staff.am-ի «Տարին ամփոփ» ամենամյա հոդվածների շարքն այս տարի բացում է բիզնես հաղորդակցությունների նորագույն և անհատականացված լուծումներ առաջարկող Dexatel ընկերությունը, որի գործունեությունն արդեն 8 տարվա պատմություն ունի։ Ի դեպ, Dexatel-ն իր ոլորտի առաջին ՀՀ ընկերությունն է, որն իր լուծումները տրամադրում է ողջ աշխարհում։
Տարին շարունակաբար ժպտացել է Dexatel-ին՝ նոր գրասենյակի բացում, զանազան համաժողովներին ակտիվ մասնակցություն, միջազգային համագործակցություն և թիմային նորարար նախաձեռնություններ։ Միասին հետհայացք նետենք՝ կիսվելով մեր գործընկերոջ այս տարվա նվաճումներով։
Dexatel-ի 2023-ը՝ թվերով
60+ նոր գործընկեր
36 նոր թիմակից
Նոր շուկաներ`APAC և EMEA
Նոր մասնաճյուղ Սերբիայում
Նոր գրասենյակ՝ նոր ձեռքբերում
2023 թվականի մարտ ամսին Dexatel-ի թիմը տեղափոխվեց նոր, գունեղ և հարմարավետ գրասենյակ, որին անդրադարձել ենք staffmedia.am-ի «Հայաստանի Լավագույն գրասենյակները» շարքում։
Ինչպես նախորդ գրասենյակները, այնպես էլ այս նոր՝ թվով չորրորդ գրասենյակն ամբողջությամբ արտացոլում է Dexatel-ի հիմնական արժեքները: Պարզ, թափանցիկ, հասանելի, առանց բաժանարար պատերի կառուցված գրասենյակը հագեցած է բոլոր հարմարություններով ու զոնաներով՝ աշխատանքային զոնա, զանգերի համար նախատեսված առանձին զոնաներ, խաղերի զոնա, խոհանոցային զոնա, հանգստի ու աշխատանքի զոնա, թիմային ակտիվությունների համար նախատեսված զոնա, բացօթյա հանգստի զոնա։
Համաժողովներ և միջոցառումներ
Dexatel-ը 2023-ին մասնակցել է 9 խոշոր միջոցառման, որոնցից 8-ը միջազգային, 1-ը` հայկական։
Խոսենք դրանցից մեկի՝ «WWC/Partners appreciation» միջոցառման մասին, որը կայացել է սեպտեմբերի 20-22-ը Մադրիդում:Միջոցառման շրջանակներում Dexatel-ը կազմակերպել է «Partnership Appreciation Event»-ը, որը ևս իրականացվել է Իսպանիայում՝ Մադրիդում։ Միջոցառումը համախմբել էր ոլորտի առաջատարներին, նորարարներին և համախոհներին՝ ստեղծելով համագործակցության և գիտելիքների փոխանակման մթնոլորտ:
Մադրիդում WWC միջոցառման ժամանակ Dexatel–ը հանդես է եկել որպես «ոսկե գործընկեր»: Սա բոլորովին նոր մակարդակ էր ընկերության համար, քանի որ թիմը միջոցառմանը համախմբել էր աշխարհի տարբեր անկյունների ներկայացուցիչների՝ Երևան, Տալլին և Բելգրադ։ Հաստատվեցին արժեքավոր կապեր, որոնք զգալիորեն նպաստեցին ընկերության բիզնեսի աճի հնարավորություններին:
Համաժողովի ընթացքում Dexatel-ը նախաձեռնել էր «Գործընկերների գնահատման միջոցառում»՝ այդպիսով նաև երախտագիտություն հայտնելով միջազգային գործընկերներին՝ ստեղծելով վստահություն ու փոխըմբնում, ինչպես նաև խթանելով Dexatel-ի բիզնեսի շարունակական բարգավաճմանը: Ընկերությունը հնարավորություն ունեցավ կապ հաստատելու համախոհ մասնագետների հետ, կիսվելու պատկերացումներով և ուսումնասիրելու աճի նոր ուղիներ:
Թիմային միջոցառումներ
Dexatel-ում տարվա ընթացքում իրականացվում են բազմաթիվ Happy Friday-ներ, թիմային հավաքույթներ և խոշոր թիմային միջոցառումներ՝ Dexatel-ի հիմնադրման, երեխաների պաշտպանության օրվա առթիվ, Summer Event, ամանորյա միջոցառում երեխաների համար և տարեվերջյան կորպորատիվ միջոցառում։
Խոսենք Dexatel-ի միջոցառումների շարքը համալրած Mental Health Day միջոցառման մասին, որն ընկերությունը 2023 թվականից է ներառել ամենամյա պարտադիր միջոցառումների շարքում։
Dexatel-ը կարևորում է աշխատակիցների մտավոր առողջությունը և այս տարի բարեհաջող իրականացրել է Mental Health Day նախաձեռնությունը բոլոր մասնաճյուղերի թիմերի համար։ Թիմերի անդամները հետաքրքիր զրույց են ունեցել հոգեբանի հետ «burnout»-ի (հուզական այրում) և աշխատանքում հաղորդակցման կարևորության վերաբերյալ։ Քննարկվել են հաղորդակցման վերաբերյալ մի շարք հարցեր, և հետքարքրականն այն է, որ Dexatel-ի թիմը ցուցաբերել է բաց և թափանցիկ մոտեցում հոգեբանի հետ ազատ քննարկում ունենալու և հաղորդակցման հմտությունների վրա աշխատելու հարցում։
Հաջորդ թիմային աշխատանքը ստեղծագործական էր։ WineArt-ի հետ Dexatel-ի աշխատակիցները նկարել են Վան Գոգի հանրաճանաչ «Աստղալից գիշեր» նկարը։
Այն տեղադրվել է գրասենյակում որպես եզակի դիզայնի նմուշ՝ ստեղված հենց թիմի կողմից։
Treebox-ի հետ էլ իրականացվել է մի քանի փուլով նախաձեռնություն։
Թիմի ընդլայնում
Այս տարվա ընթացքում թիմը համալրվել է 36 աշխատակցով, որոնցից 1-ն Ուկրաինայում, 2-ը՝ Էստոնիայի թիմում, 10-ը՝ Սերբիայի իսկ 23-ը Հայաստանի թիմում։
Սերբիայի նոր թիմն ու գրասենյակը
2023 թվականի Dexatel-ի նշանակալի ձեռքբերումներից էր Սերբիայում մասնաճյուղի ստեղծումը։
Սերբիայի հանկարծակի տեխնոլոգիական բումը և աշխույժ ՏՏ մշակույթը նշանակալի դեր խաղացին ընկերության՝ տեխնոլոգիական թաղամասի սրտում մասնաճյուղ բացելու որոշման մեջ: Dexatel-ն արդեն ունի սերբական թիմի 10 անդամ, ովքեր համալրել են ընկերության միջազգային թիմը։
Մասնաճյուղի արագ ստեղծումը ցույց է տալիս Dexatel-ի դիրքորոշումը եվրոպական շուկայում՝ արտադրանքի առաջարկների տեսանելիության բարձրացման ուղղությամբ:
Պարգևներ և մրցանակներ
2023 -ի ընթացքում Dexatel-ը ստացել է ընդհանուր 3 մրցանակ։
CRN Woman of the Channel
2023 թվականի մայիսին, Լոնդոնում CRN-ը, Dexatel-ի գործադիր տնօրեն և համահիմնադիր Լիլիա Եղիազարյանին, ընդգրկել է 2023 թվականի «Women of the Channel» ցուցակում: Միջոցառումը ողջունել է նորարար կանանց, ովքեր հետևողականորեն նշանակալի հետքեր են թողնում իրենց ղեկավարած ոլորտներում:
Channel Company-ն Լիլիա Եղիազարյանին ճանաչել է որպես omnichannel կապի ոլորտում առաջատար կին ղեկավար:
1 Silver Globee հաճախորդների սպասարկման համար
Որպես գլոբալ բիզնեսի ասպարեզի ամենաբարձր գնահատված պարգևներից մեկը՝ հաճախորդների գերազանցության համար Globee մրցանակը գնահատում է ընկերության ակնառու ձեռքբերումները տարբեր կատեգորիաների մեջ: Այն թիմերին, բիզնեսներին և մասնագետներին հնարավորություն է տալիս ցուցադրելու իրենց նվիրվածությունը հաճախորդների օրինակելի փորձը մատուցելու և միջազգային մակարդակով ճանաչում ձեռք բերելու հարցում: 2023 թվականի սեպտեմբերին Էստոնիայի Տալլին քաղաքում Dexatel-ը ստացավ «Արծաթե գլոբուս» մրցանակը հաճախորդների սպասարկման ոլորտում տարվա ձեռքբերումների համար: Միջոցառումը նշանավորեց 10-րդ ամենամյա Globee մրցանակաբաշխությունը՝ հաճախորդների գերազանցության համար:
DEXATEL-ի համահիմնադիր Լիլիա Եղիազարյանը «Կին հիմնադիրների գագաթնաժողով»-ին
Վերջերս Dexatel-ի գործադիր տնօրեն և համահիմնադիր Լիլիա Եղիազարյանը հանդիսացել է որպես խոսնակ «Կին հիմնադիրների գագաթնաժողովում» 2023 թվականի սեպտեմբերին Ստոկհոլմում: Այս ուշագրավ իրադարձությունը համախմբեց ոլորտի փորձագետներին և տարբեր ընկերությունների տեսլականներին՝ հարթակ ապահովելով պատկերացումներով և փորձով կիսվելու համար:
Լիլիա Եղիազարյանի մասնակցությունը գագաթնաժողովին կրկնում է նրա հանձնառությունը՝ խթանելու ավելի հավասարակշռված և գենդերային առաջնորդությունը բիզնես ասպարեզում:
ՄՌԿ գործընթացն անընդհատ բարեփոխվում է Dexatel-ում և այս տարին բացառություն չէ։
Կատարողականի կառավարման համակարգի ներդրում
Dexatel-ը ներդրել կատարողականի կառավարման ամբողջական գործընթաց՝ նպատակ ունենալով բարելավելու աշխատակիցների գործունեությունը և հասնելու ընկերության նպատակներին: Գործընթացն օգնում է առանձին աշխատակիցների կատարողականը կապել համապարփակ բիզնեսի և ռազմավարական նպատակների հետ: Կատարողականի կառավարումը աշխատակիցներին հնարավորություն է տալիս ապահովել ընկերության արժեքներին, առաքելությանը և ռազմավարական առաջնահերթություններին համահունչ կայուն բարձր կատարողական:
ESG-ENVIRONMENT SOCIAL GOVERNANCE
Dexatel-ը պարտավորվել է ստեղծել կայուն, ներառական և պատասխանատու աշխատավայր: Նպատակն է ինտեգրել բնապահպանական, սոցիալական և կառավարման սկզբունքներն ընկերության գործունեության և որոշումների կայացման գործընթացներում՝ դրականորեն նպաստելու ընկերության համայնքին և աշխարհին: Այդ նպատակով ներկայացվում է 2023 թվականին Dexatel-ի իրականացրած որոշ նախաձեռնություններ.
Tree Plantation Project. Ինչպես նշել էինք, Treebox կազմակերպության հետ համագործակցելով՝ ընկերությունը նախաձեռնել է մի քանի փուլով համագործակցություն. Treebox -ը աշխատակիցներին տրամադրեց առողջ ճաշ Mental Health Day -ի շրջանակներում և յուրաքանչյուր լանչ-տուփի համար, որը Dexatel-ը պատվիրել է ստացել է մեկ ծառ տնկելու վարկ՝ ծառատունկի միջոցառման ժամանակ։ Ընկերությունը ծառատունկը նախատեսում է իրականացնել 2024-ի փետրվար ամսին։
Սեղանի ֆուտբոլի խաղ բարեգործություն հանրակրթական դպրոցի համար.
«100 ֆուտբոլային սեղան դեպի դպրոցներ» ծրագրի շրջանակներում Հայաստանի ֆուտբոլի ֆեդերացիայի հետ համատեղ Dexatel-ը մեկ ֆուտբոլային սեղան է նվիրել հանրակրթական դպրոցին:
Ամանորյա փաթեթներ տեղահանված ընտանիքների երեխաներին.
Dexatel-ի աշխատակիցներն արձագանքում են Արցախից տեղահանված ընտանիքների երեխաների նամակներին՝ իրականացնելով նրանց ամանորյա նվերների ցանկությունները: Նվերները երեխաներին կտրամադրվեն 2023 թվականի դեկտեմբերի վերջին։
Սահմանամերձ գյուղի դպրոցներին գրքերի նվիրում.
Dexatel-ը 100 գիրք է նվիրել սահմանամերձ գյուղի դպրոցներին՝ աշխատակիցների բարեմաղթանքներով:
Նոր արտոնություններ՝ նոր հնարավորություններ
Ի թիվս նախկին արտոնություններին Dexatel-ն այս տարի ավելացրել և բարելավել է արտոնությունների փաթեթը, մասնավորապես ներդրվել են՝
- Առողջության ապահովագրության թարմացված ավելի լայնածավալ փաթեթ
- Stock Option-ներ
- Անգլերենի ակումբ
- Work from home-ի հնարավորություն
- Սպորտային առաջնություններ
- Կամավորական աշխատանքների հնարավորություն՝ ընկերության հովանավորմամբ
Վստահ ենք, որ մեր գործընկերոջ ձեռքբերումներն ու նորարար գաղափարներն այսքանով չեն սահմանափակվում, և գալիք տարին ևս լեցուն է լինելու այսչափ արդյունավետ ու բեղուն աշխատանքային նախագծերով։
