Ինչպես փոքր բիզնեսում առանց HR թիմի հաջողությամբ հավաքագրել մասնագետներ

Եթե հաշվի առնենք երկարաժամկետ հեռանկարը HR թիմը շատ կարևոր դերակատարում ունի այն փոքր բիզնեսների համար, որոնք աճելու ու զարգանալու մեծ ամբիցիաներ ունեն։ Բայց շատ հավանական է, որ փոքր բիզնեսները HR բաժիններ չունենան ավելի քիչ աշխատակիցներ ու սահմանափակ ռեսուրսներ ունենալու պատճառով։ Չնայած, HR թիմ չունենալը դեռևս չի նշանակում, որ չեք կարող ճիշտ մասնագետներ հավաքագրել։ Ահա ձեզ ենք ներկայացնում մի շարք խորհուրդներ, թե ինչպես հաջողակ ռեքրութմենթ իրականացնել առանց HR թիմի։ 

Միանշանակ, համամիտ ենք․ ճիշտ մասնագետների ընտրությունն ամենակարևորն է, երբ ընկերությունը գտնվում է աճի ամենավաղ փուլում, քանի որ ժամանակի և գումարի վատնումն անհաջող հավաքագրման պատճառով կարող է իսկապես կասեցնել բիզնեսի աճն ու ընկերությունը մի քանի քայլ հետ տեղափոխել։ Հետևաբար, ինչպե՞ս կարելի է խուսափել նման սցենարից։ Հավատացած ենք, որ այս հարցի պատասխանը միմիայն ռեքրութմենթի ավտոմատացումն է ու թիմի արդյունավետ համագործակցությունը։ 

ԻՆՉՊԵ՞Ս ԿՕԳՆԻ ՌԵՔՐՈՒԹՄԵՆԹԻ ԱՎՏՈՄԱՏԱՑՈՒՄԸ

Ըստ վիճակագրության, ԱՄՆ-ում փոքր բիզնեսների 70%-ում HR գործընթացներն իրականացվում են չորակավորված մասնագետների կողմից։ Այսինքն, սովորաբար մասնագետների հավաքագրմամբ զբաղվում են ընկերության աշխատակիցներն իրենց հիմնական պարտականություններին զուգահեռ։ Եթե մոտավորապես հաշվարկենք, ապա շաբաթական առավելագույնը 13ժ այս աշխատակիցները կտրվում են իրենց հիմնական աշխատանքից ու կատարում HR-ի գործառույթներ։ Հիմնականում այս գործառույթն իրականացվում է բիզնեսի սեփականատերերի կամ ադմինիստրատիվ անձնակազմի կողմից։

Կարծում ենք՝ համաձայն կլինեք, չկա ավելի վատ բան, քան քիչ ժամանակ հատկացնելը քո սեփական պարտականություններին կողմնակի առաջադրանքների պատճառով։ Չափազա՜նց շատ ժամանակ հատկացնել կողմնակի պարտականություններին 🙂 ։ Փոքր բիզնեսները սովորաբար HR մասնագետ են աշխատանքի ընդունում միայն այն դեպքում, երբ հասկանում են, որ այլևս չեն կարող գլուխ հանել HR գործառույթներից չորակավորված մասնագետների օգնությամբ։ Ուրեմն այսպես, արհեստական բանականությունը և ավտոմատացումը կարող են կազմակերպել ռեքրութմենթի ողջ գործընթացը՝ ազատելով ձեր ժամանակը կողմնակի պարտականություններից։  Աշխատանքները, ինչպիսիք են թեկնածուների հետ հաղորդակցությունը, թեկնածուների սքրինինգը, ռեփորթինգը և վերլուծությունը, ֆիլտրումը/որոնումը և թեկնածուների խմբավորումն ու արխիվացումը կարող են հեշտությամբ իրականացվել HireBee-ի օգնությամբ։

ԻՆՉՊԵ՞Ս ԿՕԳՆԻ ԹԻՄԻ ՀԵՏ ՀԱՄԱԳՈՐԾԱԿՑՈՒԹՅՈՒՆԸ

Ինչևիցե, հավաքագրման գործընթացի պարզեցումը և կրճատումը դեռևս չի նշանակում ճիշտ մասնագետների հավաքագրում։ HR թիմի բացակայությունը կարող է հանգեցնել կողմնակալ որոշումների կայացմանը և ընկերության մշակույթին ոչ համապատասխան մասնագետների ընտրությանը։ 

Մինչդեռ, եթե թեկնածուի համար կարծիք հարցնեք ձեր մյուս թիմակիցներից՝ կնվազեցնեք ոչ օբյեկտիվ որոշման հավանականությունը և, այսպիսով` այս պատասխանատու որոշումը չի կայացվի միանձնյա։

Եվս մի քանի գործիքներ, որոնք HireBee-ն կդարձնեն ձեր ամենասիրելի օգնականը․ թեկնածուներին ֆիդբեքներ թողնելու, թեկնածուների բազային հասանելիություն ունենալու, համակարգում թիմի հետ անմիջապես հաղորդակցվելու և յուրաքանչյուր թիմակցին անհրաժեշտ հասանելիության տրամադրումը ավելի պարզ ու հարմար կդարձնեն ձեր աշխատանքային ընթացքը։

Եթե ամփոփենք, փոքր բիզնեսները, որոնք չունեն HR թիմ, պետք է սկսեն օգտագործել տեխնոլոգիական լուծումներ՝ մյուս թիմակիցներին ազատելով կողմնակի պարտականություններից և խուսափելով կողմնակալ որոշումների սցենարից։ Եվ HireBee-ն հենց այն լուծումն է, որն անհրաժեշտ է ձեր բիզնեսին բոլոր հարցերում հաղթանակի դրոշը պարզելու համար 🙂