Ինչպես համոզել «շեֆին», որ հավաքագրման ավտոմատացման պահը հասունացել է

2159

Հաճախ անգամ խոշոր և մեծ ռեսուրսներ ունեցող ընկերությունները պատրաստ չեն մի փոքր ավելի վճարել իրենց աշխատակիցների հարմարության կամ հավելյալ հնարավորությունների համար։ Եվ խնդիրը բնավ ժլատությունը չէ․ պարզապես երբեմն իսկապես դժվար է գնահատել նորարարությունների իրական արժեքն ու կարևորությունը։ 

Մարդիկ հաճախ դժվարությամբ են հարմարվում ցանկացած նորությանը՝ համարելով այն ավելորդություն կամ տեսնելով դրանում վտանգ այն ամենի համար, ինչին սովոր են։ Ի՞նչ է պետք անել նման դեպքերում․ ճիշտ է՝ տալ մարդկանց ժամանակ հարմարվելու ինովացիաներին և բացատրել դրանց անհրաժեշտությունը հասանելի լեզվով։

Վերջին տարիների ընթացքում զրուցելով աշխարհի տարբեր ծայրերում և ՀՀ-ում 500-ից ավելի HR մասնագետի հետ՝ հստակ պատկերացնում ենք, թե ինչ առարկություններ կարող են ունենալ բյուջեն հաստատող ղեկավարները, երբ խոսքը գնում է հավաքագրման ավտոմատացման ծրագրային ապահովման մասին։ Սակայն մենք նաև հստակ պատկերացնում ենք՝ ինչպես կարելի է փարատել «շեֆերի» բոլոր կասկածները և իրական քեյսերի օրինակով տալ սպառիչ պատասխաններ։

Ի՞նչ չարժե ասել․ 

«Բոլորն արդեն օգտվում են հավաքագրման ավտոմատացումից, եկեք մենք էլ օգտվենք»։ Մենք դեռ մանկուց՝ մայրիկների և ուսուցիչների օրինակով գիտենք, որ «բոլորն անում են» փաստարկի պատասխանն է՝ «բոլորը կարող են կամրջից ցատկել, հո՜, դու էլ չես անի»։ Կատակը դեն՝ ձեր ղեկավարն էլ կարող է ասել, որ այդ «բոլորը» գուցե ավելի մեծ ընկերություններ են կամ ավելի շատ գումար ունեն, «իսկ մենք հիմա դրա ժամանակն ու գումարը չունենք, շարունակիր աշխատել excel-ներով»։

Ի՞նչ արժե ասել

 Ընդգծել խնայված ժամանակը և դրա արդյունքում բիզնեսի օգուտները։ 

400 աշխատակից ունեցող ֆինանսաբանկային ոլորտի ընկերություններից մեկում որպես առավելություն նշում են․ «Հավաքագրման ավտոմատացման շնորհիվ հաստիքները կփակվեն ավելի արագ, մասնագետներն ավելի արագ կմիանան մեր թիմին և կսկսեն արդյունք ցուցաբերել, ինչն անմիջական դրական ազդեցություն կունենա նաև բիզնեսի վրա»։

Կարելի է ընդգծել նաև խնայված ժամանակն ու ռեսուրսները ընկերության բրենդավորմանն ուղղելու հնարավորությունը, ինչպես դա արել են 80 աշխատակից ունեցող ՏՏ ստարտափներից մեկում․ «Մեխանիկական աշխատանքի ծավալն իջեցնելով՝ կարող ենք ավելի շատ ժամանակ և ռեսուրս հատկացնել գործատուի բրենդավորման և ընկերության տեսանելիությանն ուղղված միջոցառումների վրա, ինչն այսօր այդքան կարևոր է»։

Հեռահաղորդակցության ոլորտի՝ 1200-ից ավելի աշխատակից ունեցող ընկերությունում էլ ընդգծում են կադրային մեծ բազա ստեղծելու և այն դյուրին կառավարելու ու ընկերության համար նոր հնարավորություններ ստեղծելու կարևորությունը․ «Մեր կադրային ռեզերվը, որն արդեն հազարների է հասնում, excel-ից ավտոմատացման համակարգ տեղափոխելով՝ կխնայենք ժամանակ և գումար նոր հաստիքների մի մասը ներքին ռեսուրսներով փակելու շնորհիվ, ինչպես նաև անմիջապես կիմանանք, եթե թեկնածուն կրկին դիմի մեզ»։

Ու կրկին խնայված ժամանակի մասին և որպես հետևանք՝ գոհ HR թիմի մասին խոսում է 650 աշխատակից ունեցող ՏՏ աութսորս ընկներությունը․ «HR թիմն ու ստորաբաժանման ղեկվարները (hiring managers) յուրաքանչյուր թափուր հաստիքի վրա ծախսում են շատ ժամանակ էլ․ նամակներով, հեռախոսով և հաղորդակցման այլ միջոցներով տարաբնույթ հաստատումների և քննարկումների վրա։ Եթե ավտոմատացման համակարգն այդ ամբողջը կենտրոնացներ, թիմերը զգալի ժամանակ կխնայեին, և կբարձրանար նաև ստորաբաժանման ղեկավարների գոհունակությունը»։

«Շեֆին» համոզելու ձևը գտնելուց հետո պակաս կարևոր չէ նաև կատարել հարթակի ճիշտ ընտրություն 

staff.am թիմի կողմից մշակված և արդեն աշխարհի տարբրեր երկրներ գրաված Hirebee հավաքագրման հարթակը սիրվել է նաև ՀՀ գործատուների կողմից։   Hirebee-ն  ռեքրութմենթի կառավարման առաջին հայկական հարթակն է, որի նպատակն է խնայել ձեր ժամանակը, AI միջոցով ավելի «խելացի» դարձնել պոտենցիալ թեկնածուների գնահատման գործընթացը և ավելի արդյունավետ դարձնել կադրերի հավաքագրումը։

Hirebee-ն ունի մի շարք առավելություններ, և համակարգը բյուջեն հաստատող ղեկավարին ներկայացնելիս դուք կարող եք ընտրել հենց այն կարևոր կետերը, որոնք առաջնահերթ ու գերակա են ձեր ընկերության համար։ 

  • Խոսելով Hirebee-ի առավելությունների մասին՝ ավելորդ չի լինի ընդգծել այն հանգամանքը, որ խոսքը գնում է միջազգային պրոդուկտի մասին, որը լավագույնս հարմարեցված է ՀՀ շուկային։ 
  • Համակարգը նաև ապահովում է լիարժեք ինտեգրացիա staff.am հարթակի հետ։ 
  • Hirebee-ն հնարավորություն է ընձեռում օգտվելու հավաքագրման բոլոր գործիքներից մեկ վայրում և խուսափելու բազմաթիվ ֆայլերի, ծրագրերի ու փաստաթղթերի հետ միաժամանակ աշխատելուց։ 
  • Եվ ինչը ոչ պակաս կարևոր է՝ Hirebee հարթակն ու թիմն ապահովում է հաճախորդների գերազանց սպասարկում, խնդիրների օպերատիվ լուծում, ձեր ընկերության կարիքների հասկացում և հարմարեցում ձեր նպատակներին։

Մենք վստահ ենք, որ այս տարի ճիշտ ժամանակն է համակարգելու և օպտիմալացնելու հավաքագրման ողջ գործընթացը՝ սկսած աշխատանքի հայտարարությունների հրապարակումից մինչև թեկնածուին աշխատանքի ընդունման նամակ ուղարկելը։

Ամենակարևորը՝ կարող եք 14 օր համակարգը փորձել լիովին անվճար:

Powered by staff.am.