Մարտի 2-ին Innovative Solutions and Technologies Center–ի աջակցությամբ տեղի ունեցավ staff.am-ի և Girls in Tech Armenia-ի նախաձեռնած կարիերայի կողմնորոշման բացառիկ միջոցառումը, որի մասնակիցների թիվը գերազանցում էր 130-ը։ Նման միջոցառումը անհնար կլիներ պատկերացնել առանց ՏՏ ընկերությունների այն կարևոր մասնագետների, ովքեր որոշիչ դեր ունեն թիմի ընդլայնման հարցում։ Խոսքը, իհարկե, մարդկային ռեսուրսների կառավարման մասնագետների մասին է։
Միջոցառմանը հրավիրված էին HR մասնագետներ` որպես խոսնակներ, ովքեր ոչ միայն տեղափոխվել, այլև հասցրել են հաջողություններ գրանցել Tech ոլորտի առաջատար ընկերություններում։
Հանդիպումը բաղկացած էր երկու պանելային քննարկումներից։ Առաջին քննարկման թեման հետևյալն էր՝ «Կարիերան tech-ում․ որտեղի՞ց սկսել», իսկ երկրորդինը՝ «Մարտահրավերները tech-ում․ ինչպե՞ս հաջողել»: Թե՛ առաջին, թե՛ երկրորդ քննարկումների ընթացքում մասնակիցների և խոսնակների միջև ծավալվեց հետաքրքիր և օգտակար քննարկում tech ոլորտ մուտք գործելու, առանձնահատկությունների, մարտահրավերների ու դրանց հաղթահարման ուղիների վերաբերյալ։
Կարիերան tech-ում․ որտեղի՞ց սկսել
Թեմայի շուրջ քննարկմանը, որի մոդերատորն էր Girls in Tech Armenia-ի Managing Director Սեդա Պապոյանը, որպես խոսնակներ հրավիրված էին մասնակցելու Աննա Ստեփանյանը՝ Synergy Armenia, Director, People and Organization, Աննա Պողոսյանը՝ SFL, Chief HR Officer, Գայանե Փարեմուզյանը՝ Rockbite Games, Corporate Culture Manager, Իվետ Թորոսյանը՝ Webb Fontaine Holding, HR Manager։ Խոսնակներից յուրաքանչյուրը կիսվեց իր հետաքրքիր փորձով և խորհուրդներով հետևյալ թեմաներով։
Ինչպե՞ս ձեռք բերել լավ աշխատանք tech ոլորտում, եթե չունեն համապատասխան կրթություն։
Ի՞նչ հնարավորություններ են առկա, որոնք կարող են օգտագործել tech ոլորտում գործնական հմտություններ ձեռք բերելու համար։
Որո՞նք են tech ոլորտի առանձնահատկությունները, որոնք պետք է հաշվի առնել կարիերայի ուղին փոխելիս։
Գործատուի կողմից CV-ին դիտարկելիս թեկնածուի ո՞ր հմտությունների վրա է հիմնական շեշտը դրվում, և ո՛ր պարագայում է Գործատուն առաջնահերթությունը տրամադրում տեխնիկական հիմք չունեցող թեկնածուին։
Մարտահրավերները Tech-ում․ ինչպե՞ս հաջողել
Երկրորդ պանելային քննարկումը, որի մոդերատորն էր staff.am համահիմնադիր Լուիզա Ավետիսյանը, նույնպես անցավ շատ բուռն մթնոլորտում։ Քննարկման ընթացքում հրավիրված խոսնակները՝ Անի Մերուժանի Մարգարյանը՝ Joomag Armenia, HR Lead, Իշխան Մարգարյանը՝ Ginosi Apartels and Hotels Yerevan, HR Manager, Սեդա Պապանյանը՝ 10Web, HR Manager, Գոհար Հովհաննիսյանը՝ Benivo Armenia, HR Manager, անդրադարձ կատարեցին հետևյալ հարցերին․
Tech-ում ո՞ր մարտահրավերներին են հիմնականում բախվում աշխատակիցները, և ի՞նչ ուղիներ են առկա հաղթահարման համար։
Ինչպե՞ս է Գործատուն նպաստում աշխատակցի մասնագիտական զարգացմանը և ադապտացմանը tech աշխարհին։
Tech-ում հաջողության հասնելու «գաղտնիքները»։
Միջոցառումն ուղեկցվեց նաև ՏՏ ընկերությունների կողմից իրենց առաջարկների և աշխատատեղերի ներկայացմամբ, իսկ մասնակիցները կարողացան տեղում networking-ի շնորհիվ քննարկել իրենց հուզող հարցերն անմիջապես ընկերությունների HR մասնագետների հետ։
Շնորհակալություն ենք հայտնում բոլոր խոսնակներին, մասնակիցներին և ISTC կենտրոնին համատեղ միջոցառմանն աջակցելու համար, ինչի շնորհիվ #tech ոլորտով հետաքրքրվող մասնագետները, որոնք ՏՏ ոլորտի ընկերությունների պոտենցիալ թեկնածուներն են, կարողացան ձեռք բերել պրակտիկ և օգտակար խորհուրդներ անմիջապես HR մասնագետներից։
