CaseKey-ն իրական բիզնեսների, իրական խնդիրների լուծման հարթակ է`նախատեսված ուսանողների համար։
Ըստ ընթացակարգի`մասնակիցները բաժանվում են 4-ից 8 հոգանոց թիմերի, անցնում են 6-ամսյա հատուկ կրթական ծրագիր, որը մշակվել է ԱՄՆ Ֆլորիդայի համալսարանի հետ համատեղ և վերջում մրցում են լավագույնի կոչման համար։
Այս տարի CaseKey-ն կանցկացվի արդեն 4-րդ անգամ։ Ի դեպ հպարտորեն կարող ենք ասել, որ նման կարևոր նախաձեռնությանը staff.am-ն աջակցել է ստեղծման հենց առաջին օրվանից։
Նախորդ տարիներին ծրագիրը ստացել է ավելի քան 2500 հայտ, և մրցույթին մասնակցել է շուրջ 600 ուսանող, իսկ լավագույն մասնակիցներից ձևավորվել են թիմեր, որոնք մեկնել են ԱՄՆ և մասնակցել Ֆլորիդայի համալսարանում կայացող ամենամյա միջազգային բիզնես խնդիրների լուծման մրցույթին։
Ի դեպ, ուրախ ենք կիսվել, որ 2023 թվականի հավաքական թիմը շուտով կմեկնի Բուդապեշտում կայանալիք Եվրոպայի ամենահեղինակավոր մրցույթներից մեկին։
Շտապեք, վերջնաժամկետը մոտ է
Հայտերը բաց են անհատների, թիմերի և բիզնես քոուչերի համար մինչև մարտի 31-ը:
Այս տարի առաջին անգամ մրցույթի շրջանակներում մասնակիցները հնարավորություն կունենան մասնակցել ԱՄՆ NCSU-ի (Հյուսիսային Կարոլինայի Պետական Համալասարան) բիզնես խնդիրների լուծման թիմի քոուչի կողմից մշակված կրթական ծրագրին, որը կվարի հենց ինքը։
Ծրագրի ընթացքում մասնակիցները կլուծեն նաև 3-4 միկրո քեյս, որոնք վերաբերելու են Հայաստանի իրական բիզնեսներին, իսկ արդեն նոյեմբերին տեղի կունենա գալա միջոցառումը, որի ընթացքում մասնակիցները կլուծեն տարվա գլխավոր բիզնես խնդիրը։
CaseKey մրցույթի մասին ավելին իմանալու համար
CaseeKey Case Competition 2024-ի մասին ավելին իմանալու և գրանցվելու համար այցելեք staff.am հարթակ։
Բաց մի՛ թողեք ինքներդ ձեր հմտությունները փորձարկելու և իրական բիզնեսի իրական խնդիրները լուծելու հնարավորությունը:
Լրացուցիչ տեղեկատվության համար կարող եք կապ հաստատել հետևյալ էլեկտրոնային հասցեով՝ general@nationinaction.com
Մասնակիցներին մաղթում ենք հաջողություն։
