ՀՈԿ․ 12 | StaffLIVE. Մեդիա դաշտում պատերազմելու կանոնները

42

Այս օրերին գրեթե բոլորս ենք սոց․ մեդիայում գերակտիվ․ մի կողմից մեր հետևորդների ու ընկերների հետ ենք կիսվում նորություններով, իսկ մյուս կողմից մարտ ենք վարում հանուն #ՀԱՂԹԱՆԱԿԻ, որի դաշտում են տարբեր երկրների առաջնորդներ, միջազգային կազմակերպություններ ու լրատվականներ, և, իհարկե, այլ երկրների քաղաքացիներ։

Իսկ արդյո՞ք հետևում ենք մեդիա անվտանգության բոլոր կանոններին ու մարտը վարում ճիշտ կերպով, արդյո՞ք կարողանում ենք մեր ձայնը լսելի դարձնել միջազգային հանրությանը, հետևել տեղեկատվության վստահելի աղբյուրներին ու ամուր հենարան լինել առաջնագծում կանգնած մեր հերոսների համար։ Ահա և անչափ կարևորելով այս հանգամանքը՝ ձեզ ենք ներկայացնում #StaffLIVE օնլայն նախագծի մեր հաջորդ հյուրին՝ #ASMA (Armenian Social Media Army) Հայկական սոց․ մեդիա բանակի առաջամարտիկ, Startup Armenia և Ռենեսանս հիմնադրամների թիմի անդամ Տիգրան Պետրոսյանին, ով կկիսվի մեզ հետ մեդիա դաշտում պատերազմելու արժեքավոր կանոններով։

StaffLIVE թողարկումը կվարի staff.am և HireBee համահիմնադիր Լուիզա Ավետիսյանը։

Քննարկելու ենք հետևյալ թեմաները՝

  • Ինչպես առավել էֆեկտիվ դարձնել մեդիա պատերազմը․ հնարքներ մասնագետից,
  • Սոցիալական էջեր․ ինչպես երաշխավորել անվտանգությունը,
  • Տեղեկատվության տարափ․ վստահելի և ոչ վստահելի աղբյուրներ։

Ովքե՞ր կարող են մասնակցել
StaffLIVE-ն օնլայն հանդիպում է բոլոր նրանց համար, ովքեր ցանկանում են համառ պայքար մղել մեդիա դաշտում, երաշխավորել սեփական մեդիա անվտանգությունը և հաղթական ելք ապահովել նաև տեղեկատվական պատերազմում։

Ինչպե՞ս մասնակցել
StaffLIVE հանդիպումը տեղի կունենա Facebook հարթակի միջոցով երկու փուլով՝ հիմնական քննարկում (մինչև 30 րոպե) և հարց ու պատասխան լսարանի հետ։ Պարզապես հաստատեք ձեր մասնակցությունը՝ փոխելով կարգավիճակը Facebook-ում (Going) և միացեք LIVE-ին։

Օրը՝ Երկուշաբթի, Հոկտեմբերի 12,
Ժամը՝ 18։00,
Հյուր՝ Տիգրան Պետրոսյան,
Թեմա՝ «StaffLIVE. Մեդիա դաշտում պատերազմելու կանոնները»: