Մարտի 23-ին կայացավ Aptis for Smarter Recruitment ՄՌԿ և Հավաքագրման մասնագետների համար կազմակերպված հատուկ միջոցառումը, որի ժամանակ ներկայացվեց Aptis-ը` որպես աշխատակիցների անգլերեն լեզվի գնահատման և զարգացման գործիք։ Հանդիպումը կազմակերպվել էր Հայաստանում Բրիտանական խորհրդի և staff.am-ի կողմից։ Հանդիպմանը հրավիրվել էին staff.am-ի հետ համագործակցող ընկերության ներկայացուցիչներ՝ հիմնականում ՄՌԿ մասնագետներ։ Միջոցառման նպատակն էր ներկայացնել Aptis անգլերեն լեզվի թեսթավորման համակարգի առավելությունները կազմակերպությունների համար։
Ի՞նչ է Aptis-ը
Aptis-ն անգլերեն լեզվի հմտության միջազգային թեսթ է, որը մշակվել է Բրիտանական խորհրդի կողմից։ Բրիտանական խորհուրդը նաև հանդիսանում է IELTS անգլերեն լեզվի գնահատման միջազգային համակարգի համահիմնադիրը և ունի 80-ից ավելի տարիների համաշխարհային փորձ անգլերենի դասավանդման և գնահատման ոլորտներում:
Aptis–ը վստահվում և ընդունվում է միջազգայնորեն կրթական և գործարար ոլորտի կազմակերպությունների կողմից աշխատակիցների անգլերեն լեզվի մակարդակը բացահայտելու և հաստատելու նպատակով` հիմնվելով CEFR լեզուների ընդհանուր եվրոպական հենանիշային համակարգի վրա (A1 – C2):
staff.am-ի և Բրիտանական խորհրդի համագործակցությունը
staff.am-ի և Հայաստանում Բրիտանական խորհրդի միջև 2017թ․-ի ապրիլին համագործակցության հուշագիր էր կնքվել։ Համագործակցության շրջանակներում Aptis թեսթի մասնակցությունը հասանելի դարձավ նաև այն անհատներին, ովքեր ցանկանում են իրենց նախաձեռնությամբ մասնակցել Aptis թեսթին։ Բացի թեսթին մասնակցելուց անհատ օգտատերերը հնարավորություն ունեն վավերացնել իրենց անգլերեն լեզվի մակարդակը, ինչը նաև կհաստատվի իրենց անձնական էջի վրա հատուկ Aptis բեջի միջոցով, որը տեսանելի է գործատուների համար:
Aptis-ն ընկերությունների համար որպես հավաքագրման գործիք
Aptis-ն ունի բավականին լայն կիրառություն և տարածում ամբողջ աշխարհում։ Այն հաջողությամբ օգտագործվում է ընկերությունների կողմից իրենց աշխատակիցների կամ պոտենցիալ թեկնածուների անգլերեն լեզվի գիտելիքների ստուգման համար։ Լինելով միջազգային թեսթ՝ Aptis-ը հնարավորություն է տալիս ինչպես ընկերություններին, այնպես էլ անհատներին, ունենալ անգլերեն լեզվի գնահատման միասնական և միջազգային ստանդարտներին համապատասխան մոտեցում, ինչպես նաև դարձնում է թեսթավորման գործընթացն ավելի դյուրին կազմակերպման և ադմինիստրացիոն տեսանկյունից։Նշենք, որ staff.am-ի հետ համագործակցող ընկերությունները հնարավորություն ունեն ստանալ հատուկ առաջարկներ Aptis փաթեթն իրենց աշխատակիցների կամ թեկնածուների անգլերեն լեզվի գնահատման համար ձեռք բերելիս։
Aptis-ի մասին բոլոր մանրամասներին կարող եք ծանոթանալ մեր կայքում ։ Իսկ հարցերի դեպքում ուղղակի կապ հաստատեք staff.am-ի հետ։
Հանդիպման ամփոփումը
Պրեզենտացիոն հետաքրքիր նյութից հետո մասնակիցները հնարավորություն ունեցան իրենց հարցերն ուղղել networking-ի ժամանակ, ինչպես նաև վայելել հյուրասիրությունն ու հաճելի երաժշտությունը Buro-ում։
Հանդիպման լուսանկարները ներկայացրել ենք ստորև։
