Այսօրվա մեր այցը MentorcliQ ընկերություն էր: Այնքան հետաքրքիր, ֆան ու միևնույն ժամանակ զարգացնող միջավայր է այստեղ, որ ամեն օրը նոր խոստում ունի ամեն թիմակցի կարիերայի զարգացման ու անհատականության դրսևորման համար։ Բայց մեկ րոպե․․․ 🙂


Մենք չասեցինք թե ինչ ընկերություն է MentorcliQ-ը, ինչպես այսքան տարբեր, բայց նույն արժեքները հարող մարդիկ հավաքվեցին մեկտեղ։ 

Եվ ահա չես կարողանում թաքցնել այն ուրախությունը, երբ օր օրի տեսնում ես՝  ինչպես են միջազգային ընկերությունների տեխնոլոգիական թիմերը ձևավորվում ու ծաղկում ապրում մեր հայրենիքում։ Այսպիսին է նաև MentorcliQ-ի պատմությունը, որի առաքելությունն էր փոխել մենթորության աշխարհն ու մոտեցումները, իսկ նպատակը՝ օգնել յուրաքանչյուր աշխատակցի զարգացնել իրենց կարիերան, հմտությունները և համայնքը՝ ապահովելով առավելագույն ներգրավվածություն։ 

Ու այսպես, 2016 թվականին (արդեն 4 տարի առաջ) Հայաստանում բացվեց MentorcliQ միջազգային ընկերության հայաստանյան մասնաճյուղը, որն այսօր արդեն ունի ավելի քան 50 աշխատակից։ 

Իսկ թե ինչպես են այսքան տարբեր, բայց նույն արժեքները հարող մարդիկ հավաքվել մեկտեղ, առաջինը, որ պետք է իմանանք, Մարդկային ռեսուրսների բաժնի մասին է, կամ  «HR», ինչպես այսօր շատերիս է հայտնի։ Սա այն բաժինն է, որտեղից սկսվում է մուտքը դեպի ընկերություն՝ սոֆթի նոր աշխարհ, որտեղ ընկերության աճն ու զարգացումը իրենց առաջին ազդակն են ուղարկում, որին էլ հաջորդում է թիմի ընդլայնումը։ Ավելի հստակ պատկերացնելու համար, HR-ի դերը MentorcliQ-ում չի սկսվում Hiring-ով և ավարտվում Firing-ով, այլ HR-ն այստեղ դիտվում է որպես Բիզնես գործընկեր: Եվ HR-ի դերը սկսվում է այն պահին, երբ պլանավորվում ու ձևավորվում է բիզնեսի ռազմավարությունը։ Սա էլ, իհարկե, շատ ավելի լավ արդյունքների է հանգեցնում։

Գիտե՞ք, վերջին մեկ տարվա ընթացքում MentorcliQ-ի աշխատակիցների թիվը կրկնակի աճ է ունեցել, իսկ MentorcliQ-ի դեպքում ինչպես արդեն նկատեցիք, դա նշանակում է, որ ընկերությունը շարունակում է նորարարություններով հանդես գալ, զարգացնել սոֆթը, մեծանում է B2B հաճախորդների բազան, իսկ արդյունքում փոխվում է մենթորինգի փորձը տարատեսակ ընկերություններում, առավելագույնի է հասնում թե սեփական, թե այլ ընկերություններում աշխատակիցների ներգրավվածությունը։

Այս ամենի արդյունքն էր նաև այն, որ այս օգոստոսին MentorcliQ-ը ձեռք բերեց River-ի մենթորության ոլորտում 20-ամյա փորձը՝ էլ ավելի ամրապնդելով իր դիրքերը՝ որպես ընկերությունների աշխատակիցների մենթորության #1 հարթակը։

«Մեր ընկերությունն այս պահին էլ գտնվում է բուռն աճի ու զարգացման փուլում։ Ու շատ մեծ ուժգնությամբ հավաքագրում ենք նոր մասնագետների, հիմնականում՝ ավագ ինժեներների։ Սակայն միշտ բաց ենք նոր տաղանդների համար և, եթե ձեզ հետաքրքրում է միանալ մեր թիմին ու բացահայտել մենթորության սոֆթ աշխարհը նորովի ու յուրովի, կարող եք դիմել մեզ և հնարավորության դեպքում կհամագործակցենք», – մեզ հետ զրույցում նշեց MentorcliQ-ի HR Տնօրեն Սեդա Պապանյանը։

Իսկ հարց․ ո՞րն է այս բուռն աճի ու զարգացման «secret sauce»-ը։ Միգուցե շարժվենք առաջ ու միասին հետևենք 😊

HIRING ՈՉ ՄԻԱՅՆ ՊԱՇՏՈՆԻ, ԱՅԼ ՆԱԵՎ ԸՆԿԵՐՈՒԹՅԱՆ ՀԱՄԱՐ


Անկախ նրանից, թե ինչ ոլորտում գործող ընկերություն ես ղեկավարում, արժեքները, առաքելությունը, ամուր ու տաղանդաշատ թիմ ունենալն ընկերության համար միշտ շարունակում են կարևոր լինել։ Այդ նպատակով էլ MentorcliQ-ում ներդրված է կատարողականության վրա հիմնված hiring-ի (performance based hiring) մեթոդը։

Եվ պատահական չէ, որ թեկնածուի առաջին հարցազրույցը MentorcliQ-ում կազմակերպվում է HR-ի հետ։ Այս փուլը կարևոր է ոչ միայն Գործատուի, այլ նաև թեկնածուի համար, քանի որ այն օգնում է հասկանալ թե մշակութային համապատասխանությունը, թե թեկնածուի սպասումների ու աշխատանքի պահանջների միջև համապատասխանությունը։   

Իսկ այնուհետև հաջորդ ամենագլխավոր պայմանը տվյալ հաստիքին համապատասխան տեխնիկական գիտելիքներ ունենալն է, որը հնարավորինս օբյեկտիվորեն չափվում է տեխնիկական փուլերի ընթացքում, թե տեխնիկական առաջադրանքի, թե տեխնիկական հարցազրույցի։

«Կատարողականության վրա հիմնված hiring-ի մեթոդի կիրառմամբ էլ հստակ կարողանում ես որոշել հավաքագրման արդյունքը։ երբ երկու կողմի սպասելիքներն էլ արդարանում են, մենք ունենում ենք նոր թիմակից»։

ՖԻԴԲԵՔԻՆԳԸ՝ ՈՐՊԵՍ ՄԱՍՆԱԳԻՏԱԿԱՆ ԶԱՐԳԱՑՄԱՆ ՄՇԱԿՈՒՅԹԻ ՄԱՍ


Աշխատել, աճել, զարգանալ․ սա է MentorcliQ-ի շարժիչ ուժն ու հաջողության հիմնասյունը։ Ընկերությունը շարունակ օպտիմալացնում է գործընթացները՝ աշխատակիցների մոտիվացիան ու արդյունավետությունը բարձր պահելու համար անկախ մասնագիտական մակարդակից և պաշտոնից։

«Մեզ համար շատ կարևոր է, որ մեր թիմը շարունակ տեխնիկապես զարգանա։ Եվ այդ նպատակով, բոլոր ֆիդբեքինգ համակարգերը և գործընթացները, որոնք մեզ մոտ ներդրված են, թույլ են տալիս մեզ յուրաքանչյուր աշխատակցի համար ստեղծել անհատական զարգացման պլան, թե որ ուղղությամբ են ցանկանում առաջ շարժվել, զարգանալ, սովորել, տեխնիկական ինչ նոր մարտահրավերներ կցանկանան հաղթահարել»։

Այսինքն` հաշվի է առնվում և Գործատուի ֆիդբեքը, և աշխատակցի ֆիդբեքը, որի հիման վրա էլ վեր է հանվում անհատական զարգացման պլան և իրագործվում։

ՄԵՆԹՈՐ, ԹԵ՞ ՄԵՆԹԻ


Մենթոր, թե՞ մենթի․ թերևս այս հարցը կուղղեք MentorcliQ-ում ձեր առաջին աշխատանքային օրը՝ անկախ նրանից C մակարդակի պաշտոնում եք, թե միջին կամ այլ։ Բայց սա այն դեպքն է, երբ «և՛, և՛» տարբերակն է գործում, քանի որ MentorcliQ-ում առաջինն են կիրառում իրենց պրոդուկտի հնարավոր բոլոր գործիքները։ 

«Մենք այն ընկերությունն ենք, որն ապահովում է մենթորինգի լավագույն փորձը»։

Մենթորինգի վերջին հնարավորություններից մեկը, օրինակ, ինքնազարգացումն է, նույն մարդը կարող է լինել և մենթոր հստակ պլանավորված տարբերակով, և մենթի։

«Մենթորինգը չի ենթադրում միայն 1:1: Մենթորինգը ենթադրում է նաև խմբային մենթորինգ, որը կարող է շատ օգտակար լինել ընկերությունների համար։ Համաճարակը դրա վառ ապացույցն էր։ Ընկերությունները, որոնք օգտվում էին գործիքից, շատ լավ ֆիդբեք են թողել՝ նշելով, որ այս փուլը հեշտությամբ կարողացան հաղթահարել վիրտուալ տիրույթում»։

Քանի որ MentorcliQ-ում նաև մեծ կարևորություն է տրվում օնբորդինգին անկախ պաշտոնից, այն նույնպես իրականացվում է ընկերության սոֆթով թե ընկերության (ի դեպ, անցյալ տարի MentorcliQ-ն արժանացել է Brandon Hall Group Excellence Award-ին մենթորինգի միջոցով կանանց առաջնորդության հմտությունների զարգացման առթիվ), թե պրոդուկտի, և թե Տեխնիկական ուղղություններով: Այսինքն, յուրաքանչյուր նոր թիմակից ունենում է իր մենթորները նշված ուղղվածությամբ և հստակ տեղեկանում է իր գործառույթների ու անելիքների մասին։ 

ԿՈՐՊՈՐԱՏԻՎ ԱՐԺԵՔՆԵՐ, ՈՐՈՆՔ MENTORCLIQ-Ի ԴՆԹ-Ի ՄԵՋ ԵՆ


«Մենք ֆան ենք, մտածող ենք, հոգատար ենք, ձգտող ենք, այս ամենը մեզ շատ համախմբում է, բայց միևնույն ժամանակ մեզ մոտ յուրաքանչյուրն առանձնանում է իր անհատականությամբ ու հետաքրքրություններով, ինչն էլ շատ բազմազան ու հետաքրքիր է դարձնում մեր առօրյան»։

Այլ կերպ, MentorcliQ-ում բոլորը կրում են միևնույն արժեքները, բայց բոլորը տարբեր են։ Եվ այստեղից էլ սկիզբ է առնում ամենագլխավոր արժեքը՝ հարգանքը անհատականության նկատմամբ։ 

MentorcliQ-ի հաջողության «secret sauce»-ը նաև այն է, որ հաճախորդները հատուկ տեղ են զբաղեցնում յուրաքանչյուր թիմակցի աշխատանքում։ 

«Մենք շատ-շատ ենք սիրում մեր հաճախորդներին։ Ոչ թե ուղղակի ասում ենք՝ սիրում ենք, այլ ուղղակի միշտ ձգտում ենք անել հնարավոր ամեն ինչ, որպեսզի մեր հաճախորդները ունենան լավագույն փորձը մեր սոֆթով աշխատելիս»։

ԵՐԲ ՀԵՐԹԸ ՀԱՍՆՈՒՄ Է ԹԻՄԱՅԻՆ ՀԱՂՈՐԴԱԿՑՈՒԹՅԱՆԸ


Կարող եք պատկերացնել մենթորների ու մենթիների առանց ներքին հաղորդակցության, թափանցիկ գործելաոճի ու մտքերի տեղատարափի։ Մենք՝ ոչ 🙂 MentorcliQ-ի ողջ արժեքային համակարգին ծանոթանալով՝ արդեն իսկ պատկերացնում ես, թե ինչքան կապված են մեկը մյուսի հետ թե թիմի ներսում, թե թիմից դուրս, ինչքան են ներգրավված ընկերության բոլոր պրոցեսներում ու ինչպես են ապրում մեկը մյուսի հաջողություններով։ Այո՛, այսպիսին են մենթորության աշխարհը վերափոխող այս տաղանդաշատ հերոսները։

Իսկներքին հաղորդակցության մեթոդները շատ տարբեր են այստեղ՝ սկսած տեխնիկականից, որոնք իրականացվում են մենթորինգի միջոցով, հաջողության շեյրինգներով, tech session-ներով, 1:1-երով, մինչև անձնային հաղորդակցություն։ 

«Թափանցիկությունն էլ այն կարևոր գործոնն է, որն ապահովում է մեր ներքին հաղորդակցության կայունությունը․ բոլոր գիտեն մեր նպատակները, որտեղ ենք գտնվում և ուր ենք գնում»։

ԹԻՄԱՅԻՆ ԻՎԵՆԹՆԵՐ ՈՒ ԱՆՎԵՐՋ ՖԱՆ 🙂 


«Շատ-շատ իվենթներ ենք ունենում, կազմակերպում։ Որ ասում ենք տարբեր ենք, ոչ միայն գործնական իմաստով, այլ նաև ֆանի մեջ ։) Մեզ համար կապ չունի, թե ինչ ենք ընտրում, կարևորը միասին ենք լինում։ Կախված տրամադրությունից՝ բոլորով միասին որոշում ենք, պլանավորում ենք ու անում ։ Օրինակ, կարող են լինել՝ լողի չելինջներ, տեկիլա փարթիներ, բոուլինգ, երբեմն նաև բոլորով միասին դեպի Գյումրի՝ Ձկի ձոր 🙂 »:

Ինչպես արդեն նկատեցիք, նախասիրությունները կարող են լինել տարբեր ընդհուպ մինչև MentorCom-ը, որին հայաստանյան թիմով միշտ մասնակցում են։

Ի՞նչ է MentorCom-ը․ տարեկան մեծ իվենթ է հատուկ մենթորինգի համայնքի համար, որին մասնակցում են ոլորտի փորձագետները, հաճախորդները,  և ընկերության աշխատակիցները կիսվելու իրենց փորձով և պատմությամբ։ Ամեն տարի MentorCom-ը կազմակերպվում է ԱՄՆ-ում, իսկ այս տարի համաճարակով պայմանավորված այն կկայանա վիրտուալ սեպտեմբերի 16-17-ը։

MentorcliQ-ում նաև մեզ հետ կիսվեցին MentorCom-ի մասին կարծիքներով, որոնք թողել էին նախորդ տարիներին մասնակցության ժամանակ․ «Ես շատ սիրեցի էնտուզիազմով լի մթնոլորտը, դա այն էր, ինչ-որ մեզ պետք էր», «Ուղղակի ֆանտաստիկ էին նեթվորքինգ-լանչերը»։ 


Ավելին ասենք, միևնույն կարծիքն էին ասում  ոչ միայն MentorCom-ի, այլ նաև MentorcliQ-ի մասին։ Իսկապես, ֆանտաստիկ է MentorcliQ-ում աշխատելը, ընդամենը հետևեք աշխատանքի առկա հնարավորություններին ու դուք էլ մուտք գործեք հնարավորությունների այս նոր աշխարհ։