2022 թվականը DataArt Armenia-ի համար նշանավորվեց նոր՝ ավելի ընդարձակ ու հարմարավետ գրասենյակի բացմամբ: DataArt Armenia-ն, որի արժեհամակարգում մարդիկ միշտ առաջին տեղում են, այնպիսի հետաքրքիր ու էրգոնոմիկ ճիշտ լուծումներ է մշակել գրասենյակում, որի շնորհիվ կարող ենք վստահորեն ասել, որ DataArt-ի գրասենյակը Հայաստանի թոփ լավագույններից է։
Այսօր staff.am թիմը Պարոնյան 40 հասցեում է, որտեղ էլ գտնվում է DataArt Armenia-ի նոր գրասենյակը՝ Երևանի կենտրոնում, բայց միևնույն ժամանակ քաղաքի աղմուկից հեռու ու բնությանը շատ մոտ։ Եթե մինչ այս եղել եք DataArt-ում, ապա արդեն նկատեցիք, որ նոր գրասենյակը գտնվում է հին գրասենյակի հարևանությամբ։ Դե ինչ, մուտք գործենք գրասենյակ ու զրուցենք DataArt Armenia փոխտնօրեն Իշխան Մարգարյանի հետ, ով կպատմի մեզ գրասենյակի ստեղծման հետ կապված ամենահետաքրքրաշարժ պատմությունները և թե ինչպես է գրասենյակն արտացոլում DataArt-ի արժեքները։
ԳՐԱՍԵՆՅԱԿԻ ՆԱԽԱԳԾՈՒՄԻՑ ՄԻՆՉԵՎ ՀԵՏԱՔՐՔԻՐ ԴԵՏԱԼՆԵՐ
Այս գրասենյակը բավականին հաջողված նախագիծ է, որում իր ուրույն ու մանրակրկիտ մասնակցությունն է ունեցել DataArt Armenia հիմնադիր և տնօրեն Արսեն Բաղդասարյանը։ Այստեղ դիզայնի յուրաքանչյուր դետալ, սեղանների դասավորվածություն հատուկ մտածված են, իսկ թիմերի առանձնահատկությունները՝ հաշվի առնված։
Գրասենյակի դիզայնի աշխատանքներին ակտիվ մասնակցություն է ունեցել նաև դիզայներների գլոբալ թիմը դիզայներական թիմի ղեկավարի՝ Իլյա Կորոբովի գլխավորությամբ, ովքեր դիզայներական լուծումներն այնպես են տրամադրել, որ տարածքն էրգոնոմիկ ճիշտ և դիզայնի տեսանկյունից հաճելի լինի։
Open space-ը բնորոշ է DataArt-ի բոլոր գրասենյակներին, սակայն ամեն ինչ այնքան գրագետ է կազմակերպված, որպեսզի լուծվի սովորաբար open space-երին բնորոշ կարևոր խնդիրը՝ աղմուկը։ Գրասենյակի երկու հարկում էլ շատ տպավորիչ են «գաղտնիք» պարունակող ձայնամեկուսիչ բաժանարարները։ Իլյա Կորոբովի մտահղացմամբ, առաջին հայացքից ինտերիերի մաս կազմող ձայնամեկուսիչները հատուկ դետալային դիզայն են ստացել շախմատի ֆիգուրաների տեսքով, որոնք Տիգրան Պետրոսյանի հաղթական պարտիաներից են։
ՀԵՏԱՔՐՔԻՐ ԲԱԺԱՆՈՒՄՆԵՐ ՈՒ ՍԻՐԵԼԻ ԱՆԿՅՈՒՆՆԵՐ
Գրասենյակում պատերն ու դետալները հիմնականում պաստելային գույների մեջ են, որպեսզի մարդիկ կարողանան հանգիստ կենտրոնանալ իրենց աշխատանքի վրա։ Իսկ տարաբաժանումներն արված են՝ հաշվի առնելով թիմերի առանձնահատկությունները։
Գրասենյակում առկա են աշխատանքային զոնաներ, խոհանոցային զոնաներ, պրեզենտացիաների համար նախատեսված զոնա, որն ամֆիթատրոնի ձևաչափով է կառուցված, հանդիպումների սենյակներ, տարբեր խաղերով հագեցած խաղասրահ, ամբողջությամբ կահավորված մարզասրահ, սուրճի անկյուններ, հանգստի զոնաներ, և թիմի կողմից շատ սիրված սրճարանի նման հատված, որը coworking զոնայի է հիշեցնում։
Երկու հարկերն էլ լիարժեք կահավորված են, խոհանոցներն էլ ամենը նույնությամբ է թե երկրորդ, թե երրորդ հարկում, որտեղ տեղադրված են բազմաքանակ միկրոալիքային վառարաններ, ինչպես նաև 4 տարբեր մատակարարների սառնարաններ, որոնց օգնությամբ աշխատակիցները կարողանում են իրենց ընդմիջումները հարմարավետ ձևով կազմակերպել: Ի դեպ, նշենք, որ օտարերկրյա գործընկերները բավականին շատ են սիրում օգտվել ընդմիջման այս տարբերակներից՝ հավելվածով պատվիրելով իրենց այդ օրվա նախընտրելի ուտեստները։
Իսկ սուրճի հետաքրքիր անկյունները այնպես են կառուցված, որպեսզի գրասենյակի յուրաքանչյուր հատվածում հարմար լինի օգտվել։
ԹԻՄԱՅԻՆ ԱՎԱՆԴՈՒՅԹՆԵՐ ՆՈՐ ԳՐԱՍԵՆՅԱԿՈՒՄ
DataArt-ի մասին խոսելիս չենք կարող չնշել թիմային ակտիվությունները, որոնց մի մասն արդեն դարձել է ավանդույթ։ Նոր գրասենյակն էլ իր հարմարություններով էլ ավելի լայն հնարավորություններ է տրամադրում:
Օրինակ, նախկին գրասենյակում կար բաց վերանդա, որտեղ թիմը սիրում էր հայկական խորոված պատրաստել, տարբեր մեծ միջոցառումներ կազմակերպել (Android Manifest Meetup)։ Իսկ այստեղ ձևավորվեց համեղ պոնչիկների ավանդույթ։ Պարբերաբար թիմային ընհանուր չատում կարելի է տեսնել «Պոնչիկներ խոհանոցում… :)», որի քանակությունը տատանվում է 30 – 270-ի միջև։
Մեկ այլ ավանդույթ, որը ստեղծվել է ընկերությունում փորձաշրջանը հաջողությամբ անցած թիմակիցների կողմից, նույնպես մեկ տարածքում է միավորում բոլորին: Սովորաբար, այս անգամ թիմի համախմբման վայրը ամֆիթատրոնն է, որը բավականին տարողունակ է, և 250- 270 հոգի կարող է հանգիստ ներկա գտնվել։
Այս հավաքները վերածվում են շատ մեծ և կազմակերպված փարթիի: Հատուկ այդ նկատառումներով էլ կան GBL Party Box-եր, որն էլ ծառայում է իր նպատակին։
Հետաքրքիր էր նաև այն, որ փորձաշրջանն անցած թիմակիցները DataArt-ի լոգոյի պատկերով ձեռքերի հպումով նկար էին պատրաստել, որն էլ փակցված էր ամֆիթատրոնի հարակից պատին։
Խաղային զոնայի առանձնացված լինելն էլ իր հերթին առաջացրեց նոր նախաձեռնություն, և այժմ ընկերությունում ընթանում է պինգ-պոնգի ձմեռային առաջնություն:
«Եվս մեկ ավանդույթ, որ եկել է մեր ռուս գործընկերների կողմից, խճանկար հավաքելու ավանդույթն է։ 3000, 4000, 5000 կտորից բաղկացած խճանկարներ ենք հավաքում, վերջում սոսնձում, սարքում նկար ու շրջանակով փակցնում պատին», – նշեց Իշխանը։
Իսկ խոհանոցի հատուկ անկյուններում կարելի էր տեսնել թիմից տրամադրություն ստեղծող նկարների, իսկ նկարներ տպելու գործընթացը բավականին պարզ ու արագ է՝ ի շնորհիվ խոհանոցում տեղադրված սարքավորման։
ԱՐԺԵՔՆԵՐ, ՈՐՈՆՔ ԱՐՏԱՑՈԼՎՈՒՄ ԵՆ ԳՐԱՍԵՆՅԱԿԻ ԴԻԶԱՅՆՈՒՄ
DataArt-ի արժեքներից են վստահությունը, թափանցիկությունը, ճկունությունը, և այդ ամենն արտահայտվում է ճկուն, open space, հարմարավետ զոնաներից բաղկացած գրասենյակում։
«Մարդակենտրոնությունը մեզ մոտ դրսևորվում է ամենուր՝ սկսած աշխատասեղանների դասավորվածությունից մինչև օդափոխություն ու այնպիսի դետալներ, որոնք թույլ են տալիս մարդկանց կենտրոնանալ աշխատանքի վրա։ «People first»-ը մեր արժեքն է արդեն 25 տարի և այդ արժեքն է մեզ առաջ մղում, որի շուրջ էլ ձևավորվում են մեր մոտեցումները թե գրասենյակի դիզայնի, թե աշխատանքի հետ կապված հարցերում», – ոգևորությամբ մեզ հետ է կիսվում Իշխանը:
Անգամ հատուկ հարմարանք կա գրասենյակում, որ աշխատակիցները գրասենյակ մտնելիս կարող են իրենց կոշիկները փոխել, տեղադրել անհատական պահարանում և հագնել գրասենյակայինը, ինչը շատ ընդունված է ռուս գործընկերների կողմից։ Կահույքի վրա էլ բավականին մեծ ներդրում է կատարվել, թե աշխատել են տեղական արտադրողի հետ, և թե արտասահմանյան, մասնավորապես, Իտալիայի և Իսպանիայի, որպեսզի աշխատակիցները կարողանան առավելագույնը վայելել աշխատանքային գործընթացը։
Դատաարտը կանաչ կազմակերպություն է. DataArt-ի արժեքներից է նաև սոցիալապես պատասխանատու լինելը։ Եվ շատ կարևոր է նշել, որ այս սոցիալապես պատասխանատու լինելը գալիս է ոչ միայն ընկերությունից, այլ նաև մարդկանցից։ Օրինակ, աղբի տեսակավորումը կատարվում է գրասենյակում ու այդ նախաձեռնության գաղափարը առաջ է քաշվել թիմի կողմից և աջակցություն ստացել ընկերությունից։
«FRUITFUL» ՀԱՆԴԻՊՈՒՄՆԵՐՆ ՈՒ ՀԱՅԿԱԿԱՆԸ
DataArt-ում չնայած թիմային բազմազանությանն ու ընկերության միջազգային լինելուն՝ հայկականն ունի իր ուրույն դիրքերը։ Հյութեղ մրգերի հայկական անուններով անվանված հանդիպումների սենյակները յուրաքանչյուր այցելուի պարզապես հուշում են, թե ինչքան fruitful (արդյունաշատ) են անցնում հանդիպումներն այստեղ։
Հայկական զարդանախշերով էին կարված նաև փափուկ բարձերը հատուկ DataArt Armenia-ի համար, իսկ Տիգրան Պետրոսյանի հաղթական պարտիայով ձայնամեկուսիչ բաժանարարներից հանված դետալները յուրահատուկ դեկոր են դարձել աշխատասեղանների մոտ։
DataArt-ում գրասենյակի հետ կապված թեմայով միշտ կազմակերպվում են հարցումներ թիմի կարծիքները լսելու ու ճիշտ լուծումներ տրամադրելու համար։
DataArt-ի գրասենյակում նորություններ միշտ սպասվում են. կարելի է ասել, որ նոր գրասենյակն ավարտուն է 97%-ով, իսկ 3% դեռևս կան հետաքրքիր գաղափարներ, որոնք կապված են ընկերության արժեքները գրասենյակի դետալներում արտացոլելու հետ։
Եթե ամփոփենք. Մեր այցը DataArt բավականին տպավորիչ էր, նոր գրասենյակում աշխատակիցները պարզապես վայելում են դրական աշխատանքային միջավայրն ու արդյունավետ կազմակերպում իրենց յուրաքանչյուր աշխատանքային օրը:
