Addevice-ը՝ հայաստանյան նոր տեխնոլոգիական այցեքարտ դառնալու ճանապարհին

945

Addevice-ն սկսել է գործունեությունը 4 հոգուց բաղկացած փոքր թիմով 8 տարի առաջ՝ իր առաջ նպատակ դնելով օգնել մարդկանց բջջային հավելվածների միջոցով լուծել իրենց կյանքում առաջացած խնդիրները։ Ընկերությունը կյանքի է կոչել 70-ից ավելի նախագիծ՝ հնարավորություն տալով նույնքան ստարտափների գեներացնել ավելի քան 600 միլիոն ԱՄՆ դոլար:

Յուրաքանչյուր ստացված ու հաջողության հասած նախագիծ թիմային աշխատանքի արդյունք է։ Մինչ այժմ ընկերությունն աճում է “IN PROCESS WE TRUST” կամ «ԱՄԵՆ ԻՆՉԻ ՀԻՄՔԸ ԳՈՐԾԸՆԹԱՑՆ Է» կարգախոսով։ 

Addevice-ը նպատակ էր դրել 2021 թվականին ընդլայնել աշխատանքները գործընկերների հետ և գրեթե կրկնակի մեծացնել թիմը: Այսօր արդեն կարելի է արձանագրել, որ այդ նպատակներն իրականություն են դարձել: Թիմը փորձի փոխանակման միջոցով բարելավել է աշխատանքային գործընթացները: Մշակվել են նոր բիզնես մեխանիզմներ, որոնք հնարավորություն են տվել արդեն 2022-ից սկսած գրանցել թռիչքաձև աճ։

«Բավականին հագեցած ու աշխատանքային տարի էր, որը, չնայած իր բարդություններին (հետպատերազմյան ու կովիդյան վիճակներին), հնարավորություն տվեց լավ ցուցանիշներով ավարտել տարին։  2021-ին հայտնվեցինք Clutch Announces 2021’s Top B2B Companies from Armenia-ի թոփ եռյակում, ինչպես նաև Top 50+ Mobile App Development Companies in USA-ի առաջին հորիզոնականում։ Նաև մի շարք միջազգային հարթակներում կարողացանք լինել առաջատարների ցանկում՝ որպես ծրագրային ապահովման մշակման ընկերություն: 

Այս ձեռքբերումների շնորհիվ ընկերությունն ընդլայնեց իր ծառայությունների շրջանակը՝ դառնալով դեպի Հայաստան բերող այցեքարտ միջազգային ներդրողների ու գործընկերների համար։ Անցած տարվա նոր միջազգային համագործակցությունների արդյունքում կարող ենք ասել, որ գրանցել ենք եկամուտների զգալի աճ (կրկնակի աճ), որն իր հերթին հնարավորություն է ստեղծել բացել նոր աշխատատեղեր», – նշում է Addevice-ի գործադիր տնօրեն Անահիտը։

Հետաքրքիր աշխատանք, մասնագիտական աճի հնարավորություններ

Ընկերության կողմից արդեն մի քանի տարի շարունակ կազմակերպվում են ինտերնշիփեր, որոնց արդյունքում հանարավորություն է ընձեռնվում շրջանավարտներին կամ կրտսեր մասնագետներին անցնել ուսուցման դասընթաց, որի ավարտից հետո՝ ստանալ հնարավորություն անցնելու աշխատանքի Addevice-ում։ Ինտերնշիփն անցկացվում է Flutter-ի, NodeJs-ի և IOS -ի ուսուցման համար։ Ուսուցումը տևում է 4-5  ամիս։

Ընկերության աշխատակիցների համար Addevice-ում աշխատանքը միշտ լի է ոչ միայն նորանոր մարտահրավերներով և ձեռքբերումներով, այլև իրենց ոլորտի նոր բացահայտումներով։ 

Ըստ Senior IOS/Flutter Developer Կարենի՝ դա մի աշխատանքային պրոցես է, որի ընթացքում բարդ խնդիրների լուծումը ոչ թե ծանր աշխատանք է, այլ մասնագիտական հաճույք, որն ունենում է իր նպատակային արդյունքը։

«2021-ի վերջին արդեն սկսեցինք մշակել ուսուցման ծրագիր՝ ընկերությունում աշխատող junior և middle ծրագրավորողների համար, ովքեր 6-8 ամսվա ընթացքում աշխատանքին զուգահեռ սովորելու են մասնագիտական հմտությունների բարձացման հետ կապված ծրագրային հիմունքները (IOS, Android, Flutter և NodeJs)։ Իսկ աշխատանքային գործընթացը նախատեսված է կազմակերպել այնպես, որ ուսուցման հետ զուգահեռ հնարավորություն ունենան նոր գիտելիքներն օգտագործել իրական խնդիրները լուծելու ճանապարհով։ Կարևոր ռազմավարություն ենք ներդրել, որով ամեն մասնագետ ինքն է պատասխանատու իր աճի համար, որի համար ընկերությունը ստեղծում է հարմար պայմաններ։ Սա լավ հնարավորություն է թե՛ արդեն թիմի մասնակիցների համար, և թե՛ թիմը համալրող մասնագետների համար», – ասում է Կարենը։

Թիմային աշխատանքի բարելավման Addevice-ի տարբերակը

Յուրաքանչյուր ամիս ընկերությունը կազմակերպում է թիմային ժամանցային հանգիստ։ Միջոցառումների նպատակն է աջակցել անձնակազմին, համախմբել նրանց մեկ թիմի մեջ, յուրաքանչյուր աշխատակցին տալ նրա կարևորության զգացումը և ոչ աշխատանքային միջավայրում շփվելու հնարավորություն: Թիմային տեսանկյունից միջոցառումները հիանալի հնարավորություն են հանգստանալու առօրյա հոգսերից և դրական էներգիայով լիցքավորվելու։

Միջազգային էքսպոներ և նոր պրոդուկտ

Միջազգային էքսպոների մասնակցությունների ու նոր գործընկերների մասին ավելի մանրամասն պատմեց ըներության վաճառքի մենեջեր Արսենը.

«Շարունակելով 2021-ի ակտիվությունը՝ արդեն այս տարի Addevice-ը մասնակցել է մի շարք միջոցառումների, որոնք ուղղված են ինչպես թիմի, այնպես էլ համայնքի զարգացմանը։ 2022-ը սկսել ենք էքսպոների մասնակցությամբ: Հունվարյան առաջին շաբաթները սկսեցինք Լաս Վեգասում՝ CES 2022-ին մասնակցելով։ Արդյունքը նոր գործարար կապերն են, որոնք արդեն ընթացքի մեջ են։
Փետրվարի 28-ից մարտի 3-ը մասնակցություն ենք ցուցաբերել նաև MWC Barcelona-ին, ինչպես նաև պատրաստվում ենք արդեն մյուս էքսպոյին՝ Viva Tech 2022-ին, որը տեղի կունենա հունիսի 15-ից 18-ը Փարիզում, որում, ինչպես և MWC Barcelona-ում, Addevice-ը ներկայանալու է որպես հայկական պատվիրակության անդամ»։

Ընկերությունը շարունակում է իր ակտիվ գործունեությունը և ամռանը պատրաստվում է ներկայացնել իր նոր պրոդուկտը հայաստանյան և միջազգային հանրության դատին։

«Բացի նշված էքսպոներից, պատրաստվում ենք հայաստանյան և միջազգային այլ միջոցառումների ևս՝ միտված լինելով ընդարձակել մեր հնարավորությունները։ Նախատեսում ենք ստեղծել նոր աշխատատեղեր ու ներգրավել նոր գործընկերների։ Բայց ամենաառաջնային նպատակն այն է, որ ամռանը նախատեսում ենք միջազգային շուկա ներկայացնել մեր նոր պրոդուկտը՝ iDict-ը, որը ներկայումս ծրագրավորման փուլում է և ամռանն արդեն հասանելի կլինի օգտատերերին։ Հավելվածով պատրաստվում ենք փոխակերպել և նորամուծություն առաջարկել թարգմանության ոլորտում։ Նոր հավելվածով ավելի հեշտ և հաղթահարելի կդառնա մարդկանց լեզվական հաղորդակցությունը՝ հնարավորություն ընձեռելով խոսել ձեր ձայնով՝ ցանկացած լեզվով», – մեծ ոգևորությամբ պատմում է Անահիտը:

Addevice-ն արագ զարգացող ծրագրային ապահովման մշակման ընկերություն է Հայաստանում, որն իր գործունեության ընթացքում ոչ մի վայրկյան չի շեղվել գերազանցության նշաձողից: Այստեղ ցանկացած երիտասարդ կարող է բացահայտել իր տաղանդները և նոր հնարավորություններ գտնել մասնագիտորեն աճելու: Իսկ նոր պրոդուկդի և առաջիկա պլանների մասին, կարծում ենք, դեռ շատ առիթներ կլինեն խոսելու։ 

Powered by staff.am.