Հայաստանում բացվել է Apple-ի պաշտոնական գործընկեր iSpace սրահը

355

Երևանում Apple Authorised Reseller կարգավիճակով բացվել է Apple-ի հայաստանյան առաջին պաշտոնական գործընկերը iSpace սրահը։ Բացմանը ներկա էին մի շարք հյուրեր, որոնք տեղում հնարավորություն ունեցան ծանոթանալու սրահի պայմաններին և տեսականուն։ 

staff.am-ը ևս հրավիրված էր iSpace-ի բացմանը և ներկայացնում է սրահի բացման մանրամասները։

Apple ստանդարտներով սրահը գտնվում է մայրաքաղաքի կենտրոնում՝ Ամիրյան 7 հասցեում։ Սրահ մտնելուն պես հայտնվում ես իրական Apple մթնոլորտում և զգում համաշխարհային ընկերության շունչը։ 

Նորաբաց iSpace-ը Apple-ի պաշտոնական գործընկերն է, պաշտոնապես հավաստագրված է համաշխարհային գիգանտի կողմից և լիարժեք համապատասխանում է բոլոր միջազգային ստանդարտներին։

Սրահում ներկայացված է Apple ընկերության պաշտոնական արտադրանքի ամբողջական առկա տեսականին, խոսքն էքսկլյուզիվ պրոդուկտների մասին է՝ Mac, iPhone, iPad, Apple Watch, AirPods։ Իսկ Apple էքսպերտները հաճախորդների համար տեղում կանցկացնեն սարքերի ուսուցում և նախապատրաստում օգտագործմանը։ Բացի այդ, սրահում գործելու է պաժտոնապես լիազորված սպասարկման կենտրոն, որտեղ հնարավոր կլինի վերանորոգել Apple սարքերը թե՛ պաշտոնական երաշխիքով, թե՛ դրանից դուրս։

Շուտով նորաբաց iSpace-ում կգործեն նաև հետևյալ ծառայությունները․

Trade-in՝ հին սարքի փոխարինում նորով,

Buy-Back՝ օգտագործված սարքի հետգնում,

Ընդլայնված երաշխիք՝ սարքն ավելի երկար ժամանակով ռիսկերից պաշտպանելու համար,

Փոխարինման ֆոնդ՝ եթե սարքը վերանորոգման մեջ է, տրամադրվում է մեկ այլ, ժամանակավոր սարք՝ որպես փոխարինող։

2022 թվականի ընթացքում կբացվի նաև iSpace երկրորդ սրահը, որը կունենա Apple Premium Reseller կարգավիճակ` ամենաբարձրը Apple դասակարգման մեջ։

Powered by staff.am.