Հայկական բարեգործական ընդհանուր միությունն (ՀԲԸՄ) իր Կանանց հզորացման նախաձեռնության շրջանակներում հայտարարում է «Կին ծրագրավորողներ» ծրագրի չորրորդ խմբի հավաքագրման մասին։ Ծրագրի, որի կրթական մասով գործընկերն է Quick Start ընկերությունը, նպատակն է Հայաստանի կանանց համար կազմակերպել տեղեկատվական տեխնոլոգիաների (ՏՏ) ոլորտի անվճար դասընթացներ՝ հնարավորություն ընձեռելով աշխատանք գտնել երկրում արագ զարգացող, հաջողակ և լավ վարձատրվող աշխատաշուկայում։
Ծրագրի չորրորդ խմբի հավաքագրման ընթացքում կառաջարկվեն հետևյալ մասնագիտացումները.
– Angular JS
– Python
– DevOps
– QA Manual
– UI/UX Design
Ծրագրին կարող են դիմել 18 տարին լրացած ՀՀ քաղաքացի հանդիսացող կանայք, որոնք չեն ուսանում որևէ ԲՈՒՀ-ում, չեն աշխատում ՏՏ ոլորտում և չունեն բարձր եկամուտ։ Դասընթացները կանցկացվեն առցանց եղանակով, սակայն հաճախակի կկազմակերպվեն նաև դեմ առ դեմ հանդիպումներ։ Դասընթացները կմեկնարկեն 2023թ. հունվար-փետրվար ամիսներին։ Ընդունելությունը բաց է մինչև նոյեմբերի 20-ը ներառյալ։ Ծրագրի մասին ավելին կարդացե՛ք այստեղ:
Նախատեսվում են նաև ծրագրի մասին տեղեկատվական առցանց հանդիպումներ, որի ժամանակ ծրագրի պատասխանատուները կպատասխանեն ձեզ հետաքրքրող հարցերին։ Առցանց հանդիպումներին կարող եք միանալ նոյեմբերի 8–ին՝ ժամը 12։00-ին, նոյեմբերի 11–ին՝ ժամը 16։00-ին, նոյեմբերի 14–ին՝ ժամը 17։00-ին և նոյեմբերի 18–ին՝ ժամը 17։00-ին:
