StaffBlog-ի այս նախագծի նպատակն է օգնել աշխատանք փնտրողներին լավագույնս ներկայանալ ցանկալի գործատուին։ Ստորև ուրախ ենք ներկայացնել Breavis խորհրդատվական կազմակերպության Զարգացման և ՄՌԿ ղեկավար Լիլիթ Գևորգյանի օգտակար խորհուրդները CV կառուցման մասին։
ԼԻԼԻԹ ԳԵՎՈՐԳՅԱՆ
Breavis Զարգացման և ՄՌԿ Ղեկավար
Նախընտրելի է CV-ում ունենալ փոքրիկ ներածական հատված՝
Ամփոփ ձևով ներկայացնելով Ձեզ, Ձեր գիտելիքներն ու փորձառությունը:
Աշխատանքային փորձը նշելիս ամեն պաշտոնի համար 3-4 հիմնական կետը բավարար է՝
Ներկայացնելու համար հիմնական գործառույթները: Դրա փոխարեն համեմատաբար մանրամասն կարող եք ներկայացնել ընթացիկ աշխատանքի պարտականությունները:
Նշեք մասնակցած դասընթացներից միայն այն դասընթացները, որոնք կապ ունեն դիմած աշխատանքի հետ։
Ունեցեք CV-ի հստակ կառուցվածք և խուսափեք երկար տեքստերից։
Կառուցվածքային ներկայացված CV-ն ավելի հեշտ է ընկալել և ավելի տպավորիչ է:
Օգտագործեք միանման տառատեսակ, տառաչափ և գույն: Ինչպես նաև տողերի միջև տարբերությունները և ընդհանուր դիզայնը փորձեք կառուցել համաչափ և նմանատիպ ձևաչափով:
Նամակի «առարկա» հատվածում նշեք, թե որ աշխատատեղի համար եք դիմում, այլապես՝ հավանական է, որ Ձեր CV-ն կանտեսվի։
Նամակի տեքստում առնվազն ողջունեք և գրեք ստանդարտ տեքստը, որտեղ ասում եք, որ կից ֆայլով ներկայացված է Ձեր CV-ն։
Հնարավորության դեպքում ներկայացրեք հղում դեպի Ձեր սոցիալական էջեր (HR մասնագետները երբեմն գտնում են դրանք, այնպես որ կարող եք թեթևացնել նրանց գործը 
)։
Կարող եք չնշել այն աշխատանքները (որոնք հիմնականում լինում են կարիերայի սկզբում), որոնք ընդհանրապես կապ չունեն այն աշխատանքի հետ, որին դիմում եք, առավել ևս, եթե դրանք շատ են:
Պարտադիր չէ նշել հոբբիները, դրանց հաճախ ուշադրություն չեն դարձնում։
Մի գերագնահատեք Ձեր մասնագիտական կարողությունները։ Սա հատկապես նկատելի է, օրինակ, լեզուների իմացության մասին հատվածում։
Եթե չկա հատուկ պահանջ, ապա CV-ում մի օգտագործեք լուսանկար:
Մի կցեք առանձին լուսանկարներ Ձեր CV-ն ուղարկելիս:
Մի օգտագործեք շատ մեծ կամ շատ փոքր տառաչափ:
Երբեք տառասխալը ընդունելի չէ CV-ի մեջ:
Երբեք թույլ մի տվեք, որ Ձեր CV-ն գրի Ձեր ընկեր/ընկերուհին։
