Տակտիկական դեղատուփ, ի՞նչ ներառել – խորհուրդներ մասնագետից

1287

Խորհուրդները մեջբերված են «StaffLIVE Սարգիս Բազինյանի հետ․ Մինչբժշկական առաջին օգնություն» staff.am լայվ թողարկումից։ Ամբողջական թողարկմանը կարող եք ծանոթանալ այստեղ։

Ինչպես առաջին օգնությունն է տարբերվում սովորական պայմաններում և դաշտային պայմաններում, այնպես էլ տարբերվում են անհատական դեղատուփերը։ Ստորև տեսանյութում կարող եք ծանոթանալ, թե ինչպիսին պետք է լինի անհատական դեղատուփը։

Մենք արդեն ծանոթացանք դեղատուփերի տեսակներին, իսկ ի՞նչից պետք է բաղկացած լինի տակտիկական դեղատուփը։ Ահա և ներկայացնում ենք մի քանի խորհուրդ, որոնք կօգնեն հավաքել ամենաանհրաժեշտ պարագաները ձեր դեղատուփում։

1. Ամենաառաջինը կարևոր է ունենալ դեղացանկ, որտեղ նշված են այն դեղամիջոցներն ու պարագաները, որոնք առկա են տակտիկական դեղատուփում։

2. Ձեր սեփական անվտանգությունը ապահովելու համար անհրաժեշտ է ունենալ թե ստերիլ, թե բժշկական ձեռնոցներ։

3. Դեղատուփի հեշտ ու հասանելի հատվածում ունեցեք նաև արնահոսությունը կանխող միջոցներ (լարան)։ Բժշկական ձգվող լարանին կարող է փոխարինել նաև ռեզինե պարանը կամ տուրնիկետը։

4. Դեղատուփի մեջ ցանկալի է նաև տարբեր չափսերի ներարկիչների առկայությունը։

5. Ստերիլ լանցետը, բժշկական թել ու ասեղը (եթե տիրապետում եք բժշկական հմտությանը), ցավազրկողները (Анальгин с димедролом, Лидокаин, Адреналин և այլն), տարբեր չափսերի ալկոլուծույթով անձեռոցիկները նույնպես մինչբժշկական միջամտություն իրականացնելու համար մեծ կարևորություն ունեն։

6. Էլաստիկ բինտը, սովորական բինտը, բամբակը, սպիրտն ու հականեխիչ լուծույթները (Hexiloc), լեյկոպլաստը, տամպոնները պետք է լինեն ձեր դեղատուփի անբաժան մասը։

7. Եվ ամենավերջում, նշենք եռանկյունաձև վիրակապի, գլխի ամրացվող լապտերի, պակետների և այլ դեղահաբերի կարևորությունը։

Տեսանյութում կարող եք առավել մանրամասն ծանոթանալ տակտիկական դեղատուփ պատրաստելու մանրամասներին։

Առողջություն բոլորիս! #ՀԱՂԹԵԼՈՒԵՆՔ