Այսօր առաջնորդությունն այլևս միայն պաշտոն չէ։ Այն մտածելակերպ է, մշակույթ, վստահություն կառուցելու ունակություն։
Ժամանակակից բիզնես միջավայրում առաջնորդները գնահատվում են ոչ թե վերահսկելու, այլ ոգեշնչելու, ուղղորդելու և թիմերին փոփոխությունների միջով անցկացնելու իրենց կարողությամբ։
Ու հենց այսպիսի առաջնորդություն ձևավորելը դարձել է այն կազմակերպությունների առաջնահերթությունը, որոնք ցանկանում են երկարաժամկետ ազդեցություն ունենալ՝ թե՛ իրենց թիմերի, թե՛ հասարակության ու ոլորտի վրա։
Նոր սերնդի աշխատակիցները, արագ փոփոխվող միջավայրը և բիզնեսի նկատմամբ հանրային ակնկալիքների աճը պահանջում են իրական քայլեր՝ առաջնորդության մշակույթ ձևավորելու և ամրապնդելու ուղղությամբ։
Ուղղորդվելով առաջնորդության նկատմամբ հենց այս մոտեցումներով, staff.am էկոհամակարգի կրթական ուղղությունը՝ Career Factory by staff.am-ը, արդեն երկրորդ անգամ կազմակերպում է առաջնորդության բացառիկ փորձառություն՝ միավորելով Հայաստանի լավագույն կազմակերպությունների բարձր օղակի ղեկավարներին և առաջնորդներին՝ փորձի փոխանակման և իրական լուծումների համար։ IDEx-ն այն միջավայրն է, որտեղ ծնվում են նոր մտքեր, ստեղծվում են նոր կապեր այն մարդկանց հետ, որոնք միավորվում են՝ ավելի ուժեղ, ավելի պատրաստված և ավելի պրոֆեսիոնալ դառնալու գաղափարի շուրջ։
IDEx-ի հիմքում ընկած է աշխարհահռչակ World Café ձևաչափը, որը թույլ է տալիս ինչպես սովորել մասնակիցներից, այնպես էլ կիսվել սեփական փորձով։ Այն քննարկումների ձևաչափ է, որտեղ մասնակիցները փոքր խմբերով նստում են սեղանների շուրջ՝ քննարկելու ոլորտային հարցեր։ Քննարկումներն ընթանում են փուլերով, և յուրաքանչյուր փուլից հետո մասնակիցները փոխում են սեղանները՝ տարածելով ու զարգացնելով գաղափարները։ Այն խթանում է համագործակցային մտածողությունը, փորձի փոխանակումն ու խորքային երկխոսությունը:
Այս ձևաչափն առանձնակի օգտակար և արդյունավետ է, երբ քննարկումներին մասնակցում են ոչ միայն անհատներ, այլ թիմեր ընկերություններից։ Երբ նույն կազմակերպության մի քանի ներկայացուցիչներ ներգրավված են նման խորքային քննարկումներում, նրանք վերադառնում են աշխատանքի՝ ոչ թե պարզապես գաղափարներով, այլ համատեղ փորձառությամբ, որը հեշտությամբ վերածվում է մշակութային փոփոխության սկիզբի։
Մի շարք առաջատար ընկերություններ՝ կարևորելով առաջնորդության դերը կազմակերոպության զարգացման և առաջընթացի համար, միացան IDEx փորձառություններին թիմերով, ևս մեկ անգամ ընդգծելով, որ առաջնորդությունը միայն վերևից ներքև ընթացող գործընթաց չէ, այլ ներգրավվածության, վստահության և համագործակցային մթնոլորտի արդյունք։
Իսկ թե ինչպես են այդ սկզբունքները կյանքի կոչվում տարբեր ոլորտներում, վկայում են հենց այս փորձառությանը միացած կազմակերպությունների օրինակները․
Այսպիսով առաջնորդության մշակույթի ձևավորման մասին խոսելիս՝ առավել կարևոր է հասկանալ, որ այն չի կարող գոյություն ունենալ վակուումի մեջ։ Իրական փոփոխությունները սկսվում են այն պահից, երբ միևնույն գաղափարի շուրջ համախմբվում են մարդիկ՝ տարբեր ոլորտներից, տարբեր փորձով, բայց միևնույն համոզմամբ՝ առաջնորդությունը թիմային ճանապարհ է։
IDEx vol.2-ը դարձավ այս ճանապարհի մի հանգույց՝ ստեղծելով միջավայր, որտեղ միմյանց հանդիպեցին կազմակերպություններ, որոնք չեն վախենում վերաիմաստավորել իրենց ռազմավարությունը, ներդրում անել մարդկային կապիտալի մեջ և առաջնորդությունը դիտարկել ոչ թե որպես պարազապես կառավարման գործիք, այլ որպես ամբողջ թիմին ներգրավող ուժ։
Մեր սիրելի գործընկերների մասնակցությունը և այս համագործակցային մոտեցումը ոչ միայն հարստացրեց քննարկումներն ու փորձի փոխանակումը, այլ նաև ձևավորեց ապագայի առաջնորդության ուղենիշներ՝ Հայաստանի բիզնես համայնքի համար։
Եթե ձեր կազմակերպությունն էլ է առաջնորդվում նույն տեսլականով՝ առաջնորդությունը դիտարկելով որպես ներգրավվածության, վստահության ու համատեղ զարգացման գործընթաց, ապա հրավիրում ենք միանալ այս բացառիկ ճանապարհին։ Մենք պատրաստ ենք կազմակերպել IDEx փորձառությունը հենց ձեր թիմի համար՝ ձևավորելով այնպիսի միջավայր, որտեղ կծնվեն խորքային գաղափարներ, կզարգանան առաջնորդական հմտություններ, և կձևավորվի նոր մշակույթ՝ ապագայի առաջնորդների համար։
