#DexatelSpotlight. Յուրաքանչյուր հաջողված աշխատանքի ետևում կանգնած է թիմը, և լավ թիմը կարող է մեզ հասցնել որտեղ որ ցանկանանք

9992

Ստարթափների ճանապարհը երբեք հարթ ու ուղիղ չի լինում, այն ոլորապտույտ է՝ շատ հաճախ ենթադրելով ուղիների փոփոխություն ու նոր պլանների մշակում, բայց ինչն է դարձնում նման բիզնես կազմակերպություններին արագ աճող ու շատ հաջողակ․ թիմը և արժեքներն ու պրոցեսները, որոնք նույնպես ներդրվել են հենց այդ թիմի կողմից։

Staff.am այսօրվա այցը Dexatel ընկերություն է։ Դեռևս մեկ ամիս առաջ մենք ձեզ հետ կիսվեցինք Dexatel-ի նոր ու էրգոնոմիկ գրասենյակի բացման նորությամբ ու խոստացանք, որ շատ շուտով կպատմենք նաև թիմի մասին։  Եվ ահա, գնացինք բացահայտելու Dexatel-ի առկայծող պատմությունը 😊



ԿԱՌՈՒՑԵԼՈՎ ԱՎԵԼԻ ՍԵՐՏ ԱՇԽԱՐՀ


Մուտքագրեք հաղորդագրությունը, ստացողի տվյալները, նամակը հասնելու Ձեր նախընտրած ժամանակահատվածը ․․․ ուղարկել, այսպիսով` մեկ կոճակի հպումով թե մեկ, թե 10,000 հաղորդագրություն միառժամանակ հասնում է իր թիրախային լսարանին։ Ինչպե՞ս 😊

Աշխատանքը, որ Dexatel-ի թիմն ամեն օր անում է, օգնում է, որ ընկերություններն ավելի մոտ լինեն իրենց հաճախորդներին՝ տրամադրելով Ամպային Հաղորդակցության (Cloud Communications) անհատականացված (personalized) հարթակ։

Եվ շարժվելով այս մեկ գլխավոր նպատակի ուղղությամբ՝ դյուրին ու արդյունավետ դարձնել մարդկանց հաղորդակցությունն ամբողջ աշխարհով, Dexatel-ը գրանցեց ու շարունակում է գրանցել իր հաջողությունները՝

  • երկու տարի անընդմեջ Financial Times-ում ներառվել է առաջատարների ցանկում,
  • գրանցել է բարձր ցուցանիշներ D&B-ում (dun & bradstreet)  (ինչը ցույց է տալիս ռիսկայնության աստիճանը),  
  • «Unified Communications 2020» գերազանցության մրցանակակիր է,
  • հեղինակավոր Stevie Awards ոսկե մրցանակակիր։

Այժմ էլ համագործակցում է այնպիսի ընկերությունների հետ, ինչպիսիք են՝ SAP-ը, AliBaba-ն, airtel-ը, Viber-ը և այլ աշխարհահռչակ ընկերություններ։


ՀԱՄԱՏԵՂԵԼՈՎ ՏԱՐԲԵՐ ՄՇԱԿՈՒՅԹՆԵՐ ԿՐՈՂ ՄԱՐԴԿԱՆՑ  ԱՆՁՆԱԿԱՆ ԵՎ ՄԱՍՆԱԳԻՏԱԿԱՆ ՈՐԱԿՆԵՐԸ


«Մենք համարում ենք, որ եզակի ենք մեր մշակույթով և թիմով։ Մենք կարողացել ենք համախմբել մարդկանց, ովքեր առանձնանում են ոչ միայն իրենց մասնագիտական գիտելիքներով, փորձով և հմտություններով, այլ նաև այնպիսի որակներով, ինչպիսիք են՝ համառությունը, սեփականի զգացումը իրենց աշխատանքի և ընկերության հանդեպ (հայերեն հնարավոր է լավ չի հնչում), խոսքը ownership-ի մասին է և դրայվը՝ փոքր թիմով մեծ նվաճումների հասնելու ցանկությունն ու կարողությունը», – նշեց Dexatel ընկերության ՄՌ մասնագետ Ռուբինա Ալումյանը։ 

Dexatel-ի հաջողության սկզբնաղբյուրը թիմն է․ մեկ երազանքի շուրջ են միավորվել 50 մոտիվացված և 5 տարբեր մշակույթ ունեցող, սակայն միևնույն արժեքները կրող մասնագետներ։  

Նրանք այն մարդիկ են, ովքեր ոչ թե ունեն աշխարհում լավագույն համալսարանական կրթությունը, աշխատել են թոփ համաշխարհային ընկերություններում, այլ մարդիկ, ովքեր ունեն մեծ մոտիվացիա, ինքնակրթվելու մեծ ձգտում, համառ են և հաստատակամ իրենց նպատակներին հասնելու հարցում։

«Աշխատանքում մեր գլխավոր սկզբունքն է “get the job done” (գործն ավարտին հասցնել) ու այս սկզբունքն է, որ մեզ միշտ առաջ է մղում փոքր թիմով մեծ հաջողություններ ունենալու»,– հպարտությամբ հավելեց Ռուբինան։


ԶԱՐԳԱՆԱԼՈՎ՝ ԹԻՄԻՆ ԶԱՐԳԱՑՆԵԼՈՎ


challenges + hard work = bring the real growth

Մարտահրավերներ + աշխատանք = զարգացում 

Dexatel-ում վստահ են, որ միայն համառ աշխատանքով, մարտահրավերները հաղթահարելով, միմյանցից սովորելով է հնարավոր հասնել լուրջ արդյունքների և արագ զարգացման։ Թիմում բոլորը ստանում են challenge-ներ՝ challenge ստեղծելու աշխարհի լավագույն անհատականացված լուծումները հեռահաղորդակցության ոլորտում, challenge ստեղծելու cloud հաղորդակցության ամենամեծ համայնքը, challenge գտնելու ամենատաղանդավոր մասնագետներին և այսպես շարունակ բոլոր ուղղություններով։

«Մեր գնահատմամբ զարգացման բնական և լավագույն տարբերակը ճիշտ նպատակի և challenge-ի ուղղորդելն է», – նշեցին Dexatel-ում։

Դե իսկ, ինքնակրթությունն էլ Dexatel թիմի անբաժան սկզբունքներից է․ «մենք չենք վախենում սխալներից, և համարում ենք, որ համարձակ գործելու դեպքում սխալներն անխուսափելի են։ Սակայն մենք արագ ենք սովորում, շտկում ենք մեր սխալները և արդյունքում ավելի մեծ և ազդեցիկ արդյունք ենք ունենում»։ 

Զարգացման և ինքնակրթվելու մյուս կարևոր աղբյուրը միջոցառումներն են, որոնց հիմքում դրված է մի կարևորագույն նպատակ՝ միշտ փորձել նոր բան սովորել միասին։ Օրինակ, հաջորդ միջոցառումը նվիրված է Portrait Photography-ին, միասին դասընթաց են ունենալու, որը բոլորի համար թեև նոր ուղղություն է, բայց և հետաքրքիր։


ԱՐԺԵՔՆԵՐ, ՈՐՈՆՑՈՎ ԱՌԱՋՆՈՐԴՎՈՒՄ ԵՆ


Հավատացեք, որ Dexatel-ի արժեքների մասին խոսելիս թիմի ոգևորությունը կրկնապատկվում է 😊, քանի որ հենց թիմն է Dexatel-ի մեծագույն արժեքն ու ձեռքբերումը։ Ինչպես ընկերության հիմնադիր Գեղամ Ազատյանն է սիրում ասել՝

«Յուրաքանչյուր հաջողված աշխատանքի ետևում կանգնած է թիմը, և լավ թիմը կարող է մեզ հասցնել որտեղ որ ցանկանանք»։

Իսկ մյուս առաջնային արժեքներն էլ թիմը դարձնում են ավելի կատարյալ։ Եկեք ծանոթանանք՝

  • Դրայվ՝ լրացուցիչ քայլ կատարելու և աշխատանքը փայլուն կերպով ավարտին հասցնելու մղումը,
  • Սեփականի զգացումը, երբ հավասարակշռում ես ազատությունը և պատասխանատվությունը,
  • Իմփաքթը կամ դերը․ Dexatel-ում յուրաքանչյուրն իր առանձին ներդրումն ունի թե պրոդուկտի, և թե ընկերության հաջողություններում,
  • Աճն ու զարգացումը, երբ մարտահրավեր նետելով ինքդ քեզ ու բարձր նպատակներ սահմանելով՝ հասնում ես առավելագույնին,
  • Կիսելը, երբ կիսում ես քո գիտելիքը, փորձը, լավ զգացումները՝ դարձնելով քո թիմը և Dexatel-ը լավագույն վայրը հաջողության հասնելու ու աշխատելու համար։

ԱՊԱԳԱՅԻ ԻՆՆՈՎԱՏՈՐՆԵՐԸ


Dexatel-ը միայն աշխատավայր անվանելն այնքան էլ ճիշտ չի լինի։ Այստեղ են գալիս մարդիկ, ովքեր ձգտում են ինչ-որ նոր բան ստեղծել ամեն օր՝ աշխարհն ավելի մոտ դարձնելով, իսկ դրա համար հարկավոր են նոր իննովատորներ, նոր թիմակիցներ։ Եվ որպես իննովացիայի առաջնորդ ու գործատու ապագայի Dexatel-ի պլանները նույնպես առկայծող են՝

  • ստեղծել նոր աշխատատեղեր և ունենալ ավելի մեծ Tech թիմ, ի դեպ, վերջին մեկ տարում թիմը կրկնակի աճ է ունեցել 😊,
  • նախաձեռնել ինթերնշիփային ծրագիր բիզնեսի զարգացման մասնագետներ պատրաստելու համար,
  • մեկնարկել բազմակողմ ու բովանդակ համագործակցություններ։

Եվ քանի որ ընկերությունը շարունակում է արագընթաց կերպով աճել ու ընդլայնել իր գործունեությունն ամբողջ աշխարհում, անհրաժեշտ են ավելի հստակ գործիքներ այդ հաջողությունները ընկերության արժեքների ու սկբունքների վրա կառուցելու համար բոլոր այն երկրներում, որտեղ Dexatel-ն ունի գրասենյակներ։ Այդ նպատակով էլ ևս մեկ առկայծող նորություն է ընկերության կողմից Cultural Manifesto-ի հռչակումը 🙂

Մաղթենք թիմին աշխարհը վերափոխելուն ուղղված նոր մարտահրավերներ ու առավելագույն արդյունքներ, ինչպես նաև այսքան գունեղ աշխատանքային օրեր 😀



ԾԱՆՈԹԱՆԱԼ DEXATEL-Ի ՆՈՐ ԳՐԱՍԵՆՅԱԿԻՆ