Նոյեմբերի 10-12-ը ՀՀ Կենտրոնական բանկի հովանավորությամբ ԿԲ Դիլիջանի ուսումնահետազոտական կենտրոնում տեղի ունեցավ CaseKey2023 բիզնես խնդիրների լուծման մրցույթի գալա միջոցառումը, որի գլխավոր գործընկերն այս տարի Բիբլոս Բանկ Արմենիան էր։
Մոտ 200 խոստումնալից երիտասարդ անցկացրեց 3 հագեցած օր Դիլիջանում, շփվեց ֆինանսաբանկային համակարգի պրոֆեսիոնալների հետ և աշխատեց բանկի կողմից առաջադրված՝ ընկերության զարգացման ռազմավարական քեյսի լուծման վրա։
Մրցույթի եզրափակիչ փուլում հինգ լավագույն թիմերը պաշտպանեցին իրենց բավականին հետաքրքիր ու ոչ ստանդարտ լուծումները պրոֆեսիոնալ ժյուրիի ներկայությամբ:
Օրվա մյուս կարևոր միջոցառումը պանելային քննարկումն էր՝ նվիրված համալսարանների և մասնավոր հատվածի միջև կապի ակտիվացմանը։ Պանելային քննարկման խոսնակներն էին staff.am համահիմնադիր Լուիզա Ավետիսյանը, Հայաստանում ֆրանսիական համալսարանի ռեկտոր Սալվա Նակուզին, CaseKey2022 միջազգային թիմից Երվանդ Թադևոսյանը և Enterprise Incubator Foundation (EIF)-ի գլխավոր գործադիր տնօրեն Բագրատ Ենդիբարյանը։
CaseKey մրցույթին աջակցել ենք վերջինիս հենց ստեղծման օրվանից և անչափ հպարտ ենք ականատես լինելու մրցույթի շարունակական զարգացմանը։ Հենց նման ձևաչափերի, համալսարան-ուսանող-մասնավոր հատված համագործակցությունների շնորհիվ է, որ այսօր մեր ուսանողներն ավելի պատրաստ և վստահ են մուտք գործում աշխատաշուկա, քան մի քանի տարի առաջ էր։
Լուիզա Ավետիսյան
CaseKey մրցույթը եզակի ձևաչափ է, որի շրջանակում ամբողջ տարվա ընթացքում մասնակիցները ծանոթանում են տարբեր ընկերությունների մշակույթին և աշխատում իրական բիզնես խնդիրներիլուծման վրա: Ուսանողներն ու երիտասարդ պրոֆեսիոնալները սովորում են Հայաստանի առաջատարմասնագետներից և քոուչներից, լուծում են հայկական ընկերությունների կողմից առաջադրվածիրական բիզնես խնդիրներ և ներկայացնում լուծումներ։
Հիշեցնենք, որ այս տարի մրցույթին մասնակցում էին թվով 25 թիմ, որոնցից 17-ը հասել էին եզրափակիչ։ Եզրափակիչ թիմերի շարքում էին նաև 2 թիմ Արցախից և 1 թիմ Գավառից։
Սրտանց շնորհավորում ենք հաղթող թիմերին, CaseKey մրցույթի հիմնադիրներ՝ Հովհաննես Երիցյանին և Արշակ Կարապետյանին, մրցույթի գործընկերներին նման մեծամասշտաբ միջոցառում կազմակերպելու առթիվ։
