Ուրախ ենք կիսվել ձեզ հետ անցյալ շաբաթ`մարտի 26-ին կայացած միջոցառման մանրամասներով, որը մի հարկի տակ էր հավաքել շուրջ 40 ընկերություններ ներկայացնող 50 մասնագետների՝ ՄՌԿ, մարքեթինգի և հարակից ոլորտներից:
«staff.am-ի գովազդային հնարավորությունները» խորագիրը կրող հանդիպման նպատակն էր գործընկերներին ներկայացնել staff.am-ի կողմից մատուցվող գովազդային ծառայությունները, որոնց նպատակն է ապահովել ինչպես գործատուի բրենդի, այնպես էլ ընկերության պրոդուկտի, ծառայության, սոցիալական կամ կրթական նախագծի, ինչպես նաև միջոցառման առաջխաղացումը։
Լինելով ՀՀ առաջատար կարիերայի հարթակ՝ staff.am-ը անցյալ տարի ներկայացել է որպես պրոդուկտների և ծառայությունների էկոհամակարգ, որոնց հնարավորությունները շատ ավելին են, քան ուղղակի աշխատանք կամ աշխատակից փնտրելը։ Օգտագործելով staffmedia.am-ի մեդիա հարթակի, մեր սոց. էջերի և պլատֆորմի հնարավորությունները՝ մենք օգնել ենք հարյուրավոր գործատուների տարբերվել աշխատաշուկայում, գովազդել նոր նախագիծը, ուսանողների համար նախատեսված ծրագրերը, միջոցառումները և այլն,- կիսվեց staff.am համահիմնադիր Լուիզա Ավետիսյանը։
Ներկաներից շատերի համար staff.am-ի կողմից տրամադրվող գովազդային ծառայությունները նորություն էին։
Ընկերության ներկայացուցիչները հաճելիորեն զարմացած էին մեր էկոհամակարգի կողմից ընձեռվող նոր և հետաքրքիր հնարավորություններով։ Եթե դուք էլ ցանկանում եք ձեր բիզնեսի առաջխաղացման համար կիրառել մեր հարուստ գործիքակազմը, ապա կապ հաստատեք մեզ հետ։
Կիսվում ենք ձեզ հետ միջոցառումն ամփոփող տեսանյութով և լուսանկարներով
