staffmedia.am-ը բազմիցս անդրադարձել է ՏՏ առաջխաղացմամբ զբաղվող DataArt-ի Հայաստանյան ներկայացուցչության կողմից կազմակերպված միջոցառումներին ու նախագծերին։ Այդ բազմաթիվ ու օգտակար միջոցառումների շարքին են դասվել նաև մասնագիտական դասընթացները, հատկապես, ընկերության Որակի ապահում (QA) դպրոցի շրջանակներում իրականացված նախագծերը։
Ցանկանում ենք ներկայացնել ձեզ QA դպրոցի շրջանակներում իրականացված մի նախագիծ, որն առանձնանում է իր յուրահատուկ առաքելությամբ։ Այս անգամ DataArt-ը նախաձեռնել էր Quality Assurance (QA) հատուկ դասընթացն Արցախցի կանանց ու աղջիկների համար։
Ծրագրի նպատակն էր դժվարին իրավիճակում հայտնված մեր հայրենակցուհիներին այնպիսի մասնագտական գիտելիքներ հաղորդելը, որոնց շնորհիվ նրաք կկարողանան աշխատել բարձր պահանջարկ վայելող Որակի ապահովում (QA) մասնագիտությամբ։
Ծրագիրը մեկնարկել է նոյեմբերի 11-ին։ Կրթական այս դասընթացի տևողությունը երկու ամիս էր` ներառելով պրակտիկ ու տեսական մասը։
![DataArt-ի QA դասընթացը](https://staff.am/staffmedia/wp-content/uploads/sites/9/2024/02/1-3-1024x769.jpeg)
Գիտելիքը միակ անսպառ ռեսուրսն է․ QA հատուկ դասընթացի էությունը
DataArt-ում խորապես հավատում են, որ գիտելիքը միակ անսպառ ռեսուրսն է։ Հենց այս սկզբունքով էլ նախաձեռնվել է QA դպրոցի շրջանակներում հատուկ դասընթացը մեր հայրենակցուհիների համար:
Քանի որ շատերիդ մոտ հարց կարող է առաջանալ, թե այս նախագծին ինչու են ներգրավված հենց արցախցի կանայք ու աղջիկները, նշենք, որ DataArt-ի որոշմանը նպաստել է ՏՏ ոլորտում կանանց թվի քիչ քանակությունը։
Մեր գործընկերն այսպես փորձել է բալանսավորել իրավիճակը։
Դասընթացին մասնակցել ցանկացողներից ընտրվել էր 19 դիմորդ, ապա երկամսյա ծրագրի ընթացքում բարեհաջող անցել բոլոր փուլերն ու ձեռք բերել մասնագիտական անհրաժեշտ հմտություններ ու գիտելիքներ։
Ծրագրի ավարտից հետո նրանց սպասում է ՏՏ ոլորտի զարմանահրաշ աշխատաշուկան։
![](https://staff.am/staffmedia/wp-content/uploads/sites/9/2024/02/2-1-1024x768.jpeg)
![DataArt-ի QA դպրոցի շրջանավարտները](https://staff.am/staffmedia/wp-content/uploads/sites/9/2024/02/3-1-2-3.jpg)
![DataArt-ի QA դպրոցի սաները](https://staff.am/staffmedia/wp-content/uploads/sites/9/2024/02/4-4-576x1024.jpg)
Մի քիչ խոսենք DataArt-ի կրթական ու սոցիալական այլ նախաձեռնություններից ևս․
DataArt-ն արդեն իրականացրել է JavaScript-ի դասընթացը, որի նկատմամբ եղել են բազմաթիվ դրական արձագանքներ։ Տեղեկացնենք, որ նմանատիպ դասընթացները շարունակական են նաև այլ մասնագիտությունների համար։ Ընկերության մի շարք դասընթացներ իրականացվում են համալսարանների հետ համագործակցության արդյունքում նույնպես։ Նպատակն է օգնել ուսանողներին մասնագիտական առավել ճիշտ կողմնորոշմանն ու առավել պատրաստված մտնել աշխատաշուկա։
Ընկերության մասնագիտական դասընթացները շարունակական են։ Նախատեսվող հաջորդ դասընթացն, ի դեպ, կմեկնարկի մոտ օրերս։
Մեր գործընկերը բացի կրթական նախաձեռնություններից առանձնանում է նաև իր սոցիալական ակտիվությամբ։ Յուրաքանչյուր գարուն ու աշուն, օրինակ, Երևանը հարստանում է DataArt-ի աշխատակիցների տնկած ծառերով։ Այս նախաձեռնությունը DataArt-ցիները կոչում են «կանաչ» միջոցառումների ծրագիր։
staffmedia.am-ը ողջունում է DataArt-ի բոլոր կրթական ու սոցիալական նախաձեռնությունները, հատկապես, ընկերության QA դպրոցի շրջանակներում իրականացրած վերջին հատուկ դասընթացը՝ նախատեսված արցախցի կանանց ու աղջիկների համար։ Շրջանավարտներն այսուհետ հնարավորություն ունեն աշխատելու ամենապահանջված մասնագիտություններից մեկով։ Մաղթում ենք նրանց մասնագիտական հաջողություններ ու առաջիկայում սպասում մեր գործընկեր կազմակերպության հետաքրքիր, հանրօգուտ այլ նախաձեռնություններին ևս։