staff.am-ի կատարած ՀՀ աշխատաշուկա 2023-ի ընդգրկուն, մանրամասն ու խորքային արդեն թվով 7-րդ վերլուծությունն ինչպես ամեն տարի, այս անգամ ևս հանրության ու մեդիայի ուշադրության կենտրոնում էր։
ՀՀ աշխատաշուկա 2023 ամբողջական զեկույցի շնորհիվ նպատակ է դրվել օգնել մարդկանց, մեր գործընկերներին ինչպես ՀՀ-ում, այնպես էլ դրանից դուրս գործող ընկերություններին աշխատաշուկայի հիմնական ցուցանիշների վերաբերյալ իրական ու խորքային պատկերացումներ կազմել։
2023թ․ առանձնահատկությունն այն էր, որ staff.am վերլուծական ուղղվածությունն ավելի ինստիտուցիոնալ հիմքի վրա դրվեց՝ թողարկելով Compass by staff.am ծառայությունը։ Ի ուրախություն մեր գործընկերներին՝ այս ծառայության շնորհիվ այսուհետ իրականացնում ենք ոչ միայն աշխատաշուկայի, այլև զանազան այլ ուղղվածությունների վերաբերյալ հետազոտություններ և ուսումնասիրություններ։
Ինչպես անցած տարի, այնպես էլ այս տարի ՀՀ աշխատաշուկա 2023 զեկույցն ուներ բարեգործական նպատակ ևս։ Ցանկության դեպքում ձեզնից յուրաքանչյուրը կարող է, ի գնահատանք մեր ծավալուն աշխատանքին, փոխանցել իր նվիրատվությունը «4090 Բարեգործական Հիմնադրամին»` ռեԱրմենիա համագործակցության հարթակի միջոցով։ ՀՀ աշխատաշուկա 2023 զեկույցի օգնությամբ այդ միջոցները կհավաքվեն և կուղղորդվեն 2020թ․ պատերազմի մասնակից և բարձր առաջադիմություն ունեցող 15 հայորդիների ուսման վարձի վճարմանը։ Կանխավ շնորհակալ ենք նախաձեռնությանը ցուցաբերվող օժանդակության և պատրաստակամության համար։
Ներկայացնում ենք տարբեր լրատվական միջոցների անդրադարձը staff.am-ի կողմից իրականացրած ՀՀ աշխատաշուկա 2023-ին։
Հանրային Հեռուստաընկերությունն անդրադարձել է staff.am «ՀՀ ԱՇԽԱՏԱՇՈՒԿԱ 2023» վերլուծական զեկույցին
«2022թ․ սկսվել և 2023թ․ շարունակվել է աշխատաշուկայում տեղի ունեցող փոփոխությունները։ Մի շարք մասնագիտությունների պահանջարկը նվազել է, մյուսներինն՝ աճել։ staff.am-ի կատարած վերլուծության արդյունքներով՝ 2023թ․ զգալիորեն աճել է ֆինանսաբանկային ոլորտի մասնագետների պահանջարկը․․․»։
ՀՀ բանկային ոլորտի միջին աշխատավարձն ու ամենապահանջված փափուկ հմտությունները․ banks.am
«Հայաստանի ֆինանսաբանկային ոլորտում միջին աշխատավարձը (հարկերը ներառյալ) կազմում է 809 000 դրամ: ՏՀՏ ոլորտից հետո սա երկրորդ ամենաբարձր ցուցանիշն է Հայաստանում: Այդ մասին է վկայում staff.am-ի ՀՀ աշխատաշուկա 2023 հետազոտությունը: Ըստ հետազոտության` Ֆինանսաբանկային ոլորտում ամենապահանջված փափուկ հմտություններն (soft skills) են «Ժամանակի կառավարում» ու «Բանակցություններ» հմտությունները։ Երրորդ տեղում թիմում աշխատելու ունակությունն է․․․»։
Modex-ի անդրադարձը․ «Մակրոտնտեսական հիմնական ցուցանիշների վերլուծությունն իրականացվել է համատեղ»
«staff.am կարիերայի օնլայն հարթակի մեր գործընկերները հունվարի 22-ին հրապարակել են «ՀՀ Աշխատաշուկա 2023» ամենամյա զեկույցը։
Զեկույցում մակրոտնտեսական հիմնական ցուցանիշների վերլուծությունը, ինչպես և նախորդ երկու տարիներին, իրականացվել է մեզ հետ համատեղ…»։
Հրապարակվել է «ՀՀ Աշխատաշուկա 2023» զեկույցը․ B24-ի անդրադարձը
«Հրապարակվել է թվով արդեն յոթերորդ վերլուծությունը՝ նվիրված աշխատաշուկային։ Վերլուծության շրջանակներում ուսումնասիրվել է մոտ 65,000 աշխատանքի հայտարարություն՝ 2021-2023թթ. ժամանակահատվածի համար…»։
Զեկույցին անդրադարձել է նաև Armenian Business News-ը
«Հրապարակվել է թվով արդեն յոթերորդ վերլուծությունը՝ նվիրված աշխատաշուկային։ «ՀՀ Աշխատաշուկա 2023»-ի հիմնական ենթաբաժիններն են.
- Ամենապահանջված մասնագիտությունները և ակտիվության դինամիկան 2023թ. ընթացքում։
- Ամենաակտիվ գործատուները և ըստ կազմակերպության գործունեության ոլորտները
- Մարզային հաստիքների ուսումնասիրություն, ամենաակտիվ մարզային քաղաքներ, համեմատականներ՝ 2021-2022թթ. հետ, մարզային միջին աշխատավարձեր․․․»։
ՀՀ աշխատաշուկա 2023-ի մասին խոսում է նաև fintech.am-ը
Վերլուծության շրջանակներում ուսումնասիրվել է մոտ 65,000 աշխատանքի հայտարարություն՝ 2021-2023թթ. ժամանակահատվածի համար։
Ֆինանսաբանկային ոլորտի ընկերությունների ցուցաբերած ակտիվությունը 2023թ. կազմել է 27%, ինչը 7 տոկոսային կետով ավելի բարձր է 2022թ․ համեմատ։
