Ավելի քան 30 տարվա պատմություն ունեցող Աթենք ընկերությունը, վստահ ենք, ձեզ քաջ ծանոթ է իր բարձրորակ արտադրանքով։ Իսկ երբևէ մտածե՞լ եք, թե ինչպիսին է «կյանք»-ն Աթենքում, ո՞ւմ կողմից և աշխատանքային ինչպիսի՞ մթնոլորտում են ստեղծվում սիրելի արտադրանքները, կարիերայի ի՞նչ հնարավորություններ ունի ընկերությունը և, առհասարակ, ինչպիսի՞ն է Աթենքը ներսից։
Այս բոլոր հարցերի պատասխանները և մի բան էլ ավելին կգտնեք մեր տեսանյութում, որտեղ Աթենքի մարդիկ պատմում են ընկերության առաքելության, արժեքների, կորպորատիվ մշակույթի, մասնագիտական աճի հնարավորությունների և Հայաստանի Հանրապետությունում մսամթերքի արտադրական ամենամեծ համալիրի կառուցման մասին։
Չենք կարող չնշել, որ ընկերությունում մեր այցը շաաատ ջերմ և ուրախ ստացվեց, ինչը պատահական չէ, քանի որ Աթենքի հյուրընկալ մթնոլորտում այլ կերպ հնարավոր չէր։ Շնորհակալություն ենք հայտնում Աթենքի մարդկանց, իսկ ձեզ հիշեցնում ենք, որ կարող եք հետևել գործատուի կարիերայի էջին staff.am-ում, որպեսզի առաջինը տեղեկանաք նոր թարմացումների մասին։
