Հարցազրույց․ ինչպես պատասխանել այս հարցին

Որո՞նք են Ձեր թույլ կողմերը։ Երբ մարդ լսում է այսպիսի հարց, սարսռում է։ Այս հարցը բավական է, որպեսզի Դուք չսիրեք աշխատանքի հարցազրույցները։ Յուրաքանչյուր ոք ցանկանում է ներկայացնել իր դրական կողմերը, սակայն այսպիսի հարցադրումը ուղղակի ստիպում է Ձեզ անել հակառակը՝ ցույց տալ Ձեր թույլ կողմերը։ Ի՞նչ անել։

Այս խնդրի ամենատարածված լուծումը Ձեր ուժեղ կողմերը որպես թույլ ներկայացնելն է։ Օրինակ, «ես չափից շատ եմ աշխատում» կամ «ես երբեմն շատ եմ տարվում իմ աշխատանքով»։ Միգուցե այսպիսի պատասխանները թվում են որպես խնդրի լավագույն լուծում, սակայն հարցազրույց վարողի ժպիտի ետևում համոզված եղեք, որ թաքնված է ձանձրույթ։

Մինչ միասին կհասկանանք ինպես դիպուկ պատասխանել, եկեք ինքներս մեզ հարցնենք․ «Ինչու՞ են նրանք այսպիսի հարցեր տալիս»։ Առաջնային, նրանք ուզում են տեսնել, թե ինչքան քննադատորեն եք վերաբերվում ինքներդ Ձեզ և ինչպես կկողմնորոշվեք ու դուրս կգաք այդպիսի ծանր իրավիճակից։ Իսկ երկրորդ պատճառն այն է, որ հարցազրույց վերցնողները փորձում են տեսնել Ձեր արձագանքը․ որքանով եք խուճապի մատնվում, արդյո՞ք այդ հարցը Ձեզ նյարդայնացրեց և հուզեց։ Անկախ Ձեր պատասխանից, շատ կարևոր է նույն մակարդակի պահել ինքնավստահությունը, հավասարակշռությունն ու դրական վերաբերմունքը։

StaffBlog-ն առաջարկում է մի քանի հմտություններ, թե ինչպես  պատասխանել այդ «բացասական» հարցին։

1. Կազմե՛ք Ձեր թերությունների ցանկը և մանրամասնեք․ 

Օրինակ, «Ալարկոտ» գրելու փոխարեն կարող եք գրել «հապաղում եմ պատասխանել էլ․նամակներին»։ Եթե արդեն ունեք լիարժեք ցանկը, ժամանակն է մտածել, թե որ թերությունը ամենաքիչ բացասական ազդեցությունը կունենա այն աշխատանքի վրա, որի համար Ձեզ հարցազրույցի են հրավիրել։

2. Մտածեք Emotional Intelligence-ը (Զգայական ունակությունը) օգտագործելու մասին․

Օրինակ՝

Եթե Դուք ծրագրավորող եք, ապա որպես բացասական կողմ կարող եք նշել այն փաստը, որ երբ հերթը հասնում է մեծ ժողովների ժամանակ խոսելուն, Դուք մի փոքր ամաչկոտ եք դառնում։ Այս բացասական գիծն աննշան ազդեցություն կունենա այն հիմնական հմտությունների վրա, որոնք պահանջում է տվյալ աշխատանքը։ Հետևյալ դեպքում Դուք կներկայացնեք ինքներդ Ձեզ որպես անկեղծ մարդ, ինչն էլ դրական ազդեցություն կթողնի նրանց վրա։

Օրինակ՝

Վաճառողի համար, մտածե՛ք, թե որը կարող է լինել որպես թերություն։ Հավանական է, որ վաճառողը կարող է որոշ դժվարություններ ունենալ գործավարական ոլորտում։ Կրկին, այս բացասական հատկանիշը չի բնորոշում մարդուն որպես վատ վաճառող, քանի որ նրա հիմնական աշխատանքը արդյունավետ վաճառքըժ կազմակերպելն է։ Ոչ մի կազմակերպություն չի պատրաստվում ընդունել մի աշխատակցի, ով հասկանում է գործավարությունից, սակայն սարսափելի է որպես վաճառող։

3. Բացատրեք ինչպես եք հասկացել Ձեր թերությունը և ինպես եք աշխատում այն շտկելու վրա։

Որպես վաճառող, Դուք կարող եք ասել հետևյալը․

«Ես գիտակցել եմ իմ թերությունը և հասկացել, որ այս խնդիրը լուծելով կարող եմ ավելի շատ ժամանակ տրամադրել վաճառքին»:

Որպես ծրագրավորող, Դուք կարող եք ասել հետևյալը․

«Դա թերություն է, որի մասին ես տեղյակ եմ և գիտակցում եմ, հետևաբար, նախքան հանիպումներին և ժողովներին մասնակցելը, ես աշխատում եմ ինձ վրա։ Հարկ է նշել, որ այն ինձ տալիս է ինքնավստահություն, և ես բավականին փոխվել եմ վերջին տարիներին»։

Ամփոփում

• Համոզվեք, որ այդ հարցից Ձեր տոնայնությունն ու ինքնավստահության մակարդակը չի փոխվել:
• Կազմեք Ձեր բացասական կողմերի ցանկը և փորձեք մանրամասնել դրանք՝ ավելի ընդհանուր պատասխան տալու փոխարեն:
• Խոսեք այն բացասական հատկանիշի մասին, որն ունի ամենաչնչին ազդեցությունը Ձեր ապագա աշխատանքի վրա։
• Նշեք, որ Դուք այդ խնդիրը գիտակցում եք և աշխատում այն շտկելու վրա։