Staff.am-ում օնլայն CV ստեղծելու առավելություններից է աշխատանքի առաջարկ ստանալը StaffSearch որոնողական համակարգի միջոցով։ Գործատուն կարող է նկատել Ձեր CV-ին և եթե Ձեր հմտությունները համապատասխանեն առկա աշխատանքներից որևիցե մեկին, հրավիրել դիմելու թափուր աշխատատեղի համար։
Հավանաբար հաճախ եք ստանում այսպիսի նամակ՝
«Աշխատանքի դիմելու հրավեր․
Հարգելի օգտատեր,
․․․․․․ ընկերությունը դիտարկել է Ձեր CV-ն staff.am-ում և հրավիրում է Ձեզ դիմելու ․․․․․․․․․․․․․․․․թափուր աշխատատեղի համար»։
Այո՛, այո՛ դուք ճիշտ եք։ Այս նամակից հետո անհրաժեշտ է ծանոթանալ առաջարկվող աշխատանքի մանրամասներին և հետաքրքրության դեպքում անմիջապես staff.am-ի միջոցով օնլայն դիմել թափուր աշխատատեղի համար՝ միգուցե և այդ քայլով կարիերայի բոլորովին նոր փուլ բացահայտելով ինքներդ ձեզ համար։
Ի դեպ, տեսնելով, թե ինչպես է աշխատում StaffSearch որոնողական համակարգը, կարող եք Ձեր CV-ին ավելի կատարելագործել, օրինակ՝ ձեր մասին պատմող տեսանյութ ավելացնել, նշել, թե վերջերս ինչ դասընթացների եք մասնակցել, ինչ նոր հմտություններ եք ձեռք բերել՝ այսպիսով մի քանի անգամ արագացնելով նոր աշխատանք գտնելու հավանականությունը։ Չէ՞ որ գործատուի որոնման արդյունքում «հայտնվելու» համար Ձեր CV-ին պետք է լրացված լինի 70-100% լիարժեքությամբ։
ԻՆՉՊԵ՞Ս Է ԱՇԽԱՏՈՒՄ STAFF SEARCH ՈՐՈՆՈՂԱԿԱՆ ՀԱՄԱԿԱՐԳԸ
StaffSearch որոնողական համակարգը բաղկացած է Սմարթ որոնում և AI որոնում բաժիններից, որոնց միջոցով գործատուն աշխատանքի պահանջներին բավարարող չափանիշների օգնությամբ որոնում է կատարում staff.am-ի բազայում։
Ի՞ՆՉ Է ՍՄԱՐԹ ՈՐՈՆՈՒՄԸ
Օգտագործելով staff.am Սմարթ որոնում համակարգը՝ Գործատուն հնարավորություն ունի նախատեսված ֆիլտրերի միջոցով գրել թափուր աշխատատեղին համապատասխան բանալի բառը (keyword), իսկ որոնման արդյունքներն ավելի թիրախավորելու համար կարող է ավելացնել նաև պահանջվող հմտությունների, տարիքի և փորձի պահանջները, աշխատավարձի չափը, վարորդական իրավունքի առկայությունը, staff.am-ում ակտիվությունը և այլն։
Ի՞ՆՉ Է AI ՈՐՈՆՈՒՄԸ
AI որոնման միջոցով Գործատուն ընտրում է թափուր հաստիքը և արհեստական բանականության ալգորիթմներով աշխատող համակարգը ցույց է տալիս թոփ 20 ամենահամապատասխան թեկնածուներին։
Որոնողական երկու գործիքների օգտագործման արդյունքում էլ դուք ստանում եք աշխատանքներին դիմելու հրավերներ։ Ստորև կարող եք հետևել մի քանի խորհուրդների գործատուի կողմից ավելի հեշտ նկատվելու համար։
ՑԱՆԿԱՆՈՒ՞Մ ԵՔ ՆԿԱՏՎԵԼ ԳՈՐԾԱՏՈՒՆԵՐԻ ԿՈՂՄԻՑ, ԱՊԱ ՀԵՏԵՎԵՔ ԱՅՍ ԽՈՐՀՈՒՐԴՆԵՐԻՆ
Հավաստիացեք, որ staff.am Ձեր անձնական էջը լիարժեք լրացված է և միշտ թարմացված է նոր տվյալներով։ Մեկ անգամ ևս ստուգելու համար մուտք գործեք Ձեր էջ, եթե դեռ չեք հացրել գրանցվել, ապա հիմա ամենալավ ժամանակն է։
Հավաստիացեք, որ staff.am Ձեր էջի համար ընտրել եք պրոֆեսիոնալ լուսանկար։ Հետևեք StaffBlog օգտակար խորհուրդներին լուսանկարի ընտրության մեջ՝ Լուսանկար CV-ի համար – արդյո՞ք ես ճիշտ եմ ընտրել։
Հավաստիացեք, որ Ձեր էջում նշել եք 3-5 հիմնական մասնագիտական և սոֆթ հմտություններ, որոնք իսկապես համապատասխանում են Ձեր որակավորմանը։ Եթե դեռևս չեք նշել ամենակարևոր հմտությունները, ապա մուտք գործեք Ձեր էջ:
Հավաստիացեք, որ Ձեր էջում համառոտ բնութագիրը (Summary) հասկանալի ձևով խոսում է Ձեր մասնագիտական փորձի մասին։ Ստուգելու համար առաջարկում ենք 2 հետաքրքիր և արդյունավետ թեստեր՝ Ինչպես գնահատել staff.am Ձեր համառոտ բնութագիրը։
Եթե դեռևս չեք ստեղծել Ձեր համառոտ բնութագիրը (Summary) և կցանկանայիք հետևել ուղեցույցին առավել գրավիչ նկարագիր կազմելու համար, ապա միգուցե այս հոդվածը Ձեզ համար օգտակար լինի՝ Ինչպես ստեղծել առավել մրցունակ համառոտ բնութագիր:
Հավաստիացեք, որ staff.am Ձեր անձնական էջում ներառված են բանալի բառեր՝ հիմնականում մասնագիտացման հետ առնչվող, որոնք կարող են Ձեր էջը տեսանելի դարձնել Գործատուի որոնման արդյունքում։ Համոզվելու համար կարող եք ստուգել, թե արդյոք ներառել եք Ձեր աշխատանքային փորձի տվյալները staff.am օնլյան CV-ի մեջ:
Հավաստիացեք, որ Ձեր «Էջի կարգավորումներ» բաժնում Էջի տեսանելիությունը Ձեր նախընտրությամբ կարգավորված է:
Եթե ցանկանում եք որպեսզի Ձեր օնլայն CV-ին հայտնվի գործատուի որոնման արդյունքներում, ապա էջը դարձրեք ՏԵՍԱՆԵԼԻ: Եթե ներկա պահին չեք ցանկանում, որ Ձեր էջը ցուցադրվի որոնման արդյունքներում, պարզապես Էջի տեսանելիությունը դարձրեք ԳԱՂՏՆԻ, և այս դեպքում Ձեր օնլայն CV-ին հասանելի կլինի միայն այն գործատուներին, որոնց թափուր պաշտոններին Դուք դիմում եք:
