Hermitage Projects-ում յուրաքանչյուր աշխատակից կարող է իրեն զգալ Փարիզում, Իտալիայում․․․

296

Ինչպիսի՞ն է աշխատանքը Hermitage Projects-ում՝ Հայաստանում բացառիկ օծանելիքի և կոսմետիկայի խանութ-սրահում 😊։ Կարծում ենք՝ արդեն կարոտել եք մեր բացահայտումներին ու այցերին, ուրեմն գնացինք հարցի պատասխանը ստանալու ակնկալիքով։

Նախ նշենք, որ staff.am այցը Hermitage Projects բավականին հագեցած էր, հետաքրքիր շրջագայություն ունեցանք,  այցելեցինք աշխատանքային գրասենյակ, Hermitage խանութ սրահ, իսկ այնուհետև Հյուսիսային պողոտայում գտնվող Style by Hermitage խանութ սրահ։ Զարմանալի էր, բայց փաստ․ բոլոր աշխատավայրերում զգացվում էր յուրաքանչյուրի անհատականության դրսևորումն ու ձուլումը ընդհանուր կորպորատիվ մշակույթին, յուրաքանչյուրն իր անհատական գույնն էր հաղորդում այդ թիմին։ Եվ գործունեության այս 17 տարիների պատմությունը խոսում է միասնականության, աշխատասիրության ու միշտ նորովի ներկայանալու մոտիվների մասին։


staff.am այցը Hermitage Projects. պատմում են աշխատակիցները

«Hermitage Projects-ը 17 տարի է, ինչ շուկայում է և շարունակում է զարգանալ։ Ի սկզբանե սկսել ենք համագործակցել մի քանի բրենդների հետ, սակայն ես հիմա կուզենայի նշել Հայաստանում ամենասիրված և սպասված Քյուրքչյան բրենդը, Ամուաժ բրենդը, Նազոմատո բրենդը և մի քանի շարք այլ բրենդներ, Բայ Կիլյան, որոնք և հիմա ներկայացված են Hermitage սրահներում: Այս տարի էլ սպասվում են մի քանի նորույթներ, սակայն մենք միշտ սիրում ենք թիմով զարմացնել մեր հաճախորդներին», – մեզ հետ զրույցում նշեց Բրենդ մենեջերի բաժնի ղեկավար Մարինա Խդրյանը։
«Hermitage ընկերությունն իր բացառիկ կոնցեպտից և աշխարհահռչակ բրենդների գլուխգործոցներ ներկայացնելուց բացի նաև ներկայանում է իր գրագետ սպասարկումով և ահռելի թիմային աշխատանքով, որը շատ կարևոր է այսօրվա մեր կյանքում», – հավելեց Շուշաննան, ով զբաղեցնում է HR մենեջերի պաշտոնը։

ԹԻՄԱՅԻՆ ԳԼՈՒԽԳՈՐԾՈՑՆԵՐ ԱՄԲՈՂՋ ԱՇԽԱՐՀՈՒՄ


Եվ որպեսզի պատկերացնենք, թե ինչքան նվիրված ու սիրով են փոխհամագործակցում թիմերը Hermitage Projects-ում, կարող ենք պարզապես լսել, թե ինչ են խոսում միջազգային հարթակներում ընկերության կողմից կազմակերպված մեծամասշտաբ միջոցառումների մասին։

«Hermitage Projects-ում տարվա կտրվածքով մենք ունենում ենք բազմաթիվ միջոցառումներ և այդ միջոցառումների վրա աշխատում է մեր ստեղծագործ թիմը։ Մենք շատ ազատ ենք, բաց ենք, ամեն անգամ մենք պրոյեկտում ենք օծանելիքը տարբեր միջոցներով։ Ունենք միջոցառումներ, որոնք պերֆորմանսներ են իրենցից ներկայացնում, այսինքն` օծանելիքի գաղափարը, բնավորությունը, խարիզման մենք պրոյեկտում ենք տարբեր երևույթների վրա, լինի դա երաժշտություն, հյուրասիրություն նաև թատերական ինչ-որ հետաքրքիր ներկայացումներ ենք կազմակերպում, նաև օգտագործում ենք արդի տեխնոլոգիաները։ Մեր թիմի կողմից իրագործված միջոցառումներից կառանձնացնեմ երկուսը։ Առաջինը՝ 2016 թվականին մեր կողմից իրագործված միջոցառումն էր, որը վերաբերում էր Ֆրանսիս Քյուրքչյանի կողմից ստեղծված «Baccarat» բույրին։ Հատկանշականն այն է, որ այդ բույրը հիմա համարվում է աշխարհում բեսթսելլեր, բայց առաջին շնորհանդեսն ու վաճառքը եղել է հենց Երևանում 2016թ.-ին, և բացումն արել է հենց ինքը՝ Ֆրանսիս Քյուրքչյանը։ Այդ օրը մենք ունեինք 500 հյուր և մեր թիմը կարողացավ հիասքանչ կազմակերպել այդ շնորհանդեսը», – պատմեց Մարքեթինգի տնօրեն Լիանա Մարկոսյանը։

Երկրորդ միջոցառումը նույնքան հիասքանչ էր, որքան առաջինը։

«Թիմով հավաքվել էինք, զրուցում էինք՝ ինչպես կարելի է շնորհանդես կազմակերպել մեր շատ սիրելի բրենդի`Ex Nihilo Cuir Celeste բույրի մասին։ Եվ որոշեցինք, որ պետք է ստեղծենք այնպիսի միջոցառում, որը զարմացնող և տպավորիչ լինի մեր՝ Ֆրանսիայից եկած հյուրերի համար։ Մենք շատ հիասքանչ միջոցառում ունեցանք 2018թ․-ին, մոտ 200 հյուր ունեինք և այդ միջոցառումը տեղ գտավ մեր բրենդի տարեկան հաշվետվությունների մեջ՝ ցուցադրվելով որպես լավ աշխատանք բոլոր երկրներում։ Այսպիսով, մենք փորձի փոխանակում ունեցանք և տարածեցինք մեր աշխատանքն աշխարհով մեկ»։

ՄԵՆՔ ԿԻՍՈՒՄ ԵՆՔ ՄԵՐ ՓՈՐՁԸ

Այո, եթե կիսում ես գիտելիքդ ու փորձդ թիմակցիդ հետ, դա ստեղծում է ուրախ ու պրոդուկտիվ աշխատանքային միջավայր։ Ի՞նչ կասեքՀայաստանում և Հայաստանից դուրս՝ Եվրոպա, Ամերիկա, Ռուսաստան նաև Արևելքի երկրների գործընկերների հետ հաղորդակցության և փորձի փոխանակման մասին, կամ օրինակ՝ որպես խորհրդատու աշխատանքի ընդունվելուց հետո մասնագիտական աճ ունենալ մինչև սրահի մենեջեր։ Կատարյալ է չէ՞ հնչում, բայց կարևորը՝ իրական Hermitage Projects-ում։

«Որպես մարդկային ռեսուրսների կառավարիչ՝ հարկ եմ համարում նշել, որ այս 17 տարիների ընթացքում Hermitage Projects-ը լայն հնարավորություն է ընձեռում ուսանողներին, փորձնակներին իրենց հմտությունները, կարողությունները ցույց տալու մեր ընկերությունում և հետագայում ինչու ոչ՝ դառնալ մասնագետ»,- նշեց Շուշաննան։

Այս առումով շատ հետաքրքիր էր լսել Խանութ սրահի մենեջեր Նանորի պատմությունը, ով 2012թ․-ին Սիրիայի պատերազմի պատճառով գաղթել էր Հայաստան։

«Հայաստան վերադառնալուց հետո մեզ համար առաջնային էր աշխատանք գտնելը։ Այդ իսկ պատճառով հայտնվեցինք Սփյուռքի նախարարությունում, որտեղից  իմացա Hermitage խանութի մասին։ Սկսվեց իմ աշխատանքային կարիերան, անմիջապես անցա աշխատանքի, ընդունվեցի որպես խորհրդատու, ապա որպես սրահի պատասխանատու և այժմ՝ որպես մենեջեր։ Այս ամբողջ ընթացքում մասնակցել եմ հետաքրքիր գործընթացների, վերապատրաստման կուրսերի, գործուղումների, որոնք ինձ դարձրել են ավելի ինքնավստահ և հմուտ իմ աշխատանքի մեջ»:

ԻՆՉՈ՞Ւ HERMITAGE PROJECTS

Իսկ վերջում բոլորով միասին ամփոփեցինք այն «secret aroma»-ները (գաղտնի բույրերը), թե ինչո՞ւ Hermitage Projects:

«․․․մենք միշտ ինովացիոն ենք, միշտ ակտիվ ենք, մեր մոտ միշտ գործը եռում է և կարելի է ասել՝ մենք միավորում ենք տարբեր երկրների մշակույթները»։

«…այստեղ յուրաքանչյուր աշխատակից կարող է իրեն զգալ, օրինակ՝ Փարիզում, Իտալիայում կամ այլ երկրներում, ավելի մոտ ծանոթանալով յուրաքանչյուր երկրի մշակույթի հետ»։ 

«․․․որովհետև բացառիկ է ամեն ինչում, սկսած գույներից վերջացրած անհատական մոտեցումից»։

«…Hermitage-ը կարելի է ասել տարածաշրջանի լավագույններից է, եթե չասեմ լավագույնը»:

«․․․եթե սիրում եք աշխատել մոդայիկ աշխարհում, սիրում եք զգեստների հետ աշխատել, կոշիկների, պայուսակների և կարողանում եք գտնել ճիշտ համադրություն ոճերի մեջ, ապա միանշանակ Style by Hermitage»։


Եվ գլխավոր գաղտնիքը հետևյալն էր․ անկախ նրանից էքստրովերտ ես, թե ինտրովերտ, սկսնակ մասնագետ, թե արդեն փորձառու, միևնույն է այստեղ բոլորը մեկ թիմ են՝ պատրաստ օգնելու, աջակցելու, աճելու ու զարգանալու, և, իհարկե, զարմացնելու հաճախորդներին և գործընկերներին 😊 Դե ինչ, պատրա՞ստ ես քո կարիերայի շրջագայությանը Hermitage Projects-ում։