Կայացավ «Հավաքագրման ավտոմատացումը՝ որպես մրցակցային առավելություն» թեմայով staff.am Վեբինարը

681

Փետրվարի 16-ին HR մասնագետների և ոլորտով հետաքրքրված այլ մասնագետների ակտիվ մասնակցությամբ կայացավ staff.am-ի կողմից կազմակերպած վեբինար-քննարկումը։ Թեման շատ ակտուալ էր և վերաբերում էր այն բոլոր մրցակցային առավելություններին, որոնցից կարող են օգտվել ընկերությունները մարդկային ռեսուրսների հավաքագրումն ավտոմատացնելու շնորհիվ։

Վեբինարի գլխավոր խոսնակներն էին staff.am և HireBee համահիմնադիր Լուիզա Ավետիսյանը և Head of Customer Success Շուշանիկ Ղազարյանը։ Մասնավորապես, վեբինարի ընթացքում քննարկվեցին HR-ի նոր օպերացիոն մոդելները, հավաքագրման տեխնոլոգիաների էվոլյուցիան, ինչպես նաև մանրամասն ներկայացվեց 4 HR թրենդներ և թե ինչպես կարելի է իրագործել այս նոր մոտեցումները գործնականում HireBee հավաքագրման ամբողջական լուծման միջոցով։

HR ԹՐԵՆԴ 1. Հիբրիդ թիմերն ու վիրտուալ հավաքագրումը շատ մեծ կիրառություն ունեն։ Ըստ Գարթների հարցման, հավաքագրման մասնագետների 81%-ը համաձայն են, որ վիրտուալ հավաքագրումը կշարունակվի նույնիսկ կովիդից հետո։ Իսկ 70%-ը համաձայն են, որ վիրտուալ հավաքագրումը կդառնա նոր ստանդարտ։

ԻՆՉՊԵՍ ԱՐԴՅՈՒՆԱՎԵՏ ԿԱԶՄԱԿԵՐՊԵԼ ՎԻՐՏՈՒԱԼ ՀԱՎԱՔԱԳՐՈՒՄԸ․ HireBee-ն հնարավորություն է տալիս ինտեգրել Ձեր Zoom, Outlook հաշիվները և թեկնածուների հետ բոլոր վիրտուալ հանդիպումները համակարգել մեկ հարթակից։

HR ԹՐԵՆԴ 2. Կովիդի արդյունքում հավաքագրման գործընթացն ավելի բարդ է դարձել, իսկ թվային տրանսֆորմացիայի արդյունքում թեկնածուներն առավել ուշադիր են գործատուի հետ իրենց շփման կամ Candidate Experience-ի հանդեպ: Փաստացի, կովիդից հետո, թեկնածուները 38%-ով ավելի հակված են թողնել կարծիք ընկերությունում իրենց Candidate Experience-ի մասին, քան նախկինում։

ԻՆՉՊԵՍ ԲԱՐԵԼԱՎԵԼ CANDIDATE EXPERIENCE-Ը․ HireBee-ի միջոցով հնարավոր է փոփոխել մեկ և ավելի թեկնածուների կարգավիճակները միաժամանակ, տեղեկացնել թեկնածուներին Ձեր որոշման մասին, ինչպես նաև ուղարկել անհատականացված նամակներ թեկնածուներին։

HR ԹՐԵՆԴ 3. Գործառնական արդյունավետությունն ավելի մեծ կարևորություն է ձեռք բերում, որի ապահովման համար հավաքագրման մասնագետի դերը շատ ավելի մեծ է 2020թ․ հետո։ Գործառնական արդյունավետությունը ենթադրում է անձնակազմի շարունակական զարգացում, թիմում բազմազանության ապահովում, տաղանդների ռեզերվի ստեղծում, որոշումների արդյունավետ կայացում և HR ռազմավարության մշակում։ Եվ այս բոլոր գործընթացները պետք է ուղղորդվեն HR մասնագետների կողմից։

ԻՆՉՊԵՍ ԱՊԱՀՈՎԵԼ ԳՈՐԾԱՌՆԱԿԱՆ ԱՐԴՅՈՒՆԱՎԵՏՈՒԹՅՈՒՆ․  HireBee-ի շնորհիվ HR մասնագետը կարող է ամբողջական տեղեկատվությունն ունենալ մեկ վայրում և ռեքրութմենթի գործընթացը կազմակերպել ավտոմատ կերպով՝ այսպիսով խնայելով բավականին ժամանակ։ Օրինակ, խմբերի ստեղծման, հեշթեգերով ներքին բազայում որոնման հնարավորությունները HireBee ավտոմատացման գործիքներից մի քանիսն են։

HR ԹՐԵՆԴ 4. Տվյալների հիման վրա որոշումների կայացումը հաջորդ HR թրենդն է։ Օրինակ, մետրիկաներն, ինչպիսիք են՝ մեկ մասնագետին աշխատանքի վերցնելու արժեքը, թափուր պաշտոնը լրացնելու ժամանակը, որտեղից է թեկնածուն ընտրվել, տվյալ պաշտոնի հոսունությունը և այլն, շատ կարևոր են տեղեկացված որոշումներ կայացնելու և աշխատանքը ճիշտ կազմակերպելու համար։

ԻՆՉՊԵՍ ԿԱՅԱՑՆԵԼ ՏԵՂԵԿԱՑՎԱԾ ՈՐՈՇՈՒՄՆԵՐ․ HireBee-ն տրամադրում է Ընդլայնված վերլուծություն, որտեղ այս բոլոր մետրիկաները հնարավոր է տեսնել, ֆիլտրել ըստ ժամկետների և տվյալահեն որոշումներ կայացնել։

staff.am Վեբինար․ Հավաքագրման ավտոմատացումը՝ որպես մրցակցային առավելություն

Staff.am վեբինարները շարունակական են, շուտով կկիսվենք առաջիկայում կայանալիք վեբինարի մանրամասներով։ Հետևեք մեզ, նորությունները բաց չթողնելու համար։