Աթենք
- Հիմնադրում: «Աթենք» ընկերությունը հիմնադրվել է 1993 թ.-ին։
- Նոր սեփականատերեր և խոշոր ներդրումներ: 2009 թ.-ին ընկերությունը ձեռք են բերում Ադամյան եղբայրները: Շնորհիվ խոշոր ներդրումների իրականացվում է գործարանի ամբողջական տեխնիկական վերազինում եվրոպական արտադրության ժամանակակից սարքավորումներով, ինչը զգալիորեն ավելացնում է արտադրական հզորությունները:
- Կիսապատրաստվածքի գործարանի առանձնացում: 2015 թ.-ից «Աթենք» ընկերությունն ընդլայնում է կիսապատրաստվածքի արտադրության ծավալները՝ սպառողին առաջարկելով լայն և բազմազան տեսականի:
- Որակ և անվտանգություն: «Աթենքը» համագործակցում է հայաստանյան և արտասահմանյան խոշոր մատակարարների հետ` արտադրության մեջ կիրառելով բարձրորակ հումք: Ընկերությունը կառավարում է հումքի մատակարարումից մինչև պատրաստի արտադրանքը վաճառքի կետ հասցնելու ամբողջ գործընթացը: Գործարանն ունի սեփական լաբորատորիա, ինչը թույլ է տալիս վերահսկել ապրանքի որակն արտադրության բոլոր փուլերում:
- Շուկայի առաջատար Ընկերություն: Շնորհիվ բարձրորակ արտադրանքի բազմազանության և հաճախորդամետ քաղաքականության «Աթենք»-ը շուկայի բացարձակ առաջատարն է:
Արդեն երկար տարիներ «Աթենք» ընկերությունը ՀՀ 100 խոշոր հարկատուների ցանկում է: - Խոշոր արտադրական համալիրի կառուցում և զարգացման նոր հայեցակարգեր: 2025 թ․֊ին Ընկերությունը գործարկում է օրական շուրջ 120 տոննա արտադրողականությամբ, ISO ստանդարտներին համապատասխանող նոր արտադրական համալիր, որը ներառում է միջազգային նորմերով կառուցված մսամթերքի գործարան, սառնարանային տնտեսություն, վարչական, տնտեսական և ինժեներական մասնաշենքեր, ինչպես նաև հարակից տարածքներում լինելու են կանաչապատ գոտիներ: Համալիրը ոչ միայն մեր Ընկերությանը, այլև մեր երկրի և ողջ տարածաշրջանի մսամթերքի շուկային նոր շունչ է հաղորդելու։
- ՀՀ֊ում մսամթերքի մասնագիտացված ֆիրմային խանութների ամենամեծ ցանց: Աթենք» ընկերությունն ունի 33 ֆիրմային խանութ Երևանում և Հայաստանի տարբեր մարզերում:
- Մարդկային կապիտալ: «Աթենք» ընկերության կայուն զարգացման ուղու և կերտվող պատմության կարևորագույն գործոնը պրոֆեսիոնալ և գործին նվիրված թիմն է, հմուտ ու փորձառու մասնագետները, բանիմաց աշխատակիցները: Այսօր ընկերությունն ունի շուրջ 1500 աշխատակից, և այս թիվն աճում է ամեն ամիս:
Շուկայում Աթենքին ճանաչում են որպես խոշոր արտադրող, բայց քչերը գիտեն, որ ընկերությունն ունի նաև վաճառքի, ներմուծումների, մարքեթինգի, ֆինանսական, մարդկային ռեսուրսների կառավարման, ինժեներական մեծ թիմեր։ Ծանոթացեք Աթենքի մասին այլ հետաքրքիր փաստերին staff.am-ի անդրադարձում:
Երբևէ մտածե՞լ եք, թե ինչպիսին է «կյանք»-ն Աթենքում, ո՞ւմ կողմից և աշխատանքային ինչպիսի՞ մթնոլորտորտում են ստեղծվում սիրելի արտադրանքները, կարիերայի ի՞նչ հնարավորություններ ունի ընկերությունը և, առհասարակ, ինչպիսի՞ն է Աթենքը ներսից։ Այս բոլոր հարցերի պատասխանները և մի բան էլ ավելին կգտնեք մեր տեսանյութում, որտեղ Աթենքի մարդիկ պատմում են ընկերության առաքելության, արժեքների, կորպորատիվ մշակույթի, մասնագիտական աճի հնարավորությունների և Հայաստանի Հանրապետությունում մսամթերքի արտադրական ամենամեծ համալիրի կառուցման մասին։
Հիմա ունենք ավելի ընդարձակ ու լուսավոր աշխատասենյակներ՝ թափանցիկ պատերով, իրար ավելի հաճախ տեսնելու, հանդիպելու, բարևելու, ինչ-որ հարցեր քննարկելու հնարավորությամբ։ Իսկ սենյակներից ուղիղ ելքը դեպի բաց պատշգամբ սուրճի ընդմիջումների, բացօթյա բրեյնսթորմինգների ու ուղղակի գործընկերների հետ ջերմ զրույցների յուրահատուկ մշակույթ է տարածել մեր մեջ:
