Հայաստանում SEO ոլորտում առաջատար Loopex Digital ընկերությունը թիմի ու համայնքի զարգացման ծրագրերի մասին

1160

Երբևէ մտածե՞լ եք, թե ինչպիսին կարող է լինել որոնման  համակարգերի հետ աշխատող թիմերի առօրյան, հատկապես երբ թիմը ներգրավված է աշխարհի տարբեր երկրներից հաճախորդների նախագծերում։ «100,000 օրգանիկ քլիք, ռենքինգը բարձրացել է ….» ու այլ նման արտահայտություններ յուրաքանչյուր պահ կարելի է լսել այդ թիմերից և հատկապես Loopex Digital-ից, որն այս տարի միջազգային ռեյթինգային հարթակի՝ Clutch.co-ի կողմից ճանաչվեց Հայաստանի լավագույն SEO ընկերություն։ 

Եթե պատրաստ եք, գնանք բացահայտելու Loopex Digital-ն իր հիմնադրումից մինչ այսօր Loopex Digital-ի ողջ թիմի հետ մասին։

Հետևեք տեսանյութին և հոդվածին ստորև։


LOOPEX ԹԻՄԻ ՀԵՏԱՔՐՔԻՐ ԱՌՕՐՅԱՆ ՏԵՍԱՆՅՈՒԹՈՒՄ


ՈՐՏԵՂԻՑ ՍԿՍՎԵՑ LOOPEX-Ի ՀԱՋՈՂՈՒԹՅԱՆ ՊԱՏՄՈՒԹՅՈՒՆԸ

Loopex-ն ունի մի քանի տարվա պատմություն, որի թիմը շատ կարճ ժամանակում 5 հոգուց դարձավ 30 հոգի և այժմ էլ շարունակում է աճել։ Թե թիմի, թե հաճախորդների աճի մեջ իրենց ներդրումն ունի յուրաքանչյուր թիմակից, քանի որ բոլորով միասին են ստեղծել այս գործուն պրոցեսներն ու զարգացրել՝ այսպիսով հաճախորդներին տրամադրելով ոլորտի լավագույն ու որակյալ ծառայությունները։

Քանի որ մեր հիմնական ուղղվածությունը SEO-ն էր, մենք կարողացանք արագորեն պրոցեսները չափելի դարձնել, նոր հաճախորդներ ձեռք բերել ու էլ ավելի զարգացնել մեր գիտելիքներն այս ոլորտում։ Ինչպես ասում են՝ «թիմ ունենալը գործի կեսն է»։ Այժմ մենք ունենք լավ թիմակիցներ ու բոլորս միասին ամեն օր ներդրում ենք կատարում մեր ընկերության զարգացման մեջ»,- մեր այցի ընթացքում պատմեց Loopex ընկերության համահիմնադիր և SEO ղեկավար Մարիա Հարությունյանը։


SEO-Ն ՈՐՊԵՍ LOOPEX-Ի ԳԼԽԱՎՈՐ ՈՒՂՂՈՒԹՅՈՒՆ

Եթե դուք սիրում եք Link building-ի, տեխնիկական SEO-ի կամ կոնտենտի հետ աշխատանքը, ուրեմն, ինչպես ասում են,  Loopex-ը կարող է լինել Ձեր երազանքի գործատուն (dream employer-ը), որտեղից կարող եք սկսել ձեր կարիերան ու շարունակել աճել։ 

«Մեր հիմնական նպատակը մեր հաճախորդների էջերը, կայքերը Google-ի որոնողական համակարգի առաջին էջում ցույց տալն է։ Հիմնականում համագործակցում ենք միջին և խոշոր բիզնեսների հետ, որոնք ներկայացնում են SaaS, էլ. առևտրի (eCommerce) և այլ ուղղվածությամբ հարթակներ։ Մենք ունենք Link building-ի ու Digital PR-ի մեծ բաժին, կոնտենտի ու տեխնիկական SEO-ի բաժիններ։ Բոլորը շատ պրոֆեսիոնալ և հավես մասնագետներ են, որոնք ներդրում են ունենում մեր միջազգային հաճախորդների բիզնեսներում»,- հավելեց Մարիան։


IN LOOP ՄԻՋՈՑԱՌՈՒՄՆԵՐ ԿԱՄ ԻՆՉՊԵՍ Է LOOPEX-Ը ՆՊԱՍՏՈՒՄ SEO հԱՄԱՅՆՔԻ ԶԱՐԳԱՑՄԱՆԸ

Տեխնոլոգիական ոլորտի զարգացմանը զուգահեռ բիզնեսների համար շատ կարևոր  բաղադրիչ է նաև հմուտ SEO մասնագետի հետ աշխատանքը պրոդուկտի առաջխաղացումը գրագետ կազմակերպելու համար։ Եվ այս զարգացումների ֆոնին Հայաստանում SEO մասնագետների կամ կազմակերպությունների կտրուկ պահանջարկ է նկատվում։ 

Loopex Digital-ը՝ որպես ոլորտի առաջատար ընկերություն, կարևոր քայլեր է ձեռնարկել աշխատաշուկայում SEO համայնքի ձևավորման և զարգացման համար։


«Բացի այդ, SEO համայնքի ձևավորման և զարգացման համար սկսել ենք նաև In loop միջոցառումների շարքը, որոնց շրջանակում և օնլայն, և օֆլայն հանդիպումներ ենք կազմակերպում և հրավիրում ոլորտի կարկառուն ներկայացուցիչներին կիսվելու իրենց փորձով և հմտություններով։  Առաջիկայում նման հանդիպումներն ավելի հաճախակի կիրականացվեն», – համայնքում Loopex-ի ներդրման մասին մեզ հետ կիսվեց համահիմնադիր և ղեկավար Վահան Պողոսյանը։

Թիմի մասնագիտական աճի համար նաև Loopex-ում կարևորում են շաբաթական հանդիպումները, կլոր-սեղան քննարկումները, ինչպես նաև խրախուսվում է թիմակիցների իրենց փորձով կիսվելը In Loop միջոցառումների շրջանակում.

Այս ձևաչափով հանդիպումների ժամանակ քննարկում ենք SEO նորությունները և ցանկացած հարց կամ խնդիր, որոնց հանդիպել ենք աշխատանքում և միասին փորձում ենք լուծումներ գտնել, – իր թիմի հետ կատարած աշխատանքի մասին զրույցի ընթացքում պատմեց Մարիամը, ով On Site SEO Manager-ի պաշտոնն է զբաղեցնում Loopex-ում։ 


ՀԻԲՐԻԴԱՅԻՆ ՌԵԺԻՄԸ՝ ՈՐՊԵՍ ԱՐԴՅՈՒՆԱՎԵՏ ԱՇԽԱՏԱՆՔԱՅԻՆ ՄՈԴԵԼ

Համավարակը շատերիս աշխատանքային առօրյան փոխեց՝ ի սկզբանե աշխատելով տնից, այնուհետև որոշակի կարգավորումներից հետո անցում կատարեցինք գրասենյակային կամ հիբրիդային աշխատանքային ռեժիմին։  Loopex Digital-ում նույնպես մարդիկ ազատ են որոշելու, թե որ աշխատանքային ռեժիմն է առավել հարմար ու արդյունավետ՝ աշխատելով գրասենյակից, տնից կամ ցանկացած այլ վայրից։

Մենք առիթը բաց չթողեցինք այցելել Loopex-ի թիմակիցներին և զրուցել նրանց հետ հեռավար աշխատանքի առավելությունների մասին։

Ցողիկը, ով զբաղեցնում է Off Site SEO Manager-ի պաշտոնը և այդ պահին աշխատում էր սրճարանից, մեզ հետ կիսվեց հիբրիդային ռեժիմի գլխավոր առավելությամբ.

«Այս ռեժիմի շնորհիվ ընդհանուր աշխատանքային լարվածությունը բացակայում է կամ նվազագույնին է հասցվում, քանի որ հնարավորոթյուն է տրվում մեզ կառավարել մեր ժամանակը և աշխատել ցանկացած վայրից»։

Հիբրիդային ռեժիմը նաև բավականին լայն հնարավորություններ էր տրամադրել Տաթևին, ով կարողացել էր հեռավար տարբերակով ընդունվել որպես ինթերն Loopex-ում և իր մասնագիտական աճն ապահովել։ 

«Քանի որ ես Գյումրիից եմ, առանց հիբրիդային ռեժիմի չէի կարողանա միանալ Loopex-ին ու զարգացնել իմ գիտելիքները՝ որպես Link building-ի մասնագետ։ Loopex-ում ընդունվել եմ որպես ինթերն ու, անգամ հեռահար աշխատելով, այդ ողջ ընթացքում զգացել եմ թիմակիցներիս աջակցությունն՝ այսպիսով ձեռք բերելով գործնական գիտելիքներ, փորձ և ոչ միայն։ Loopex-ում մասնագիտական աճի համար կարևորագույն առաձնահատկություններից նաև այն էր, որ ինտեգրված եմ եղել տարբեր մասշտաբի նախագծերի մեջ ու մշտապես հասանելիություն եմ ունեցել ընկերության մասնագիտական ռեսուրսներին ու թրեյնինգներին»։


SEO ՄԱՍՆԱԳԻՏՈՒԹՅԱՆ ՄԱՍԻՆ ՀԱԿԱՍԱԿԱՆ ԿԱՐԾԻՔՆԵՐ ՈՒ LOOPEX-Ի ՊՐՈՖԵՍԻՈՆԱԼՆԵՐԻ ՀԱԿԱՓԱՍՏԱՐԿՆԵՐԸ

Կարծիք 1. SEO մասնագետ դառնալու համար ծրագրավորման խորը գիտելիքներ են անհրաժեշտ։

Հակափաստարկ Անիից՝ Off Site SEO Team Lead. Իրականում այդպես չէ. աշխատանքն այդքան էլ տեխնիկական բնույթի չէ ու ծրագրավորման գիտելիքների կարիք ամենևին չկա։ Կարևորը տեխնոլոգիական աշխարհը ձեզ հոգեհարազատ լինի 🙂

Կարծիք 2. SEO մասնագետը նաև պետք է կոնտենտ գրի։ 

Հակափաստարկ Մարիամից՝ On Site SEO Manager. SEO մասնագիտությունը շատ են շփոթում կոնտենտ գրելու հետ։ Իհարկե, կոնտենտը շատ կարևոր է SEO-ում, բայց SEO մասնագետը միայն օպտիմիզացնում է արդեն իսկ գրված կոնտենտը։ 

Կարծիք 3. SEO մասնագետ դառնալու համար շատ ժամանակ է պահանջվում։ 


Հակափաստարկ Ցողիկից՝ Off Site SEO Manager.  Loopex Digital-ում մենք ձևավորել ենք այնպիսի թրեյնինգ ծրագրեր, որոնք կրճատում են մասնագիտությանը ընտելանալու և մասնագիտանալու համար նախատեսված ժամանակը։


ԹԵԿՆԱԾՈՒՆԵՐԻ ԴԻՏԱՐԿՄԱՆ ՓՈՒԼԵՐՆ ՈՒ LOOPEX ԹԻՄԻՆ ՄԻԱՆԱԼՈՒ ՀՆԱՐԱՎՈՐՈՒԹՅՈՒՆՆԵՐԸ

Loopex թիմին միանալու համար չափանիշները նույնպես տարբերվում են, իհարկե, յուրաքանչյուր հաստիք ունի իր առանձնահատկությունները, սակայն կարևորագույններից են՝ վերլուծական և ստեղծարար մտածողությունը, տրամաբանությունը, ժամանակի կառավարման հմտությունները, պատասխանատավության բարձր զգացումը և, իհարկե, ընկերության արժեհամակարգի կիսումը։ 

«Եթե անմիջապես SEO մասնագետի հաստիքի համար ենք հավաքագրում իրականացնում, շատ կարևոր է, որ դիմորդը SEO-ի փորձ ունենա, մասնավորապես, միջազգային շուկայի հետ», – նշեց Աիդան՝ HR, Chief Business Development Officer` ոգևորությամբ նշելով նաև Loopex թիմին միանալու կարևորագույն 3 պատճառ`

  • Loopex-ում դուք միանում եք Հայաստանի լավագույն թիմերից մեկին և աշխատում ենք ջերմ ու ընկերական աշխատանքային մթնոլորտում,
  • Loopex-ում դուք ներգրավվում եք բազմազան նախագծերում,
  • Loopex-ում դուք անպայման գրանցում եք ձեր ցանկալի մասնագիտական աճը։ 


Եթե ամփոփենք 🙂

Loopex-ի թիմում տիրում է ընկերական ու «միջազգային» աշխատանքային մթնոլորտ։ Միջազգային, որովհետև նախագծերը իրականացվում են ամերիկյան միջին և խոշոր ընկերությունների համար, ու աշխատանքային առօրյան եռում է միթինգներով ու SEO քննարկումներով։ Եթե SEO մասնագետ եք կամ ցանկանում եք սկսել ձեր կարիերան SEO-ում, ապա Loopex-ն այն ընկերությունն է, որտեղից կարող եք սկսել ու շարունակել աճել։ Եվ ամենակարևորը, խորհուրդ ենք տալիս մշտապես հետևել Loopex-ի՝ SEO համայնքի զարգացմանն ուղղված միջոցառումներին, ոլորտում ձեր աճն անխուսափելի դարձնելու համար։

Powered by staff.am.