Աշխատանքի ընդունվելիս աշխատակցի մոտ սովորաբար առաջանում է բնական լարվածություն ու անծանոթ միջավայրում լինելու զգացում։ Գործատուները կարող են օգնել նոր աշխատակիցներին հաղթահարել այս փուլը և ավելի արագ ու հեշտ ընտելանալ նոր աշխատամիջավայրին՝ ողջունելով նրանց ժպիտով ու welcome kit-երով։ Նվերներ պարունակող այս փաթեթը կարող է միանգամից «կոտրել սառույցը»։
![EasyPay - Welcome kit](https://staff.am/staffmedia/wp-content/uploads/sites/9/2024/01/easy-pay-1-1-1-684x1024.jpg)
Ցանկանալով փոխանցել հարազատության ու պատկանելիության զգացում նոր աշխատակիցներին՝ Հայաստանի առաջատար ֆինտեխ հարթակներից մեկը՝ EasyPay-ը, պատրաստել է նրանց համար նոր welcome kit-եր։ Այս պարզ տուփը ներառում է բրենդավորված նոթատետր ու գրիչ, ջրի շիշ, հեռախոսի հենակ և, իհարկե, սթիքերներ։
Աշխատանքային գործընթացում պլաններն ու մտքերը գրի առնելու համար նոթատետրը անհրաժեշտություն է։ Սակայն ինչպես նոթատետրին, այնպես էլ գրեթե ամեն ինչին կարելի է համուհոտ տալ սթիքերների օգնությամբ։ Իսկ հեռախոսը մեզնից անհրաժեշտ հեռավորության վրա պահելու ու հարմար օգտագործելու համար օգտակար կլինի դրա համար նախատեսված հենակը։
Welcome kit-ի պարունակությունը որոշելիս EasyPay-ը առաջնորդվել է օգտակարը հաճելիի հետ համատեղելու սկզբունքով։ Ինչ էլ որ լիներ տուփի ներսում, «բարև» գրվածքով տուփն արդեն իսկ հուշում է ստացողին, որ նա այսուհետ թիմի մի մասն է։
Քո welcome kit-ի, լավ թիմակիցների ու կարիերայի աճի համար միացի՛ր EasyPay-ի թիմին: