«Flux-ի թիմը սեր է», «Flux-ում մարդկանց հանգիստ է, մի տեսակ կոմֆորտ է», այսպիսին է Flux-ն ու իր թիմը, որը որպես ՏՏ ընկերություն մշակում ու զարգացնում է թե՛ իր սեփական պրոդուկտը, և թե՛ ստեղծում ծրագրային լուծումներ տարբեր երկրների գործընկերների համար։

«Տարիների ընթացքում հասունացավ այնպիսի բիզնես ստեղծելու գաղափարը, որը հնարավորություն կտար տաղանդներին համախմբվել, ինքնառեալիզացվել ու մի խենթ միջավայր ստեղծել։ Եվ այժմ հպարտ ու ուրախ ենք, որ ունենք Flux-ը Հայաստանում, որը  նոր գիտելիքների, նոր գաղափարների և մշակույթի ռեալիզացման հարթակ է»,- նշեց Flux CEO Գոռ Վարդանյանը։

Այսպիսով, staff.am-ի այսօրվա այցը Flux ընկերություն է, մի քիչ խենթ, շատ լուսավոր, գույներով ու ժպիտներով լի։ Գնացի՞նք․


ՀԱՂԹՈՂ-ՀԱՂԹՈՂ ՀԱՐԱԲԵՐՈՒԹՅՈՒՆՆԵՐ FLUX-ՈՒՄ

Flux-ում առողջ, էներգետիկ և համագործակցող միջավայր է ձևավորվել՝ ինչպես թիմի ներսում, այնպես էլ մենեջմենթի հետ փոխհարաբերություններում։ Թիմային խորհրդակցությունները, միթինգները առօրյայի մասն են կազմում, որ ոնց ընթացքում փոխանակվում են մտքեր, գաղափարներ, անելիքներ։ Այսինքն, չկան որոշումներ, որոնք ընդունվեն միաձայն ու առանց թիմի կարծիքը հաշվի առնելու, անհատական աշխատանքն էլ մասն է կազմում մեծ ու հսկայական թիմային աշխատանքի, որն էլ Flux-ի հաջողության հիմքերից է 🙂 Այլ կերպ ասած, Flux-ում չեն առաջնորդվում պաշտոնի անվանումներով, այլ բոլորը մաս են կազմում մեկ մեխանիզմի ու ստեղծում մի ճկուն՝ Ֆլաքս համակարգ, որտեղ կարող են սխալվել, սխալից սովորել, այնուհետև ավելի լավ արդյունք ստանալ։

«Այս ամենի միջոցով մենք ապահովում ենք հաղթող-հաղթող (win- win) հարաբերություններ, որտեղ շահող ենք բոլորս», – Սոնա, Production Manager Flux-ում։


FLUX ԱՆՎԱՆՄԱՆ ԽՈՐՀՈՒՐԴՆ ՈՒ ԷՆԵՐԳԵՏԻԿԱՆ

Որտեղի՞ց է սկիզբ առնում Flux-ի լույսն ու էներգետիկան։ Միգուցե անունի՞ց, մարդկանցից, միջավայրից։ Կարելի է ասել ամբողջից․  Flux-ն իր անվանմանը համահունչ էներգետիկ միջավայրում համախմբել է մարդկանց, ովքեր ճկուն են, ունակ են փոփոխություններին արագ ադապտացվել և խենթ են 🙂 Կպատկերացնե՞ք, անգամ լսեցինք, որ Flux-ին «նարնջագույն երջանկություն» են անվանում, իսկ թե ինչ առեղծված կա թաքնված այդ գաղափարի ետևում, կպատմի Flux HR Manager Անին․

«Այնքան հետաքրքիր, տաղանդավոր, գունավոր մարդկանց փունջ է, որ երբեմն ինքդ ես զարմանում, թե ինչպես ենք այսքան տարբեր, բայց միևնույն ժամանակ նարնջագույն թելիկով իրար հետ կապված»։

Ավելին ասենք, Flux-ում ընդլայնում են թիմը և սպասում են պայծառ ու լուսավոր մարդկանց էլ ավելի մեծ էներգիա ստանալու համար։ Պատրա՞ստ եք, ուրեմն միացեք թիմին, հա ու հիշեք Flux-ին միանալու համար պետք է լինել նաև  պատասխանատու, որակյալ գիտելիքներով և թիմային։

Իսկ մնացածն իրենք այնպես կանեն, որ դուք ձեզ լավ զգաք և հոգով ու սրտով նվիրվեք ձեր աշխատանքին։


ԸՆԿԵՐՈՒԹՅԱՆ ԶԱՐԳԱՑՈՒՄՆ ՈՒ ԹԻՄԻ ԱՃՆ ԱՆԽՈՒՍԱՓԵԼԻ ԵՆ

Flux-ում գիտեն, որ ընկերության զարգացումն ու յուրաքանչյուր մասնագետի գիտելիքների աճը փոխկապակցված են։ Այստեղ բոլորն են լիազորված ու «զինված» ինքնազարգանալու, մասնագիտական աճ ունենալու ու մաքսիմալ արդյունավետություն դրսևորելու համար։ Տարբեր տեխնոլոգիական framework-երով աշխատանքն էլ իր հերթին նպաստում է տեխնիկական թիմի առավել զարգացմանը։

Այս ամենի շնորհիվ էլ, Flux-ը շարունակ աճում է և միշտ գոհացնում իր գործընկերներին՝ տրամադրելով տեխնոլոգիական խելացի լուծումներ ցանկացած խնդրի դեպքում։ Օրինակ, ունեն գործընկեր, ում հետ համագործակցության ժամկետները համընկնում են Flux-ի գործունեության ժամկետների հետ։


FLUX-Ի ԱՊԱԳԱ ԾՐԱԳՐԵՐԸ ՇԱՏ ԵՆ

Իսկ դուք լսե՞լ եք Flux-ի ստարթափի՝ Editmentor-ի մասին, որի նպատակն է սովորեցնել վիդեո սթորիթելինգը ինտերակտիվ ու կրեատիվ միջավայրում։ Շտապենք նշել, որ արդեն մի քանի հազար ուսանողի կյանք փոխել են այս նոր պրոդուկտի միջոցով։ Առաջիկայում էլ նախատեսվում են նոր հնարավորություններ։ Դուք էլ անպայման ծանոթացեք և փորձեք։

Ողջունելի է, որ Flux-ում նորարար մտքերով են գծվում ապագա անելիքները։ Այժմ էլ ընկերությունում նախատեսում են չսահմանափակել իրենց տաղանդների ներգրավման հարցում և թիմին միացնել այլ երկրներից տաղանդների, ովքեր իրենց հերթին կբերեն նոր աշխարհայացք, նոր մշակույթ ու նոր գիտելիքներ։ Գաղափարի փուլում են արդեն գտնվում նաև նոր ստարտափներն ու ծրագրերը։


Այսպիսով, ծրագրերը շատ են, բայց իրագործելի, որովհետև ինչպես մեկ ընտանիք մեկ հարկի տակ են համախմբվել տեխնոլոգիական բոլոր խմբերում իրենց լավագույնը դրսևորող, ինքնազարգացմանը մեծ ուշադրություն դարձնող, միմյանց ժպիտ ու «նարնջագույն էներգիա» փոխանցող թիմակիցներ։ Երբ այս ամենին էլ ավելանում է հարմարավետ գրասենյակն ու կոմֆորտ միջավայրը, բացի առաջ գնալուց այլ ուղղությամբ չեն կարող շարժվել 🙂