Գարնան վերջին ամիսն ինչպես միշտ հագեցած էր։ MND (Monthly News Digest)-ի մայիսյան թողարկման մեջ ներառել ենք EasyPay ընկերության գործադիր տնօրեն Մհեր Գալստյանի հետ անցկացրած հացրազրույցը, Career Factory-ի «Mastering the Sales Game» դասընթացի մեկնարկը, Հայաստանի Պետական Տնտեսագիտական Համալսարանի աշխատանքի տոնավաճառն ու staff.am-ի համահիմնադիր-տնօրեն Լուիզա Ավետիսյանի հոդվածը «Life in Armenia» ամսագրում։ Դե ինչ գնացինք։
CEOTalk EasyPay ընկերության հետ
Մայիս ամսին staff.am-ն իր CEOTalk նախագծի շրջանակներում զրուցել է EasyPay-ի գործադիր տնօրեն Մհեր Գալստյանի հետ։
Անդրադարձ է կատարվել շուրջ 10 տարի գործունեություն ծավալող ընկերության առաքելությանը, գործունեությանը, թիմին, տաղանդների հավաքագրմանն ու զարգացմանը՝ միաժամանակ բացահայտելով նաև Մհեր Գալստյանին՝ որպես ղեկավար։
Career Factory-ի «Mastering the Sales Games» դասընթացի մեկնարկը
Մայիսի 6-ին մեկնարկեց Career Factory by staff.am-ի «Mastering the Sales Game» վաճառքի և բիզնեսի զարգացման ֆունդամենտալ դասընթացը։
Առաջին օրվա ակտիվ և ջերմ մթնոլորտի տպավորությունները մեզ մինչև այսօր չեն լքում, հիմա էլ սիրով կիսվում ենք ձեզ հետ։
Առանձնակի շնորհակալ ենք մեր դասընթացի մասնակիցներին վստահության համար և խոստանում ենք գերհագեցած երկու ամիս՝ լի նոր գիտելիքներով, փորձով և տպավորություններով:
Career Factory by staff.am-ի առաքելությունն է խթանել մասնագիտական աճի հնարավորությունները նպատակասլաց մասնագետների համար:
Իսկ եթե դեռ չեք հասցրել ծանոթանալ Career Factory-ին, սեղմեք կոճակին։
ՀՊՏՀ աշխատանքի տոնավաճառ
Մայիսի 16-ին Հայաստանի Պետական Տնտեսագիտական Համալսարանը (ՀՊՏՀ-ASUE) կազմակերպել էր աշխատանքի տոնավաճառ, որին իր մասնակցությունն ունեցավ նաև staff.am-ը։
ՀՊՏՀ աշխատանքի տոնավաճառում իրենց թափուր հաստիքներն էին ներկայացնում ինչպես պետական կառույցները, այնպես էլ մասնավոր հատվածի խոշորագույն ընկերությունները։
Աշխատանքային տոնավաճառի ընթացքում staff.am-ի տաղավարն այս անգամ այցելուներին հետաքրքրել է հատկապես մեր էկոհամակարգի կրթական ուղղությամբ՝ Career Factory by staff.am։
staff.am-ը «Life in Armenia»ամսագրի մայիսյան համարում
Life in Armenia-ի 2024 թվականի հերթական համարում staff.am-ի համահիմնադիր Լուիզա Ավետիսյանը կիսվում է Հայաստանում մասնագետների հավաքագրման, ՀՀ աշխատաշուկայի առանձնահատկությունների ու վիճակագրության մասին, որը հատկապես հետաքրքիր կլինի արտերկրի գործատուներին և անհատներին։
«Life in Armenia» ամսագիրը թվային ֆորմատով է։ Դրա հեղինակ Մեթյու Զեյնը իմ քանի տարի առաջ տեղափոխվել է ՀՀ, և ակտիվորեն ներգրավված է հայկական բիզնես համայնքում։ Մեթյուն կատարում է լայնածավալ աշխատանք Հայաստանն այլազգի մասնագետների շրջանում ներկայացնելու և մեր երկրի առավելությունները ընդգծելու։ Հոդվածն անգլերեն լեզվով է։
