, թե՛ նվաճումները: Այսօր հատկապես հետաքրքիր էր լսել Hirebee-ի մասին, որից վերջին շրջանում չենք օգտվել, կարծում եմ՝ մյուս տարի նորից կսկսենք օգտվել: Salary Radar ծառայությունը ևս շատ կարևոր է շուկայի համար, այն կհեշտացնի թե՛ HR մասնագետների, թե՛ աշխատանք փնտրողների գործը և կխնայի նրանց ժամանակը», – նշեց Ithire ընկերության HR ղեկավար Լիլիթ Ստեփանյանը:

Միջոցառման ընթացքում, staff.am-ի թիմի անդամների ելույթներից և նոր նախագծերի ներկայացումից զատ, հյուրերը հնարավորություն ունեցան լսելու նաև TEDxYerevan-ի և ThinkStudio-ի հիմնադիր Քրիստինե Սարգսյանի՝ «Ոխտագնացություն դեպի ուղեղ» հետաքրքիր թեմայով ելույթը, որը շատ ինֆորմատիվ էր:

Ինչպես միշտ, զարմացած եմ staff.am միջոցառման կազմակերպման բարձր մակարդակից: Հիշում եմ, սկզբնական շրջանում ես հանդիսանում էի staff.am-ի brand ambassador, և ուրախ եմ, որ գուցե ես էլ եմ իմ փոքր ներդրումն ունեցել staff.am-ի կայացման մեջ: Այսօր այն արդեն չունի դրա կարիքը, քանի որ բրենդն ավելի քան կայացած է, բայց ես շարունակում եմ ուրախանալ դրա հաջողություններով: Մաղթում եմ staff.am-ին նորանոր ձեռքբերումներ, – նշեց «Ֆիլիպ Մորիս» ընկերության R&D Center People and Culture Lead Սոնա Գրիգորյանը: 

Միջոցառումն ամբողջական չէր լինի առանց «Աշխատաշուկա 2022» աշխատաշուկայի անցնող տարվա վերլուծության, որի միայն մի փոքր մասը ներկայացվեց: Սակայն անգամ այդ փոքր մասը պարունակում էր արժեքավոր տեղեկատվություն ՀՀ աշխատաշուկայում անցնող տարվա ընթացքում տեղի ունեցած փոփոխությունների մասին: Զեկույցը տարեվերջին ինչպես միշտ անվճար հասանելի կլինի բոլորի համար: Միջոցառման ընթացքում ներկայացված մեկ այլ կարևոր նորություն է նաև այն, որ staff.am-ը միանում է 4090 բարեգործական հիմնադրամին՝ Կրթության և հետագա մասնագիտական զարգացման հնարավորություն տալով պատերազմի մասնակից մեր հայորդիներին։ Ծրագիրը կիրականացվի reArmenia համագործակցության հարթակի աջակցությամբ:

staff.am-ը հեղափոխություն է արել աշխատաշուկայում: Ես վաղուց հետևում եմ և մեծ համակիր եմ: Միջոցառումը կազմակերպված էր շատ մանրամասն՝ հաշվի առնելով բոլոր դետալները: Ամեն ինչ շատ հետաքրքիր էր, շնորհակալ եմ staff.am-ին, – ասաց reArmenia համագործակցության հարթակի Account Manager Մայա Շահումյանը:

staff.am-ը գնահատում է անկեղծ հույզերն ու էմոցիաները և կարևորում իր կազմակերպած միջոցառումներում դրանց՝ բաղկացուցիչ տարր լինելը: Այս տարվա գալա միջոցառման «տորթի բալը» դարձավ միջոցառման վերջում բոլոր մասնակիցների կողմից Առնո Բաբաջանյանի «Այստեղ եմ ծնվել» երգի համատեղ կատարումը: Երգի ընտրությունը խորհրդանշական էր՝ թե՛ միջոցառման անցկացման վայրով պայմանավորված, թե՛ որպես սիրո ու հարգանքի տուրք քաղաքամայր Երևանին, որը փաստացի հանդիսանում է staff.am ծննդավայրը: Ներկաների համար այն մեծ անակնկալ դարձավ, սակայն բոլորը սիրով միացան կատարմանը, և staff.am-ի թիմը՝ բեմից, իսկ բոլոր հյուրերը դահլիճից միասին կատարեցին յուրաքանչյուր հայի այդքան լավ ծանոթ այդ երգը:

Ամեն տարի staff.am-ը յուրահատուկ միջոցառումներ է անցկացնում. բոլորին որոշ չափով ծանոթացնում է մշակութային կյանքին՝ ընտրելով միջոցառման անցկացման յուրահատուկ վայրեր, կազմում է տարբերվող ու չձանձրացնող ծրագիր, ներկայացնում մասնակիցների համար կարևոր տեղեկատվություն, ընձեռում նեթվորքինգի հնարավորություն, ապահովում ինտերակտիվությունը՝ մեզ պարգևելով հույզեր, էմոցիաներ ու շատ հավես տպավորություններ: Շատ շնորհակալ եմ staff.am-ի ողջ թիմին միջոցառման մեջ ոգի դնելու համար, – եզրափակեց TCF համահիմնադիր Մարիամ Համբարձումյանը:

Ինչպես նշեց Լուիզա Ավետիսյանը վերջում. «Հույս ունեմ, որ մեր այս ջերմ էմոցիաները և դրական էներգիան, որը ստացանք միմյանց հետ շփումից, լավ սկիզբ կապահովեն 2023-ի համար»: 

Միջոցառման ամենավերջում բոլոր մասնակիցներն ավանդույթի համաձայն բարձր տրամադրությամբ միասին լուսանկարվեցին: Թերևս, այս տարվա լուսանկարն ամենաբազմամարդն է ու ամենահուզառատը:


STAFF.AM HR ԳԱԼԱ ՄԻՋՈՑԱՌՈՒՄԸ ՏԵՍԱՆՅՈՒԹՈՒՄ



STAFF.AM HR ԳԱԼԱ ՄԻՋՈՑԱՌՈՒՄԸ ԼՈՒՍԱՆԿԱՐՆԵՐՈՒՄ