Հայաստանյան բանկերը՝ բենեֆիթների գրավիչ փաթեթներով. ՄԱՍ 5

HSBC, Կոնվերս Բանկ, Բիբլոս Բանկ, Ակբա-Կրեդիտ Ագրիկոլ Բանկ. ընկերություններ, որոնք բանկային ոլորտում առանձնանում են ոչ միայն իրենց ծառայություններով , այլ նաև իրենց կողմից առաջարկած աշխատանքային միջավայրով և բենեֆիթների ծավալուն փաթեթներով։

StaffBlog այս նախագծի նպատակն է լուսաբանել Հայաստանում գործող տեղական և միջազգային ընկերությունների կողմից իրենց աշխատակիցներին տրամադրվող բենեֆիթների և հնարավորությունների փաթեթները:

HSBC-ն աշխարհի ամենամեծ բանկային և ֆինանսական ծառայություններ տրամադրող կազմակերպություններից է:  HSBC Խումբը գործում է 67 երկրում և տարածաշրջանում, սպասարկում է շուրջ 38 միլիոն հաճախորդի և ունի ավելի քան 3,900 գրասենյակ ամբողջ աշխարհում։

Նշենք, որ HSBC Բանկում աշխատելու մի շարք առավելություններ կան ոչ միայն սկսնակ, այլ նաև արդեն կայացած մասնագետների համար։

Աշխատանքային լայն հնարավորությունները և մասնագիտական աճի մեծ հորիզոնը, որը Բանկը տրամադրում է, ընդ որում ոչ միայն Հայաստանում այլ նրա սահմաններից դուրս։ Ի շնորհիվ իր գլոբալ ծածկույթի և 67 երկրներում ունեցած իր ներկայացուցչությունների HSBC-ին նոր հնարավորություններ է տալիս մասնագետներին ձգտել ավելիին։ HSBC Բանկ Հայաստանի պատմության մեջ ավելի քան 50 մասնագետներ կան, ովքեր այժմ աշխատում են տարբեր երկրներում Հոնկոնգից մինչև Կանադա։

Մենք տրամադրում ենք ճկուն գրաֆիկով աշխատանքի հնարավորություն, և այս առավելությունը հատկապես կարևոր է կին թիմակիցների համար։

Մասնակցություն Կորպորատիվ Պատասխանատվության։ Մի բան է, որ գործատուն իրականացնում է սոցիալական պատասխանատվության ծրագրեր, լիովին այլ մոտիվացիոն աղբյուր է, երբ մասնագետն ինքն է անմիջական մասնակցություն ունենում այդ միջոցառումներին։

Բժշկական ապահովագրությունը, որը լավագույններից է հանդիսանում մեր շուկայում։

Բանկային ծառայություններից հատուկ սակագներով օգտվելու հնարավորություն (վարկեր, կրեդիտ քարտեր, փոխանցումներ և այլն)։

Մրցունակ աշխատավարձեր և տարեկան գրավիչ պարգևավճարներ (տարեկան bonus)։

Հետևել

Կոնվերս Բանկ ՓԲԸ-ն 25-ամյա պատմություն ունեցող դինամիկ զարգացող Բանկ է, որն առաջարկում է բազմատեսակ ծառայություններ ֆիզիկական և իրավաբանական անձանց համար:

Բանկի կայուն զարգացումը պայմանավորված է թափանցիկ գործունեության և կշռադատված ֆինանսական կառավարման քաղաքականությամբ:

Բանկի դինամիկ զարգացումն ապահովվում է բարձրակարգ արհեստավարժ անձնակազմով, որի շնորհիվ Բանկն ի վիճակի է արագորեն արձագանքել շուկայում տեղի ունեցող փոփոխություններին` ոչ միայն հաճախորդներին շարունակաբար առաջարկելով նորանոր հարմար ու հետաքրքիր բանկային ծառայություններ, այլ նաև արտոնությունների և առավելությունների մեծ փաթեթներ՝ իր աշխատակիցներին։

Կոնվերս Բանկը կարևորում է․

Յուրաքանչյուր աշխատակցի համար անձնական/մասնագիտական աճի և զարգացման համար հնարավորությունները՝ վերապատրաստման ներքին և արտաքին ծրագրերին մասնակցությունը,

Կոնվերս Բանկը տրամադրում է․

Մրցունակ աշխատավարձ, նաև` պարգևավճարների և խրախուսումների ճկուն համակարգ,

Բժշկական ապահովագրություն աշխատակցի և անմիջական ընտանիքի համար,

Արտոնյալ պայմաններով բանկային ծառայություններ և ապրանքատեսակներ,

Հավելավճարներ (երեխայի ծննդյան կապակցությամբ, ֆինանսական աջակցություն),

Ազատ օրեր/Day-Off,

Կոնվերս Բանկը կազմակերպում է․

Թիմային/կորպորատիվ միջոցառումներ։

Հետևել

ACBA-CREDIT AGRICOLE BANK CJSC-ը ստեղծվել է 1996թ. Եվրամիության «TACIS» ծրագրի շրջանակներում, որը խթանում է Հայաստանում ֆինանսական ներգրավվածությունը, տրամադրում է նորարարական և արդյունավետ ֆինանսական լուծումներ՝ գյուղական համայնքների զարգացման հատուկ շեշտադրմամբ:: Բանկը առաջնորդվում է Սոցիալական պատասխանատվության, Հավատարմության,  Թափանցիկության, Նորարարության, Հաճախորդների հանդեպ հոգատարության արժեքներով:

ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿ-ը բարձր է գնահատում իր աշխատակիցների ներդրումը Հայաստանում բանկի զարգացման և արդյունավետ ֆինանսական լուծումների տրամադրման գործում և առաջարկում է արտոնությունների ծավալուն փաթեթներ իր աշխատակիցներին՝

Մասնագիտական միջազգային որակավորումներ ստանալու պարագայում ծախսերի լրիվ կամ մասնակի փոխհատուցում,

Մասնակցություն կրթական ծրագրերին. անընդհատ սովորելու, զարգանալու և աճելու հնարավորություն,

Գործուղումներ ՀՀ տարածքում և դրանից դուրս՝ փորձի փոխանակման նպատակով,

Ռոտացիաներ և ներքին տեղափոխության հնարավորություն,

Առողջության ապահովագրություն,

Դժբախտ պատահարներից և կրիտիկական հիվանդություններից ապահովագրություն,

Անկանխիկ գումար, որը կարող է ուղղել ինչպես աշխատակցի այնպես էլ նրա ընտանիքի անդամների կրթությանը, հանգստին, առողջ ապրելակերպին և այլն,

Արձակուրդային և նախատոնական պարգևատրումներ,

Պարգևատրում աշխատակցի ամուսնության, երեխայի ծննդյան կապակցությամբ,

Աշխատողների երեխաների առաջին դասարան գնալու կապակցությամբ միանվագ գումարի տրամադրում,

Պարգևատրումներ կախված տարեկան արդյունքից և կատարողականից,

Վճարվող time off,

Նյութական օգնություններ անհրաժեշտության դեպքում,

Կորպորատիվ առաջարկներ մի շարք սպորտային ակումբներից, խանութներից, ուսումնական կենտրոններից և այլն,

Կորպորատիվ միջոցառումներ, այդ թվում՝ սպորտային, թիմային, ուսումնական և ժամանցային,

Լավագույն գաղափարների հարթակ- Idea LAB:

Հետևել

Բիբլոս Բանկ Խումբը ունիվերսալ ֆինանսական հաստատություն է, որի գործունեությունը միտված է ինչպես հայրենական, այնպես էլ արտաքին շուկաներում հաճախորդներին համաշխարհային ստանդարտներին համապատասխան ծառայությունների մատուցմանը, բաժնետերերի ներդրումների արժեքի աճի ապահովմանը, աշխատակիցների բավարարվածության բարձրացմանը և հանրության տնտեսական բարեկեցության աճին:

Մեր արժեքներն են՝

Ազնվությունը,

Առաջադիմությունը,

Առավելագույն ուշադրություն Հաճախորդի կարիքներին,

Թիմային աշխատանքը:

Բիբլոս Բանկ Արմենիա ՓԲ ընկերությունը հիմնվել է 2007թ.-ին՝ Բիբլոս Բանկի կողմից Հայաստանում գործող ԻԹԲ Միջազգային Առևտրային Բանկի բաժնետոմսերի 100% ձեռք բերման արդյունքում:

Բանկն իր աշխատակիցներին առաջարկում է փոխհատուցման մրցունակ փաթեթ, որը նպաստում է աշխատակիցների ներգրավմանը և մոտիվացմանը: Բացի մրցունակ աշխատավարձներից, Բիբլոս Բանկ Արմենիա ՓԲ ընկերությունն առաջարկում է արտոնությունների հետեւյալ փաթեթը:

Աշխատավարձի վերանայման համակարգ,

Տարեկան պարգևավճարներ՝ կապված կատարողականի հետ,

Պարգևավճարներ՝ կապված վաճառքների հետ,

Կարիերայի զարգացման և աճի հնարավորություններ,

Դասընթացների մասնակցություն,

Բանկում գործում է «Շարունակական կրթության» ծրագիրը, որը աջակցում է աշխատակիցներին կարիերայի զարգացման ճանապարհին,

Բանկն իր բոլոր աշխատակիցներին և նրանց ընտանիքի անմիջական անդամներին տրամադրում է բժշկական ապահովագրություն,

Տրանսպորտային հավելում,

Սննդի հավելում,

Երեխայի ծննդյան պարգև,

Հարազատի մահվան դեպքում Բանկը հատուկ փոխհատուցում է տրամադրում՝ որպես հուղարկավորության ծախս,

Հարազատի մահվան դեպքում 3-5 օր վճարովի արձակուրդ,

Տարեկան արձակուրդից բացի, մեր աշխատակիցներին տրամադրվում է տարեկան մինչև 35 ժամ չնախատեսված լրացուցիչ արձակուրդ,

Ամուսնության դեքում 3 օր վճարովի արձակուրդ։

Հետևել

<<Հայաստանյան ընկերությունների կողմից տրամադրվող բենեֆիթների փաթեթները>> StaffBlog նախագծի առաջին 4 թողարկումներում հրապարակել ենք ավելի քան 25 առաջատար ընկերությունների արտոնությունների և առավելությունների փաթեթները, որոնց կարող եք ծանոթանալ ստորև։

Հետևել բոլոր թողարկումներին