Հունիսի 22-ին Ռեդիսոն Բլու Հոթել Երևանում կայացավ Ակբա Բիզնես ակումբի շրջանակում իրականացվող առաջին հանդիպումը, որին ներկա էին գործարար ոլորտը ներկայացնող ակումբի անդամ բիզնեսների ղեկավարները, որոշում կայացնող անձինք, ինչպես նաև Ակբա Բիզնես ակումբի գործընկերները։ staff.am և Hirebee ընկերությունների ներկայացուցիչները նույնպես մասնակցեցին Ակբա Բիզնես ակումբի անդրանիկ հանդիպմանը՝ որպես Բիզնես ակումբի գործընկեր ներկայացնելով staff.am և Hirebee հատուկ առաջարկներ, որոնք հասանելի են միայն ակումբի մասնակից ընկերություններին։
Օրակարգը բավականին հագեցած էր. ողջույնի խոսքով հանդես եկավ Ակբա բանկի գլխավոր գործադիր տնօրենի տեղակալ Արսեն Մելքոնյանը՝ նշելով Ակբա Բիզնես ակումբի առաքելությունը և այդ ուղղությամբ մշակված առաջիկա քայլերը։
Որպես Ակբա Բիզնես ակումբի հատուկ հյուր՝ ելույթ ունեցավ նաև «ՄԱՏԵՆԱ» միջազգային դպրոցի համահիմնադիր և տնօրեն Ռուբեն Հայրապետյանը։
staff.am և Hirebee համահիմնադիր Լուիզա Ավետիսյանն իր ելույթի ժամանակ հատուկ ողջունեց Ակբա բանկի նման նախաձեռնությունը, որն օգնում է փոքր և միջին ձեռնարկություններին ծանոթանալ բիզնեսի զարգացման նոր հնարավորություններին։ Մասնավորապես, ելույթի ժամանակ ակումբի անդամ կազմակերպությունները ծանոթացան Hirebee հավաքագրման ավտոմատացման համակարգի հնարավորություններին, թե ինչպես կարող են ավտոմատացնել հավաքագրման գործընթացները և խնայել ժամանակ ու ռեսուրսներ։
staff.am Հաղորդակցության գծով տնօրեն Նազելի Բադալյանը ներկայացրեց staff.am՝ Հայաստանում կարիերայի առաջատար հարթակի էկոհամակարգը, որի հատուկ մասն են կազմում նաև վերջերս թողարկված Compass անալիտիկ գործիքը և Career Factory կրթական նախագիծը։
Ուրախ ենք, որ staff.am-ը և Hirebee-ն անդամակցում են Ակբա Բիզնես ակումբին։ Նման նախաձեռնությունը շատ օգտակար է հայ բիզնես համայնքի համար, որի օգնությամբ թե կամրանան բիզնես կապերը, թե նոր հնարավորություններ կստեղծվեն փոքր և միջին ձեռնարկությունների աճի ու զարգացման համար, – նշեց Նազելի Բադալյանը։
Ակտիվ ելույթներին հաջորդեց նաև ակտիվ նեթվորքինգը՝ հնարավորություն տրամադրելով բիզնես կապեր ստեղծել գործընկերների հետ։ Նման հանդիպումները տարբեր ձևաչափերով Ակբա Բիզնես ակումբի շրջանակում շարունակական բնույթ են կրելու՝ նպաստելով բիզնես համայնքի զարգացմանը։
Նշենք, որ Ակբա բանկը նախաձեռնել է փոքր և միջին ձեռնարկությունների համար յուրահատուկ հարթակի՝ Ակբա Բիզնես ակումբի ստեղծմանը:
Ակբա Բիզնես ակումբը բիզնես համայնք է, որը հնարավորություն է տալիս ակումբի անդամ ձեռնարկություններին ընդլայնել իրենց գործարար կապերը, մասնակցել բիզնեսին առնչվող թեմատիկ քննարկումներին և միջոցառումներին, ստանալ հատուկ առաջարկներ իրենց բիզնեսի կարիքների համար:
