Սիրով տեղեկացնում ենք, որ մեր գործընկերներից Noventiq Armenia-ն իրականացնում է միջոցառում, որն օգտակար է բիզնեսի վրա արհեստական բանականության ազդեցությամբ հետաքրքրվողների համար։
InTech Armenia-ն ամենամյա տեխնոլոգիական իրադարձություն է ՏՏ շուկայի զարգացմանն ու ՏՏ նախագծերի իրականացմանն առնչվող կարևոր հարցերի քննարկման համար՝ բիզնեսի և ՏՏ մատակարարների հետ համագործակցությամբ։ Միջոցառումը նպատակ ունի բացահայտելու ՏՏ ոլորտի հիմնական միտումները և Հայաստանում բիզնեսի կարիքները։ Այս տարի միջոցառումն անց է կացվելու ապրիլի 19-ին Armenia Marriott Hotel Yerevan-ում «Shaping the Future of Business: Harmonizing AI, Cybersecurity and Digital Advancements» խորագրի ներքո։
Noventiq Armenia-ն հավատարիմ է Հայաստանում ՏՏ ոլորտի և բիզնեսի կարիքների հիմնական միտումները բացահայտելու, ինչպես նաև թվային բիզնեսի վերափոխման ոլորտում նորագույն լուծումների և գործընկերների փորձի ցուցադրմանը: Միջոցառման նպատակն է օգնել տեղական բիզնեսներին որոշել ՏՏ ներդրումների համար լավագույն ոլորտները՝ առաջարկելով տեղեկատվություն ՏՏ ոլորտի վերջին միտումների և առաջադեմ տեխնոլոգիաների մասին:
Այս տարի մեր գործընկերը բացահայտելու է արհեստական բանականության (AI) աշխարհը: Կուսումնասիրվեն, թե ինչպես է AI-ն ազդում բիզնեսի վրա, կքննարկվեն, թե ինչպես է այն օգնում նրանց նորարարել և ավելի արդյունավետ գործել: Կդիտարկվեն AI-ի, կիբերանվտանգության և թվային նվաճումների միջև համատեղ փոխկապակցվացությունը՝ կարևորելով այս կարևոր բաղադրիչների փոխհարաբերությունները բիզնեսի հաջողությունն ապահովելու գործում:
Միջոցառումը բաղկացած է լինելու երկու մասից. առաջին մասը կներկայացնի պանելային քննարկում «Shaping the Future of Business: Harmonizing AI, Cybersecurity and Digital Advancements», երկրորդ մասը կներառի գլոբալ ՏՏ ընկերությունների ներկայացուցիչների շնորհանդեսները, ովքեր կկիսվեն տեխնոլոգիայի աշխարհի վերջին նորարարություններով և պատկերացումներով:
Միացե՛ք InTech Armenia 2024-ին՝ ծանոթանալու ՏՏ աշխարհի վերջին միտումներին, փորձի փոխանակմանը ոլորտի առաջատարների հետ և ոգեշնչվելու նոր գաղափարներով՝ ձեր բիզնեսը զարգացնելու համար:
Լրացուցիչ տեղեկությունների և գրանցման համար այցելեք InTech Armenia-ի պաշտոնական էջը։
Noventiq ընկերության մասին
Noventiq (Noventiq Holdings PLC) թվային փոխակերպման և տեղեկատվական անվտանգության լուծումների և ծառայությունների առաջատար համաշխարհային մատակարար է, որի գլխամասային գրասենյակը գտնվում է Լոնդոնում:
Ընկերությունն ապահովում, հեշտացնում և արագացնում է իր հաճախորդների բիզնեսի թվային փոխակերպումը ՝ տարբեր ոլորտների կազմակերպություններին կապելով դասի լավագույն մատակարարների հետ, ինչպես նաև տրամադրելով իր սեփական ծառայություններն ու լուծումները:
Ընկերության արագ աճը ամրապնդվում է ծառայությունների և արտադրանքների պորտֆելը և վաճառքի ուղիները ընդլայնելու եռաչափ ռազմավարությամբ:
Դրան աջակցում է միաձուլումների և ձեռքբերումների ակտիվ մոտեցումը, ինչը Noventiq-ին թույլ է տալիս օգտվել ոլորտում շարունակվող համախմբումից:
Մոտավորապես 6,400 աշխատակիցներով ամբողջ աշխարհում՝ Noventiq-ը գործում է մոտ 60 երկրներում՝ զգալի աճի ներուժով բազմաթիվ տարածաշրջաններում, ներառյալ Լատինական Ամերիկան, EMEA և APAC։
