Beyond podcast-ի 9-րդ էպիզոդը յուրահատուկ է ոչ միայն իր թեմայով, այլև ձևաչափով։ Beyond podcast-ի տաղավարում առաջին անգամ հյուրընկալել ենք երկու խոսնակի՝ իրենց գործում հմուտ երկու մասնագետի, որոնց հետ ուղևորվեցինք դեպի «Մարքեթինգ և վաճառք» կոչվող հետաքրքրաշարժ աշխարհ։ Նրանց հետ քննարկել ենք ընկերության ներսում մարքեթինգի և վաճառքի փոխկապակցվածությունը, վաճառքի կազմակերպման ոչ ստանդարտ տարբերակները, թվային մարքեթինգը և դրա դերը վաճառքում, մարքեթինգի ու վաճառքի թիմերի իդեալական սիներգիան և վաճառքի մասնագետին անհրաժեշտ հմտությունները։
Մեր հյուրերի մասին
Բյուզանդ Մկրտիչեան
- Yerevan City, թվային փոխակերպման և CRM տնօրեն
- Ավելի քան 10 տարվա փորձ վաճառքի և բիզնեսի զարգացման ոլորտում
- Վաճառքի փորձ ավելի քան 5 ոլորտում
- Աշխատանքային փորձ ավելի քան 7 երկրում
Դավիթ Արշակյան
- Optimyzee, co-Founder, CEO
- Ավելի քան 10 տարվա փորձ մարքեթինգի և գովազդի ոլորտում
- Հարուստ փորձ ԱՄՆ-ի և Եվրոպայի շուկաներում
- Հագեցած փորձ PPC մասնագետների պատրաստման գործում
Մարքեթինգ և վաճառք՝ 2 տարբեր թիմ, բայց մեկ ընդհանուր նպատակ՝ լուծել հաճախորդի խնդիրը՝ ճիշտ ապրանք առաջարկելով։ Ընկերության հաջողության գործում մեծ դեր է խաղում այս երկու թիմերի ճիշտ համագործակցությունը։
Դասագրքերում տեղ գտած սկզբունքներն ու ստանդարտներն այլևս բավարար չեն գործնականում հաջողության հասնելու համար․ անհրաժեշտ են նոր և կրեատիվ մոտեցումներ, հատկապես, երբ խոսքը վերաբերում է վաճառքին։ Մեր հյուրերից Բյուզանդը կիսվում է մեզ հետ պրակտիկայում կիրառած իր ոչ ստանդարտ օրինակներով, ինչպիսիք են աշխատանքային բանակցությունները վիսկիի գավաթի շուրջ կամ կարմիրով առանձնացված գործընկերների ծննդյան օրերը օրացույցում և այդ օրերին նրանց փոքրիկ նվերներ մատուցելը։ Վաճառքը մարդկային հարաբերությունների վրա հիմնված երկար գործընթաց է, և այս փոքրիկ քայլերը մեծ ազդեցություն կարող են ունենալ վերջնական արդյունքի վրա։ Իսկ մենք ուրախությամբ ավելացնենք, որ Բյուզանդի հետ մեր համագործակցության արդյունքում մշակել ենք «Mastering the Sales Game» վաճառքի դասընթացը, որն այնքան հաջողված էր, որ արդեն հասցրել ենք մեկնարկել vol 3-ը։ Իսկ եթե դուք ևս ցանկանում եք զարգացնել ձեր հմտությունները վաճառքի ոլորտում, ապա կարող եք միանալ մեր այս տարվա վերջին դասընթացին, որը նախատեսում ենք մեկնարկել հոկտեմբերի 21-ին։
Ժամանակի ընթացքում շուկայական մրցակցությունը աճում է, իսկ հաճախորդի ուշադրությունը գրավելը դառնում է ավելի ու ավելի դժվար։ Մարքեթինգի և գովազդի ոլորտում հարուստ փորձառություն ունեցող Դավիթը նշում է, որ շատ կարևոր է ուշադրություն դարձնել վիճակագրությանը՝ թվերին, հատկապես PPC (pay-per-click) գովազդների հետ աշխատելիս։ Կախված տվյալ գովազդային արշավի արդյունքներից՝ կարելի է մշակել տվյալահեն և ավելի արդյունավետ ռազմավարություն։ Ի դեպ, սեպտեմբերի 17-ին Դավիթի հետ մեկնարկում ենք «PPC Fundamentals and Optimization» թվային գովազդների օնլայն պրակտիկ դասընթացը, որի ընթացքում կտիրապետեք Google և Meta հարթակներում գրագետ և արդյունավետ գովազդային արշավներ մշակելու գաղտնիքներին։ Իսկ դասընթացի ավարտին լավագույն արդյունքներ ցուցաբերած մինչև 3 ուսանողի կտրվի պրակտիկայի հնարավորություն Optimyzee ընկերությունում։
Մեր գործընկերոջ մասին
Մեր այս էպիզոդի գործընկերն է Career Factory-ն, որը հանդիսանում է staff.am-ի կրթական ուղղությունը։ Career Factory-ի օգնությամբ հարյուրավոր մարդիկ հասցրել են զարգացնել իրենց soft (փափուկ) և մասնագիտական հմտությունները։ Անցեք այս հղումով և ծանոթացեք Career Factory-ի կողմից առաջարկվող մոտակա դասընթացներին վաճառքի, մարքեթինգի, HR (Human Resources-մարդկային ռեսուրսներ)-ի և ֆինանսաիրավագիտական ոլորտներում։
Վերջում մեր հյուրերը կիսվեցին լավ մասնագետ դառնալու իրենց արժեքավոր խորհուրդներով, որոնց ծանոթանալու համար առաջարկում ենք ամբողջությամբ դիտել մեր էպիզոդը։ Չմոռանա՛ք բաժանորդագրվել մեր յութուբյան ալիքին՝ մշտապես տեղեկացված և մոտիվացված լինելու համար։
