Ինչպես մեզ հաջողվեց ընդամենը երկու ամսում կրկնակի անգամ մեծացնել մեր թիմը և կատարել դա նվազագույն ժամանակային կորուստներով

1631

2021թ.-ի հունվարի 20-ից մինչ այսօր մեր թիմը համալրել ենք 14 նոր մասնագետով տարբեր երկրներում։ Այս պահին էլ ունենք մի քանի թափուր աշխատատեղեր,որոնք համալրման ընթացքի մեջ են։ 

Հավաքագրման մասնագետները կամ դրանով երբևէ զբաղված մարդիկ կհաստատեն, որ 14 նոր մասնագետ ընտրելու համար, որոնք, ի դեպ, տարբեր պաշտոնների համար են, պետք է դիտարկել 10-100 ռեզյումե ամեն հաստիքի համար։ Հաշվարկները թողնում եմ ձեզ, սակայն առաջին հայացքից էլ պարզ է, թե ինչքան մեծ աշխատանք է տարվել, նամանավանդ, հաշվի առնելով, որ մենք դեռ չունենք HR/Ռեքրութեր, ով այդ ամենով կզբաղվի։ Հավաքագրմամբ մեծամասամբ ես եմ զբաղվել (ստարթափ-հիմնադրի բազմաթիվ այլ պարտականությունների հետ զուգահեռ)` իհարկե արդյունավետորեն ներգրավելով այն կոլեգաներիս, ում թիմերում կատարվում էր հավաքագրումը։ 

Հավաքագրման առաջին ալիքի ավարտից հետո, որոշեցի կիսվել իմ փորձով և այն դասերով, որոնք քաղել եմ այս երկու ամիսների ընթացքում։ Հուսամ՝ խորհուրդներս կօգնեն ձեզ, հատկապես, եթե դուք էլ ինձ նման ներկայացնում եք փոքր կամ միջին ընկերություն։


Խորհուրդ համար առաջին և ամենակարևոր՝ հրաժարվեք ձեր էլ. փոստին ռեզյումե հավաքագրելու պրակտիկայից և անցեք օնլայն դիմումներին, ինչը հնարավորություն կտա ձեզ և հավաքագրման գործընթացին մասնակցող այլ թիմակիցներին ունենալ բոլոր դիմումները մեկ վայրում։

Մենք օգտագործում ենք HireBee.ai հավաքագրման կառավարման համակարգը, որի օգնությամբ ամբողջությամբ հրաժարվել ենք էլ. փոստի միջոցով դիմումների ընդունումից։ Եթե այս պահին չեք օգտվում այլ համակարգից և այդ ուղղությամբ պատրաստ չեք ներդրում անել, ապա կարող եք օգտվել staff.am-ի օնլայն դիմումների կառավարման համակարգից, որն աշխատանքի հայտարարությունների հետ միասին տրվում է անվճար։

Խորհուրդ համար երկու –  Hiring Manager-ների (ստորաբաժանման ղեկավար, ում թիմում կատարվում է հավաքագրումը) ակտիվ ներգրավվածությունը շատ կարևոր է հավաքագրման գործընթացում։ Աշխատանքի հայտարարության ստեղծմանը և հրապարակմանն անմիջապես հաջորդում է թեկնածուների հոսքը, որը մեր պարագայում նախ դիտարկում է այն թիմի ղեկավարը, ում մոտ առկա է թափուր հաստիքը։

Գիտեմ՝ կասեք, որ մեր թիմի ղեկավարները շատ զբաղված են և չեն կարող դիտարկել այդքան դիմում, իսկ ես կասեմ, որ եթե թիմն օգտագործում է հավաքագրման որևէ գործիք, օրինակ՝ HireBee.ai, ինչպես մենք, ապա 40 ռեզյումե դիտարկելու համար անհրաժեշտ է լինում 15 րոպե, ընդ որում այդ ժամանակահատվածում  թեկնածուներին համակարգի կողմից ավտոմատ կերպով ուղարկվում են անվանական նամակներ հավաքագրման հաջորդ փուլի և քայլերի մասին։ Դա կարող է լինել հրավեր Zoom ինտերվյուի (առկա ինտեգրացիայի արդյունքում Zoom-ի հղումն անմիջապես կցվում է մեր համակարգից, կարիք չկա հավելյալ քայլերի), թեսթ թասք, և այլն։ Այն թեկնածուները, որոնք չեն հաղթահարել առաջին փուլը, ստանում են ավտոմատ հաղորդագրություն այդ մասին։ Ի դեպ, ասեմ, որ ՀՀ-ում թեկնածուներն ամենից ավելի բողոքում են հենց այդ փաստից, որ էլ. փոստի միջոցով ռեզյումե ուղարկելիս, երբեք պատասխան չեն ստանում։

Խորհուրդ համար երեք – Թեկնածուներին հարցազրույցի հրավիրելիս նախապատրաստվեք կամ օգտվեք ռեքրութմենթի հավաքագրման ավտոմատացված գործիքից։ Օրինակ, որպեսզի համոզվենք, որ թեկնածուն ստացել է մեր կողմից ուղարկված հարցազրույցի հրավերը, HireBee.ai-ում ունենք հետադարձ հաստատման հնարավորություն, այսինքն` երբ թեկնածուն սեղմում է իր էլ. փոստում առկա հղմանը, մենք ստանում ենք ծանուցում, որ թեկնածուն համաձայնվել է, կամ՝ հակառակը, առաջարկում է փոփոխել օրն ու ժամը։

Եթե մեր թիմից հարցազրույցին հրավիրված են մեկից ավելի թիմակիցներ, բոլորի օրացույցներում, ինչպես նաև Google կալենդարներում, ֆիքսվում է հարցազրույցի օրն ու ժամը։ Մեր դեպքում բավականին շատ ժամանակ է խնայում նաև այն փաստը, որ հարցարզույցի ժամանակ առկա է թեկնածուի մասին լիարժեք ինֆորմացիա մեկ պատուհանից՝ HireBee.ai դեշբորդից։ Օրինակ՝ նախորդ փուլերի ընթացքում մեր թիմի կողմից թողնված ֆիդբեքները/կարծիքը թեկնածուի մասին, ակնկալվող աշխատավարձի չափը, թեսթ թասքը, որն ավտոմատ կերպով էլ. նամակի տեսքով նույնպես գտնվում է թեկնածուի դեշբորդում, ինֆորմացիա այն մասին, թե նախկինում թեկնածուն դիմել է մեզ, թե ոչ, և եթե այո, ապա ինչպիսի փուլերով է անցել, և ինչ կարծիքներ են թողնվել համակարգում հավաքագրման թիմի կողմից։ Մե հրաշք 🙂

Խորհուրդ համար չորս – Նախապես պլանավորեք թեկնածուի հետ հաղորդակցության բոլոր փուլերը, ընդհուպ մինչև առաջարկն օնլայն ուղարկելը, որպեսզի տեղում ավելի հեշտ լինի կազմակերպելը։ Մեր դեպքում շատ է օգնում այն փաստը, որ նման բոլոր նամակների օրինակները պահված են հենց HireBee.ai համակարգում և մեկ քլիքով կարելի է դրանք ուղարկել։ Հիշեցնեմ, որ ավելի պարզեցված տարբերակով այս ամենը հասանելի է նաև staff.am դիմումների կառավարման օնլայն համակարգում։


Վերջում մի քանի lifehack-ով կիսվեմ, որոնք կարող են քառապատկել հավաքագրման արդյունավետությունը։

Lifehack 1

Անպայման օգտագործեք դիմումի ձև։ Դիմումի ձևը մի քանի դաշտից բաղկացած (best practice՝ մինչև հինգ) օնլայն  հարցաշար է, որն ի լրումն ռեզյումեի լրացնում  է թեկնածուն։ Օրինակ` մեր ինթերնշիփի ծրագրի համար մենք խնդրել էինք մեր դիմորդներին պատասխանել երեք պարզ հարցի։ Շատ արագ հնարավոր է ֆիլտրել այն դիմումները, որոնք այդքան էլ չեն համապատասխանում՝ հիմնվելով այն պատասխանների վրա, որոնք տրամադրել են թեկնածուները։ Ավելին, կարող եք ներառել նաև վիդեո ուղերձով ձեր հարցին պատասխանելու պահանջ, հետաքրքրիր կլինի տեսնել, թե ինչպես են արձագանքում դիմորդները 🙂

Lifehack 2

Լավագույն թեկնածուների շարունակական հոսքն ապահովելու համար, հավաստիացեք, որ միշտ առկա է հետադարձ կապը, և եթե թեկնածուին այլևս չեք դիտարկում, անպայման տեղյակ պահեք նրան այդ մասին։ Մեր դեպքում դա արվում է ընդամենը մեկ քլիքով։

Lifehack 3

Երբեք մի դադարեք բարելավել ու զարգացնել այն պրոցեսները, որոնք ունեք։ Ավտոմատացման ժամանակակից համակարգերը, ինչպիսին HireBee-ն է, առաջարկում են հագեցած անալիտիկա, որը կօգնի ցույց տալ ու հասկանալ, թե հատկապես հավաքագրման որ էտապներն ունեն բարելավման կարիք։ Առաջին մի քանի թափուր հաստիքը լրացնելուց հետո մենք հասկացանք, որ ավելի արդյունավետ կլինի, եթե որոշ հաստիքների համար (հիմնականում junior մակարդակի) թեսթային հանձնարարությունը տրվի հարցազրույցից առաջ, իսկ թեկնածուն արդեն ներկայանա հարցազրույցին հանձնարարությունը կատարած։


Դե ինչ, հուսամ օգնեցի իմ խորհուրդներով։ Կիսվեք նաև ձեր խորհուրդներով ու կարծիքներով։ Ինչպիսի՞ lifehack-եր եք կիրառում դուք։ 😊

Powered by staff.am.