#BehindTheScenes. 10 հետաքրքիր փաստ Simply-ի մասին

Փաստ 1. Simply-ն տասը տարեկան է

Այս տարի նշում ենք Simply-ի 10-ամյակը։ Այս տարիների ընթացքում մենք պահել ու կատարելագործել ենք մեր արժեքները, բարելավել ու զարգացրել աշխատանքային մշակույթը և առավել կայացել թիմակիցների և հաճախորդների հետ հարաբերություններում:

Մենք հետևողականորեն գնում ենք մեր ընտրած նպատակի ճանապարհով՝ լինելով մեր հաճախորդների կողքին որպես հուսալի գործընկեր, նպաստել վերջիններիս հաջողությանը և մշտապես տրամադրել բարձրորակ ծառայություն։ Իսկ ինչ վերաբերում է թիմին, ապա մեր նպատակը եղել և մնում է ստեղծել ու պահպանել մշտական զարգացման և մասնագիտական աճի մթնոլորտ, և իհարկե, այս ամենն ուղեկցել ընկերական և ուրախ աշխատանքային առօրյայով։

Տարիների ընթացքում մնացել ենք ճկուն, կիրառել նոր տեխնոլոգիաներ ու հետևողական եղել ժամանակակից թրենդներին՝ մնալով երիտասարդ, նորարար ու էներգիայով լի։

Փաստ 2. Javascript-ը «Մայրենի լեզու» է Simply-ում

Simply-ն ասոցացվում է JavaScript-ի հետ․ մենք աշխատում ենք JS-ով, սիրում ենք JS, անգամ HR թիմը գիտի JS, դե լավ, մի փոքր 😊 

JavaScript-ում հմտանալ ցանկացող մասնագետի համար Simply-ն մի մեծ հնարավորություն է զարգանալու և JS պրոֆեսիոնալ դառնալու համար։

Մեզ մոտ շուրջբոլորը՝ աջ թե ձախ, JavaScript ծրագրավորողներ են, ասես, JS համայնք է ձևավորված հենց Simply-ի ներսում։ Երբ թիմակիցներից մեկը հանդիպում է ինչ-որ խնդրի աշխատանքի ընթացքում, կարող է երկար ժամանակ չծախսել այն լուծելու համար, վստահ կարող ենք ասել, որ ամենաքիչը մեկ թիմակից հանդիպել է իր պրակտիկայում նմանատիպ խնդրի․ վերջ, խնդիրն արագ լուծված է։

Դե իսկ, JavaScript-ի թրենդներին կարող եք ծանոթանալ նույնիսկ խոհանոցային քննարկումների ժամանակ։ Հենց նշված և այլ պատճառներով էլ Simply-ն հայտնի է որպես #HouseofJavaScript:

Փաստ 3․ “Simply”, ինչպես անվանումը

Մեզ հաճախ են հարցնում Simply անվան նշանակության և բացատրության մասին։  Simply նշանակում է պարզ, հասարակ․․․ Մեր բոլոր գործողություններում շարժվում ենք հենց պարզության սկզբունքով, ինչը նշանակում է ազնվություն և թափանցիկություն թիմակիցների, հաճախորդների հետ հարաբերություններում, ՏՏ համայնքի, ինչպես նաև ինքներս մեզ հետ:

Բարդ փոխհարաբերություններն ու երկակիությունը որևէ առնչություն չունեն Simply-ի աշխատանքային մշակույթի և արժեքների հետ։

Բացի ազնիվ և թափանցիկ լինելուց ունենք այլ սկզբունքային արժեքներ, որոնցով առաջնորդվում ենք մեր ամենօրյա գործողություններում։ Դրանք են՝ թափանցիկություն, մշտական զարգացում, փոխադարձ հարգանք և վստահություն, թիմային աշխատանք։

Փաստ 4․ Բացի լավ աշխատելուց, մենք նաև լավ հանգստանում ենք

Թե որքան հագեցած, զարգացնող և ուրախ է անցնում մեր առօրյան Simply-ում, կփաստեն թիմակիցներն ու Facebook Story-ները։ Բացի պրոֆեսիոնալ JavaScript ծրագրավորողներ լինելուց, մենք նաև լավ սեղանի ֆուտբոլ ենք խաղում, «ԶիլԶառ»-ի չեմպիոններ ենք ու «իսկական հայ բանավիճողներ»։

Իսկ գիտե՞ք, որ հավաքագրման վերջին փուլում ստուգում ենք թեկնածուների ֆուտբոլ խաղալու կարողությունները։
Հ․գ․, իհարկե, կատակ էր։

Սակայն, վստահ կարող ենք ասել, որ Simply թիմին միանալուց հետո կարճ ժամանակում կդառնաք սենիոր ֆուտբոլ խաղացող։

Փաստ 5․ #KnowledgeSharing

Զարգացումը և աճը Simply-ի մշակույթի մեջ են։ Լինել Simply-ի թիմի անդամ,  նշանակում է մշտապես սովորել ու կիսել գիտելիքները։ Մեզ մոտ հաճախակի կազմակերպվում են մասնագիտական training-ներ, դասընթացներ, ինչպես նաև ոչ ֆորմալ հանդիպում-քննարկումներ։

Տարբեր ձևաչափի կրթական-զարգացնող նախագծեր իրականացվում են նաև ՄՌԿ, մարքեթինգի և նախագծերի կառավարման աշխատակիցների համար։ Թիմն ունի նաև  հնարավորություն ձեռք բերելու մասնագիտական անհրաժեշտ ռեսուրսներ, ինչպես նաև  մասնակցելու ցանկացած օնլայն դասընթացի։

Simply-ում կարևորում ենք օտար լեզվով հաղորդակցման հմտությունների զարգացումը և պարբերաբար կազմակերպում ենք նաև անգլերենի դասեր։ Հաճախակի կազմակերպվում են դասընթացներ նաև Simply-ից դուրս լսարանի համար, որի ընթացքում կիսվում ենք  մեր գիտելիքներով և փորձով։

Փաստ 6․ Simply թիմն «Աշխարհ տեսած» է

Simply-ի թիմը coding-ից բացի շատ սիրում է նաև ճամփորդել: Ամեն տարի ամբողջ թիմով լինում ենք Թբիլիսիում (հայտնի պատճառով այս տարին բացառություն էր, Գյումրիում է՛լ ավելի լավ ժամանակ անցկացրեցինք), իսկ տարվա ընթացքում բաց չենք թողնում վայելելու արևն ու էքստրեմալ սպորտը։

Դե իսկ Simply-ի հետ աշխատելուց  յուրաքանչյուր թիմակից Եվրոպայի տոմս է ստանում. մեր թիմակիցներն «աշխարհ տեսած» են։

Փաստ 7․ Մեր հարցազրույցները simple չեն, բայց Simply են 😊

Simply-ում շատ կարևոր է ապահովել դրական  «թեկնածուի փորձառություն»՝ անկախ նրանից, թե թեկնածուն ինչպիսի առնչություն է ունեցել կազմակերպության հետ: Դրան ուղղված քայլերից մեկը թափուր հաստիքի համար դիմելու պարզեցված գործընթացն է:

Թեկնածուն կարող է դիմել LinkedIn-ի, Facebook-ի միջոցով բացի ավանդական ինքնակենսագրական ուղարկելու տարբերակից։ Այո, մենք ձեզ ազատել ենք երկար ու ձանձրալի դիմումային ընթացակարգերից։

Հարցազրույցների բոլոր փուլերում մնում ենք մեր աշխատանքային սկզբունքներին «հավատարիմ», փորձում ապահովել անմիջական միջավայր՝ հնարավորություն տալով թեկնածուին անկաշկանդ ներկայացնել ու ցուցադրել իր ներուժը։ Չէ՞ որ մենք բոլորս մի օր եղել ենք հարցազրույցի մասնակցող թեկնածուներ։

Փաստ 8. Մարդիկ առաջնային են Simply-ում

Մենք ընտրել ենք մարդակենտրոն կազմակերպություն ունենալու մոտեցումը և իրացրել “no bosses” աշխատանքային միջավայրը թիմում։ Դա ուղղակի կարգախոս չէ մեզ համար և ամբողջությամբ համապատասխանում է մեր սկզբունքներին ու արժեքներին։ Դա գալիս է Simply-ի ստեղծման հենց սկզբից, երբ Simply-ի համահիմնադիրները որոշեցին այնպիսի աշխատանքային միջավայր կառուցել, որտեղ յուրաքանչյուրը կլինի ուրախ ու մեծ սիրով կկատարի իր աշխատանքը։ Իսկ տարիների ընթացքում այս գաղափարը պահպանվել ու կատարելագործվել է։ 

Մեզ համար առաջնային է հոգատարությունը թիմի ու Simply-ի հետ առնչություն ունեցող ցանկացածի նկատմամբ։ Դե իսկ նոր թիմակիցների onboarding-ի պրոցեսը հնարավորություն է տալիս արագ ինտեգրվել ու շատ շուտով դառնալ թիմի լիարժեք անդամ։

Simply-ի աշխատանքային մշակույթը հնարավորություն է տալիս թիմակիցներին մշտապես հանդես գալու առաջարկներով ու նոր մտքերով, այսպես, յուրաքանչյուր աշխատող ուղղակիորեն հնարավորություն է ունենում մասնակցելու թիմի և աշխատանքային գործընթացների բարելավմանը՝ իր ներդրումն ունենալով ընկերության առջև դրված նպատակների իրագործմանը։ 

Մեր աշխատանքային մշակույթը, արժեքները, թիմի ընդհանուր նպատակները հնարավորություն են տվել ունենալու ամուր և առողջ թիմ:

Փաստ 9․ Simply-ն ակտիվորեն աջակցում է ՏՏ համայնքի զարգացմանը

Simply-ն ակտիվորեն աջակցում է ՏՏ համայնքի զարգացմանը։ Դա փաստում է մեր ակտիվ մասնակցությունը  BarCamp Yerevan-ին, JavaScript Conferance-ին, React Conferance-ին  և այլ նմանատիպ միջոցառումներին՝ սկսած դրանց ստեղծման հենց սկզբից։

Պատահական չէ, որ Simply-ի համահիմնադիրներից Ալեքսանդրը հանդիսանում է նաև JavaScript Conferance-ի հիմնադիրներից մեկը։ Մենք կարևորում ենք ուժեղ ՏՏ համայնքի առկայությունը մեր հասարակությունում և բոլոր քայլերով գնում ենք դեպի ոլորտի զարգացմանը։

Simply-ն հայտնի է նաև իր JS Hacker’s School internship-ի ծրագրով, ինչն իրենից ներկայացնում է երկամսյա տեսական ու գործնական JavaScript-ի դասընթաց, որն անցկացվում է մեզ մոտ գրասենյակում և որի ավարտին լավագույն մասնակիցներն աշխատանքի առաջարկ են ստանում Simply-ի, ինչպես նաև գործընկեր կազմակերպությունների կողմից։

Շնորհիվ համակարգված ու խորը գիտելիքների, մասնակիցները ծրագրից անմիջապես հետո գտնում են ոլորտում իրենց տեղը։ Դե, իսկ մեզ մնում է հպարտանալ մեր մասնակիցների հաջողություններով և տարեցտարի կատարելոգործել նախագիծը։

Փաստ 10․ 20,000 լիտր սուրճ 10 տարում

Simply-ի թիմի համար լավ սուրճը նորություն չէ։ Այն ունի իր առանձնահատուկ պատմությունը և դարձել է մեր մշակույթի մի մասը: Մեր թիմն իսկական սրճասեր է և մեզ համար այն միայն օրվա ակտիվությունն ապահովելու համար չէ:

Պատահական չէ, որ մենք կարող ենք գրասենյակի ցանկացած կետից զգալ սուրճի բույրը և կռահել, թե ում սիրելի սուրճն է պատրաստվում խոհանոցում։  Դե իսկ բարդ հաշվարկների արդյունքում պարզել ենք, որ այս 10 տարիների ընթացքում 20,000  լիտրից ավելի սուրճ ենք խմել Simply թիմով։