Արդեն 8-րդ տարին անընդմեջ JTI Armenia -ն հավաստագրվում է որպես Լավագույն գործատու Հայաստանում, Եվրոպայում և աշխարհում՝ գնահատելով ընկերության շարունակական նվիրվածությունն ու նորարարական մոտեցումը աշխատակիցների բարեկեցության հարցում:
Լավագույն Գործատուների Ինստիտուտն առաջատար է մարդկանց հետ աշխատելու նորարարական փորձի ճանաչման ոլորտում և այս տարի գնահատել է JTI-ը հատկապես ընկերությունում հավասար հնարավորությունների և հավասար վարձատրության ներդրման համար, ինչը 2021 թվականի նոյեմբերին հաստատվել էր EY ընկերության կողմից, երբ վերջիններիս կողմից JTI-ին շնորհվեց Գլոբալ հավասարության ստանդարտի (GES) առաջին վկայականներից մեկը, ինչպես նաև աշխատակիցների բարեկեցությանն ուղղված համաշխարհային առաջատար նախաձեռնությունների համար, ինչպիսիք են ճկուն աշխատանքային միջոցառումները, առաջադեմ գլոբալ ընտանեկան արձակուրդի քաղաքականությունը, որը ներդրվել է 2021 թվականին, և կանանց դերի հզորացման ծրագիրը՝ TOGETHER-ը։
«Պատիվ է ևս մեկ անգամ ստանալ Լավագույն Գործատուների Ինստիտուտի կողմից տրվող հավաստագիրը: Ամեն ինչի հիմքում մեր մարդիկ են, այդ իսկ պատճառով մենք նպատակ ունենք նրանց առաջարկել հնարավորինս լավագույն աշխատանքային միջավայր: Մեր ավելի քան 40,000 գործընկերներին զարգանալու հնարավորություն տալը և նրանց ներուժն իրագործելու համար հարմարավետ պայմաններ ու աջակցություն տրամադրելը մեզ համար կարևորագույն նշանակություն ունի», – ասաց JTI Բելառուսի և Կովկասյան տարածաշրջանի գործադիր տնօրեն Սերգեյ Բուքսան:
«Մենք ուրախ ենք, որ JTI-ը պահպանել է իր տեղն աշխարհի Լավագույն Գործատուների շարքում: Նրանք պետք է հպարտ լինեն՝ մարդկանց հետ աշխատելու համաշխարային առաջատար լինելու իրենց կարգավիճակով, և այն շարունակական նվիրվածության համար, որ ցուցաբերում են ամբողջ աշխարհում իրենց բոլոր աշխատակիցների բարեկեցությունը բարելավելու համար: Նրանց վերջին հաջողությունը՝ որպես Գլոբալ Հավասարության Գործատու ճանաչվելը, չափանիշ է հանդիսանում այն ընկերությունների համար, որոնք նույնպես ցանկանում են դառնալ Լավագույն գործատու»,- ասաց Լավագույն Գործատուների Ինստիտուտի գործադիր տնօրեն Դեյվիդ Փլինքը:
JTI-ը մեծ նպատակներ է սահմանել՝ ներկա և ապագա տաղանդներին օգտակար լինելու, աջակցելու և ներգրավելու համար: Կազմակերպությունը կշարունակի կենտրոնանալ աշխատակիցների բարեկեցության վրա՝ հարմարեցնելով և բարելավելով ընկերության աշխատանքային միջավայրը՝ լինի դա գրասենյակում, թե՝ տանը: Ներկա աշխատակիցներին հասանելի կլինեն բազմաթիվ հեռահար թիմային նախաձեռնություններ՝ կենտրոնանալով աշխատանք-կյանք առողջ հավասարակշռության և անձնական զարգացման վրա, իսկ ապագա աշխատակիցները հնարավորություն կունենան մասնակցելու JTI-ի «Make It Bright Challenge» ծրագրին, որտեղ ամբողջ աշխարհից ուսանողները մրցում են վճարովի գլոբալ պրակտիկայի համար, ինչը կարող է հնարավորություն տալ հետագայում հիմնական աշխատանքի անցնել ընկերությունում: Այս ծրագրերը, ի լրումն համաշխարհային առաջատարայլ նախաձեռնությունների, կամրապնդեն JTI-ի Լավագույն Գործատուի կարգավիճակը:
JTI-ը ծխախոտի և տաքացվող ծխախոտային արտադրանքի միջազգային առաջատար արտադրող է, որը ներկայացված է աշխարհի ավելի քան 130 երկրում: Ընկերությանն են պատկանում համաշխարհային երկու ապրանքանիշ՝ Winston-ը և Camel-ը (բացառությամբ ԱՄՆ-ի տարածքի): Ընկերության պորտֆելը ներառում է նաև Sobranie, Mevius և LD ապրանքանիշերը: Ավելին, JTI-ը տաքացվող ծխախոտի կատեգորիայի խոշոր դերակատար է Logic և Ploom ապրանքանիշերով: Ընկերության գլխամասային գրասենյակը գտնվում է Շվեյցարիայի Ժնև քաղաքում: Ընկերությունում ընդհանուր առմամբ աշխատում է ավելի քան 40,000 աշխատակից: JTI-ի հայաստանյան գրասենյակում աշխատում է շուրջ 50 աշխատակից։ JTI-ը հանդիսանում է ճապոնական Japan Tobacco ընկերությունների խմբի անդամ։ Ընկերության մասին լրացուցիչ տեղեկությունների համար այցելեք ընկերության կայք։
