Շարունակում ենք MND (Monthly News Digest)-ների շարքը։ Հերթն այս անգամ հուլիս ամսվանն է։ Հուլիսը հնարավորությունների մասին էր․ հնարավորություն՝ հանդիպելու աշխարհահռչակ դերասանին և ստանալու արժեքավոր մասնագիտական խորհուրդներ, հնարավորություն՝ զարգացնելու վաճառքի և բանակցելու հմտությունները, հնարավորություն՝ ստանալու կրթության վարձավճարի 100% փոխհատուցում կամ մասնակցելու արտերկրում ֆինանսավորվող պրակտիկայի, հնարավորություն՝ տեղափոխելու ստարթափը հաջորդ մակարդակ և ծանոթանալու իրենց ոլորտում փորձառու մասնագետների հետ։
Դե ինչ, եկեք հերթով անդրադառնանք այս չորս հնարավորություններին։
Քևին Սփեյսի | Աշխարհահռչակ դերասանը Հայաստանում
Այս տարի «Ոսկե ծիրան» 21-րդ միջազգային կինոփառատոնի շրջանակներում պատվավոր հյուրի կարգավիճակով Հայաստան էր ժամանել թատրոնի և կինոյի վաստակավոր դերասան, կրկնակի օսկարակիր Քևին Սփեյսին։ Հուլիսի 9-ին բոլոր արվեստասերները հնարավորություն ունեին հանդիեպելու անվանի դերասանին և անձամբ ուղղելու իրենց հարցերը։ Մենք ևս ներկա ենք գտնվել այդ բացառիկ հանդիպմանը և այդ առիթով պատրաստել գեղեցիկ հոդված։
Ինեկոբանկը քո կողքին | Կրթական ծրագիր ուսանողների համար
Ֆինանսական կարգավիճակը այլևս չի կարող խոչընդոտ հանդիսանալ ձեր և ձեր երազանքների մասնագիտության միջև։ Ինեկոբանկը, ցուցաբերելով կորպորատիվ սոցիալական պատասխանատվության բարձր մակարդակ, արժեվորում է որակյալ բուհական կրթությունը և մեծ ներդրում է անում այս ուղղությամբ։ Բանկը մշակել է «Ինեկոբանկը քո կողքին» ծրագիրը, որը հնարավորություն է տալիս ստանալու բուհական կրթության վարձավճարի 100% փոխհատուցում կամ մասնակցելու արտերկրում ֆինանսավորվող պրակտիկայի։
Ծրագրին դիմելու և դիմորդների թեստավորման ու հարցազրույցների փուլերն արդեն ամփոփվել են, և այժմ այդ փուլերը հաղթահարած մասնակիցները իրականացնում են երեք շաբաթ տևողությամբ նախագծեր, որից հետո արդեն հայտնի կլինեն հաղթողների անունները։
Հուսանք, որ դեռ երկար տարիներ շարունակելու ենք լուսաբանել «Ինեկոբանկը քո կողքին» ծրագիրը, և դեռ շատ ու շատ ուսանողներ հնարավորություն կունենան օգտվելու այս ծրագրից։
Mastering the Sales Game vol 3
staff.am-ի ուսումնասիրությունները փաստում են՝ 2024 թվականի առաջին եռամսյակում դիտվել է վաճառքի ոլորտի մասնագետների պահանջարկի աճ, ընդ որում, նախորդ տարի այս մասնագիտությունը ՀՀ աշխատաշուկայում գնահատվել է երկրորդ ամենապահանջվածը։ Սակայն հայտարարված հաստիքները շատ դժվարությամբ են համալրվում։ Հենց այս նպատակով էլ staff.am-ի էկոհամակարգի չորս ուղղություններից կրթականը՝ Career Factory-ն մշակել է Mastering the Sales Game վաճառքի ֆունդամենտալ դասընթացը, որն անցկացնում է աշխարհի տարբեր անկյուններում վաճառքի և բիզնեսի զարգացման ոլորտում ավելի քան 10 տարվա փորձ ունեցող Բյուզանդ Մկրտիչեանը։ Դասընթացն այնքան ստացված էր, որ հուլիսի 22-ին հասցրել ենք մեկնարկել արդեն Mastering the Sales Game vol 3-ը։
staff.am-ի համահիմնադիրը Sevan Startup Summit 2024-ին | Մենթորություն, աշխատարան, քննարկումներ
Այս տարի ևս staff.am-ի և Hirebee-ի համահիմնադիր Լուիզա Ավետիսյանը ունեցավ իր ներդրումը Sevan Startup Summit ոչ ֆորմալ վրանային բիզնես ֆորումում։ Այն միավորում է ստարթափների հիմնադիրներին, փորձառու մենթորներին, տարբեր ոլորտների մասնագետներին և ներդրումային կազմակերպությունների ներկայացուցիչներին մեկ հարթակում՝ նպաստելով ձեռնարկատիրության զարգացմանը Հայաստանում։
Անսահմանափակ նեթվորքինգ, գիտելիքի և փորձի փոխանակում, ինտենսիվ բիզնես քննարկումներ, մենթորություն, կարճ ասած՝ հնարավորություն, որից անպայման պետք է օգտվել։
