Evolution Studio-ի պաշտոնական բացումը Հայաստանում

1413

Այսօր Երևանում տեղի ունեցավ առցանց խաղերի ոլորտում ՏՏ լուծումներ առաջարկող առաջատար Evolution ընկերության ուղիղ հեռարձակման ստուդիայի պաշտոնական բացումը։ Ստուդիան սպասարկում կապահովի առցանց խաղերի օպերատորներին ամբողջ աշխարհում։ 

staff.am ներկայացուցիչները նույնպես մասնակցում էին բացման հանդիսավոր արարողությանը, որին ներկա էին Evolution Group-ի Գլխավոր գործադիր տնօրեն Մարտին Կարլեսունդը, Գործառնությունների տնօրեն Օլեսյա Իվանովան, ՀՀ էկոնոմիկայի նախարար Վահան Քերոբյանը, Հայաստանում Շվեդիայի դեսպան Պատրիկ Սվենսոնը, բիզնես ոլորտի մի շարք ներկայացուցիչներ, տեղական լրատվամիջոցներ և տեղական թիմի ներկայացուցիչներ։ 

«Մեր հիմնական նպատակն է ծրագրային ապահովում մշակել առցանց խաղերի համար և գործարկել հսկա հեռուստատեսային ստուդիաներ հիշեցնող մեր հեռարձակման ստուդիաները, որտեղ մեր աշխատակիցները տեսախցիկների առջև վարում են խաղը 24/7/365 ռեժիմով։ Երբ մեր ստուդիայի գործունեության ընդլայնման համար նոր վայր էինք փնտրում,  Երևանը գրավեց մեզ՝ ցանկալի աշխատուժի և քաղաքի զարգացման ծրագրերի մեծ ներուժով։ Մենք փնտրում էինք կայուն, թափանցիկ և կանխատեսելի բիզնես միջավայր մեր հաջորդ ստուդիայի գործարկման համար»,- նշեց Evolution ընկերության Գործառնությունների Տնօրեն Օլեսյա Իվանովան։

Մուտք գործելով հայկական շուկա՝ Evolution-ը հարյուրավոր աշխատատեղեր է ստեղծել տեղի երիտասարդների համար։ 

«Մինչ 2020թ-ին հայկական շուկա մուտք գործելը, մենք մանրակրկիտ ուսումնասիրություն ենք անցկացրել մեր շարունակական ընդլայնման համար ճիշտ վայր ընտրելու նպատակով։ Լինելով ոչ միայն տեխնոլոգիական, այլև՝ մարդկանց ընկերություն, մենք փնտրում էինք մի վայր, որտեղ կլինեն երիտասարդ, հավակնոտ, անգլիախոս մարդիկ՝ իրենց կարիերան միջազգային, բազմամշակութային միջավայրում սկսելու ցանկությամբ: Ներկայումս Երևանում ունենք ավելի քան 200 աշխատակից, և ակնկալում ենք շարունակական աճ առաջիկա տարիներին», հավելեց Evolution Armenia-ի Գործառնությունների մենեջեր Նադեժդա Աբոլան։

Evolution Armenia-ն 2006թ․-ին հիմնադրված և 2015թ-ից ի վեր Nasdaq Nordic հարթակում ընդգրկված միջազգային Evolution Group-ի մի մասն է։ Evolution-ն ամենախոշոր օպերատորներին առցանց խաղերի ոլորտում նորարար ծրագրային ապահովման լուծումներ առաջարկող առաջատար միջազգային ընկերություն է, որը գործում է աշխարհի ավեի քան 40 վայրերում և իր թիմում է հավաքել շուրջ 100 ազգությունների ավելի 16000 ներկայացուցիչների։ «Evolution»-ը մշակում է, ստեղծում, գովազդում ու լիցենզավորում ամբողջովին ինտեգրված B2B առցանց խաղային լուծումներ օպերատորների համար։


Evolution Armenia-ի մասին․ 

«Evolution Armenia»-ն առցանց խաղերի ոլորտի համաշխարհային առաջատար Evolution Խմբի անդամն է: 

Տեխնիկայի վերջին շնչով հագեցած ընկերության ստուդիան Երևանից ուղիղ եթերով հեռարձակվող բովանդակությամբ ապահովում է ընկերության միջազգային ցանցը, որն այնուհետև փոխանցվում է լիցենզավորված օպերատորներին ամբողջ աշխարհում: 

Հիմնադրման տարին. 

Evolution Armenia-ն Հայաստան մուտք գործեց 2020թ․-ին։ 

Աշխատակիցների քանակը. 

Ներկայումս Evolution Armenia-ն ունի ավելի քան 200 աշխատակից և ակնկալվում է, որ  աշխատակիցների քանակը զգալիորեն կաճի առաջիկա ամիսներին և տարիներին: 

Համաշխարհային ցանց. 

Evolution խումբը գործում է 40+ վայրերից, որտեղ աշխատում է ավելի քան 16 000 մարդ:  Ընկերությունը մատուցում է միայն B2B ծառայություններ։

Powered by staff.am.