Կարիերայի «Ճանապարհային քարտեզ» դեպի հաջողություն

2894

21-րդ դարում, երբ մարդիկ արագորեն հմտանում են տեխնոլոգիաներում, դժվար է պատկերացնել այնպիսի ճամփորդ, ով մոլորվել է ու չի կարողանում կողմնորոշվել իր ճանապարհին։

Կամ հավանաբար կհիշեք, երբ առաջին անգամ մեքենա վարել եք սովորել ու ճանապարհն անծանոթ է եղել ձեզ համար, դուք սպասել եք, որ ցանկացած պահի պրոֆեսիոնալ վարորդը կհուշի, որն է հաջորդ քայլը և ինչպես հասնել ճանապարհային քարտեզի հաջորդ կետին։

Այժմ GPS-ների շնորհիվ, կարծես թե, այս հարցը կարգավորվել է, հեշտությամբ կարող եք Ա կետից հասնել Բ կետ, իսկ արդյո՞ք նույնը կարող ենք ասել կարիերայի ուղու մասին։ Արդյո՞ք մենք գիտենք այն ճանապարհը, որը հասցնելու է մեր կարիերայի նպատակներին։ Իսկ ինչ գործիքների օգնությամբ է հնարավոր և այլ շատուշատ հարցեր, որոնք կառուցվածքային մոտեցում են պահանջում։

Այդ իսկ պատճառով էլ որոշեցինք StaffMedia-ում ձեզ հետ կիսվել մի շարք խորհուրդներով, որոնք կօգնեն գծել ձեր հաջողակ կարիերայի «ճանապարհային քարտեզը»։


Սահմանեք ձեր նպատակակետը՝ հաջողություն

Նպատակակետ որոշելը միանշանակ օգնում է խուսափել մեծ ու անակնկալ արկածներից 🙂 Օրինակ, եթե հարցում անենք ուսանողների կամ պրոֆեսիոնալ մասնագետների, թե որն է իրենց գլխավոր նպատակը, ապա մեծամասնության պատասխանը կլինի «հաջողակ լինելը»։

Համաձայնենք, որ գրավիչ պատասխան է, բայց նույնքան անորոշ, որքան «վերև հյուսիս»-ը ինչ-որ ճանապարհ գնալիս։ Եթե մանրամասն չնշվի, թե ինչ նկատի ունենք վերև հյուսիս ասելով, ճամփորդը դժվար թե կողմնորոշվի հասել է նպատակակետին, թե ոչ։

Հետևաբար` նույնը պետք է լինի նաև կարիերայի հարցում․ անհրաժեշտ է հստակ որոշել՝ ինչ է ձեզ համար նշանակում կարիերայում հաջողություն։ Եթե մեկի համար հաջողություն նշանակում է տարվա մեջ 4 շաբաթ արձակուրդ ունենալը, մյուսի համար այն կարող է նշանակել գլոբալ թիմ ղեկավարելը կամ մասնագիտական որևէ մակարդակի հասնելը։

Պլանավորեք ձեր երթուղին․ ի՞նչ է ձեզ հարկավոր այդ նպատակակետին հասնելու համար։

Այժմ, երբ պարզ է ձեր նպատակակետը, ժամանակ հատկացրեք որոշելու այն գործիքները, որոնք կօգնեն առաջ շարժվել ձեր երթուղում։ Արդյո՞ք դուք կարիք ունեք հատուկ թրեյնինգի և որակավորումների։ Փնտրեք այնպիսի հնարավորություններ, որոնք կօգնեն ձեզ ձեռք բերել անհրաժեշտ հմտություններ և գիտելիքներ: Բաժանորդագրվեք մասնագիտական հարթակների, մասնակցեք սեմինարների, վեբինարների, որոնք շնորհիվ համաճարակի այսօր այդքան հասանելի են բոլորիս։

StaffMedia

Ունեցեք «ուղեկից ճամփորդ»

Ոչ ոք միայնակ հաջողության չի հասնում։ Փնտրեք մենթորներ, խորհրդատուներ, ոլորտում լիդերներ, ովքեր ցանկացած պահի կարող են օգնել ձեզ կարիերայի ճամփորդությունում։ Մենթորները կարող են կրճատել ուսման վրա ներդրված ջանքերը և օգնեն կատարելագործել ձեր հմտությունները ավելի կարճ ժամկետում։

Ուշադրություն դարձրեք ճանապարհի խցանումներին

Ոչ մի ճանապարհ առանց խոչընդոտների չի լինում։ Ուղու փոփոխություններ միշտ էլ կարող են պատահել և պատահում են։ Նույնն է նաև կարիերայում․ շուկայի պահանջարկը, բնակության վայրը կարող է փոխվել և այլ բազմաթիվ պատճառներ։ Պրոակտիվ եղեք և նախապես փնտրեք պոտենցիալ խցանումներ, ինչն էլ կօգնի խուսափել հետքայլերից և շարժվել ձեր նպատակի հետևից։

Փնտրեք այլընտրանքային ուղիներ

Ամենամեծ հաջողության պատմությունները սովորաբար կառուցվում են այս հիմքով․ «բոլորն ինձ ասում էին, որ ես խենթ եմ, բայց, այնուամենայնիվ, ես արեցի այդ»։ Ձեր ճամփորդության ընթացքում երբեք մի վախեցեք այլընտրանքային ուղիներից։ Երբեք չեք իմանա, թե այն ուր է տանում։

StaffMedia

Վայելեք ձեր ճանապարհը

Շատ ճամփորդություններում ամենաքաղցր, հետաքրքիր մասը հենց ճանապարհն է, որով անցնում եք։ Երբեք մի մոռացեք, որ այն, ինչ անում եք, պետք է սիրով անել ու հաճույքով։ Գնահատեք այն աշխատանքն ու ջանքերը, որոնք դուք գործադրում եք ձեր կարիերայի «ճանապարհային քարտեզի» նպատակակետին հասնելու համար։

Եվ ինչպես ասում է Հարուն Ագացարացին.

«Չի կարելի վերադառնալ անցյալ և փոխել մեկնարկը, բայց կարելի է մեկնարկել հիմա և փոխել ավարտը»:

Այսպիսով, սկսեք նախագծել ձեր կարիերայի ուղին այսօր և երաշխավորել ձեր կորպորատիվ հաջողությունը 🙂

Powered by staff.am.