EPAM-ը նոր գրասենյակ է բացում Գյումրի քաղաքում

3796

EPAM Systems ընկերությունը, հանդիսանալով թվային փոխակերպման և թվային պրոդուկտների մշակման ծառայությունների համաշխարհային առաջատար մատակարարը, հայտարարել է Գյումրի քաղաքում (Հայաստան) գրասենյակ բացելու մասին։ 

Հայաստանի մեծությամբ երկրորդ քաղաքում ներկայացուցչություն ունենալը կազմակերպության համար լայն հնարավորություններ կստեղծի՝ բավարարելու պրոֆեսիոնալ ​​ծառայությունների գլոբալ պահանջարկը համապարփակ լուծումների և պրոդուկտների մշակման համար ներկայիս և պոտենցիալ հաճախորդ կազմակերպությունների շրջանակներում:

EPAM Գյումրի թիմը զբաղվելու է համաշխարհային խոշորագույն ընկերությունների համար թվային պրոդուկտների և հարթակների մշակմամբ՝ առողջապահության, ապահովագրության, տեղեկատվական տեխնոլոգիաների, ինչպես նաև բիզնեսի, հեռահաղորդակցության, ռիթեյլ և այլ ոլորտներում։

EPAM-ը պատրաստում է մի շարք անվճար կրթական ծրագրեր քաղաքի բնակիչների համար, որոնք սկսնակ մասնագետներին հնարավորություն կտան ձեռք բերել անհրաժեշտ մասնագիտական հմտություններ և յուրացնել նոր տեխնոլոգիաներ։ Ներկա պահին քաղաքում արդեն հասանելի են Java , JavaScript և QA դասընթացները: 

«Մենք ուրախ ենք հայտարարել Գյումրի քաղաքի մասնաճյուղի բացման մասին», – հայտնում է EPAM Armenia-ի տնօրեն՝ Բենիամին Գյուրջյանը։

Ներդնելով մեր գլոբալ փորձը և հաշվի առնելով աշխատանքային համագործակցությունը  համաշխարհային խոշորագույն ապրանքանիշների հետ՝ մենք պլանավորում ենք ակտիվորեն ընդլայնել Գյումրի քաղաքի թիմը, ստեղծել նոր աշխատատեղեր և շարունակել ներդրումներ կատարել տաղանդների ուսուցման և կրթական ծրագրերի մշակման գործընթացում։

EPAM

EPAM ընկերության պրոֆեսիոնալ աշխատակիցների միջազգային համայնքի հասանելիությունը թույլ կտա Գյումրիից և հարակից քաղաքներից մասնագետներին  ձեռք բերել բացառիկ փորձ՝ ներգրավվելով համաշխարհային խոշորագույն ընկերությունների նախագծերում: 

Հայաստանը ինժեներական և տեխնոլոգիական համայնքների արագ զարգացող երկիր է, որտեղ ՏՏ-ն համարվում է տնտեսության առաջնային ճյուղերից:

EPAM

Ընկերության Հայաստանյան առաջին մասնաճյուղը բացվել է 2014 թվականին, Երևանում։

Այժմ ընկերությունում աշխատում են ավելի քան 500+ տարբեր մասնագիտացումներ ունեցող աշխատակիցներ՝ ինժեներ ծրագրավորողներ, բիզնես – վերլուծաբաններ, ճարտարապետական լուծումների մասնագետներ, նախագծերի ու delivery մենեջերներ և այլն։

Հայաստանում միայն վերջին տարվա ընթացքում ընկերության կրթական դասընթացները ավարտել են 350 դիմորդ, և ավելի քան 100 մասնագետներ արդեն իսկ դարձել են ընկերության աշխատակիցներ։ 

Նոր գրասենյակը գտնվում է ք. Գյումրի, Շիրակացի 104 հասցեում և աշխատում է հոթելինգ ձևաչափով, ինչը նշանակում է, որ աշխատակիցը կարող է նախօրոք ամրագրել իր աշխատավայրը գրասենյակում որոշակի օրերի և ժամերի համար՝ հնարավոր դարձնելով  գրասենյակային և հեռավար աշխատանքի համատեղումը, որն առավել քան կարևոր է՝ հաշվի առնելով նոր իրականությունը և COVID-19-ի սահմանափակումները:

Ընկերության կողմից աջակցվող հեռավար աշխատանքի ձևաչափի շնորհիվ Հայաստանի ցանկացած քաղաքից մասնագետները հնարավորություն ունեն աշխատելու EPAM-ում։

Powered by staff.am.