Linkedin Local Yerevan

740

staffmedia.am-ը հանդիսանում է Linkedin Local Yerevan մեդիա գործընկերը, որի շրջանակներում ուրախությամբ տեղեկացնում ենք շուտով կայանալիք արդյունքահեն բիզնես նեթվորքինգի մասին, որին կարող եք մասնակցել նաև դուք։

LinkedIn Local Yerevan-ը Հայաստանում երբևէ իրականացվող իր ձևաչափով առաջին բիզնես նեթվորքինգ իրադարձությունն է։
Միջոցառումը միավորելու է բիզնես համայնքին՝ ստեղծելու նոր կապեր և հնարավորություններ։

LinkedIn Local Yerevan-ը ունի միջազգային ֆորմատ և հաջողել է տարբեր երկրներում։ Այն միտված է Հայաստանի բիզնես միջավայրում արդյունավետ նեթվորքինգի զարգացմանը, որտեղ յուրաքանչյուր մասնակից հնարավորություն կունենա հանդիպել և կիսվել գաղափարներով ոլորտի լավագույնների հետ, ինչպես նաև ստեղծել կապեր՝ նորը սովորելու, ոգեշնչելու և ոգեշնչվելու։ 

Մի քանի ամիս առաջ կազմակերպվել է LiknedIn Local Glendale միջոցառումը Միացյալ Նահանգներում, որի շնորհիվ թիմը կուտակել է համապատասխան հմտություններ և այժմ պատրաստ է ձեռք բերած միջազգային փորձը ներդնել Հայաստանում։

Ե՞րբ և որտե՞ղ է տեղի ունենալու Linkedin Local Yerevan միջոցառումը

Ապրիլի 6-ին բիզնես ոլորտի ներկայացուցիչները կարող են մասը դառնալ նեթվորքինգի կիրառմանը, որը վերցված է արտասահմանյան լավագույն փորձից։ Այսպիսով, Linkedin Local Yerevan-ը սահմանելու է նեթվորքինգի նոր նշաձող։

Այս միջոցառումը լինելու է ոչ ստանդարտ ֆորմատի։ Տեղի է ունենալու ALTEZZA by Armenian Helicopters-ում՝ ուղղաթիռների կանգառում, որտեղ ընդմիջումներին կվայելեք DJ-ի ֆանտաստիկ երաժշտություն, կունենաք գոլֆի workshop, կմասնակցեք սոմելիեի մաստերքլասին, ականտես կլինեք խոսնակների՝ ուղղաթիռներով ժամանմանը։

Linkedin Local Yerevan-ի նպատակը

Միջոցառման գաղափարի հիմնաքարը հանդիսանում է Հայաստանում նեթվորքինգի նոր մոտեցման ներդրումը, որը կնպաստի տարբեր ոլորտներում հնարավորությունների ընդլայնմանը և, իհարկե, նոր կապերի ստեղծմանը։ Իսկ մշակված մոտեցումը ստեղծելու է կոմֆորտ զոնայից դուրս նեթվորքինգ, որը յուրահատուկ ծրագիր է, ինչի միջոցով մասնակիցները կստանան առավելագույն արդյունքներ։

Միջոցառման ընթացքում հանդես կգան ամենատարբեր ոլորտներում կայացած մասնագետներ, ովքեր կկիսվեն սեփական փորձով, ինչպես նաև իրադարձության շրջանակներում մասնակիցների հետ միասին կքննարկեն նեթվորքինգի ճիշտ օգտագործման սկզբունքները։

Միջոցառման երկրորդ մասում լինելու է ուղղորդված նեթվորքինգ՝ նպատակաուղղված իրական և արդյունքամետ կապերի զարգացմանը,  որն էլ դուրս է գալու միջոցառման սահմաններից և կրելու է շարունակական բնույթ։

Linkedin Local Yerevan-ի շրջանակում տարբեր ոլորտների ձեռներեցներ,  բիզնես սեփականատերեր և մասնագետներ հանդիպելու են նոր համագաղափարակիցների, ովքեր կարող են դառնալ պոտենցիալ հաճախորդներ, գործընկերներ կամ ներդրողներ։


LiknedIn Local Glendale-ի միջոցառումը նկարներում


LinkedIn Local Yerevan-ը Գլենդել քաաքում
Լուսանկարները՝ Linkedin Local Yerevan-ի
LinkedIn Local Yerevan-ը Գլենդել քաաքում
LinkedIn Local Event-ը Գլենդել քաաքում
LinkedIn Local Event-ը Գլենդել քաաքում
Powered by staff.am.